عنوان الموضوع : اعرفكم بنفسي
مقدم من طرف منتديات نساء الجزائر

اعرفكم بنفسي



السلام عليكم ورحمه الله وبركاته

اول شي اللي تمل بسرعه ومالها خلق للكلام الكثير تدور على موضوع 2 تقراه

ثاني شي احنا كلنا بالصلاة على النبي جايبين كمبيوتر للبيت واللي عندها لاب توب ومخسريين اهلنا عشان الانترنت ونشوف ايش اللي صاير بالعالم من جميع النواحي

ثالث شي اوقات ندش الانترنت في اليوم اكثر من مره نفتح الايميل لا يوجد احد متصل ندش المنتديات نلاقي مواضيع ( زي موضوعي هذا ) ما ادري وش يبي

بعدين نسجل خروج نشوف احوال البيت ما في شي جديد نرجع للأنترنت :8[1]:

انا عمري 20 سنه

وزني 150 ك اللهم لا حسد

احب امزح والعب احب اتعرف على الناس يعني اجتماعيه بصراحه مأعرف اكره واتمنى الخير للغير مثل مأتمناه لنفسي

مأكذب عليكم سمعت عن البال توك واللي يصير فيه طبعا الكلام هذا العام وحبيت اني اشوف بعض من اللي اسمعه

فيه وحده كانت صديقه لي خويها من الناس اللي يحبو البال توك وعنده هذا اللي يسمونه نك يخليك تشوف العروض اللي صايره بدون انقطاع

المهم جابت النك وجاتني زياره جلسنا مع الأهل شوي بعدين دشينا حجرتي شوي شوي الا واحنا في البالتوك ويا ساتر

عموما تميت على هذا الحال يمكن شهرين واكثر حتى يوم صار النك ماهو بيدي سجلت نك خاص فيني هذا اللي ما شي حاله والأحق الصور مبهوره باللي اشوفه حالي حال اي مراهق او مراهقه

الي ان هداني الله وحلفت اني ما ادش هذا المكان مره 2 والحمد لله

بعدها حنيت طبعا للشي اللي كنت اشوفه والأثاره وتذكرت اني حلفت ما ارجع قلت يابنت جربي غرف الدردشه يمكن تكون احسن وبعد هناك مافي عروض

دشينا غرف الدردشه طبعا الأخت فرحانه رازه اسمي شوي الا وذيك الخطوط الصفر جايه
انفجعت

يا بنت وش السواه قلت ليش هذولي ماعندهم خط اصفر وهذول عندهم وش اسوي كيف اعرف
المهم اتصلت بالمنقذه خبيرة الانترنت صديقتي الاوله حقت البالتوك ( ذكرتوها )

المهم قلت لها السالفه قالت اي دردشه قلت لها اسم الدردشة قالت وش اسمك قلتلها بأسمي ضحكت وقالت اللي عليهم خط اصفر يبون يكلمونك على الخاص عشان شافو الأسم اسم بنيه يبون يتعرفون قلت خير ان شاءالله

سكرت منها وارعص على اول اسم شافته عيني سلام وعليكم السلام ممكن نتعرف والأخت مصدقه نفسها ممكن المهم سالفه تجر سالفه الأخ طلع مصري عطيني ايميلك تفضل واخذت ايميله يالله نتقابل على الماسنجر يالله

دشينا الماسنجر

واول ما قال عندك كام قلت لا

عندك مايك قلت لا

قال مع السلامه وطلع

بصراحه حسيت ان الدنيا صايره مثل ( حمالة صدري ) اشتريها كبيره البسها تصير ضيقه

يعني يا يشوفني يا يزعل وش بيشوف على باله زين كان طلع له رمش عيني على كبر وجههي ما ضنيت الكاميرا بتشيله كله

وكل مادش دردشه نفس الموقف قلت خلني ادش بسم ريال ونشوف وش عندهم هالتماسيح
حبيت اسوي مثلهم وادور اسماء البنات وكل ما ادش وياها الخاص تتطلع في النهاية ريال

قلت ايوه الحين عرفت

البنت تدش بسم رجال ماحد يسئل عنها ولا احد يأذيها والرجال يدش بسم بنت عشان يصيد الخرفان من التماسيح اللي مثله

ولقيت اغلب سوالفهم سب وقلة حيا والله الأسبوع الماضي دشيت احد مواقع الدردشه وفي احد الغرف يا هو كلام انكتب هناك ما كان ناقص الا عرض فيديو وين المراقبين لا وكل شوي تجي رساله ممنوع استخدام الألفاظ البذيئة وممنوع مدري شنو

حسيت انه فعلا بعض الرجال كلمة ................ قليل فيه

الحل الأخير قلت ما في الا المنتديات اكتبي اللي تبين يا بنت وتوكلي على الله لاكام ولا هم يحزنون


لكن اوقات تمر على الوحده فينا او الواحد يبي احد غريب ما يعرفه يسولف معاه بدون خوف انه يفضحه او يسبب له مشاكل ويكون عارف ان الغاية الوحيده من علاقتهم ببعض هي للتفريج عن ما بداخل القلب والكلام بصوره عامه عن كل شي

لأني بصراحه احب اسولف احب اناقش احب اسمع لكن من غير كام او صوت

بصراحه هذا اللي خلاني اكتب لكم وبصراحه ارتحت بعد ما عبرت عن بعض ما عندي واسفة جدا جدا على الأطاله








اي وحده او واحد حاله مثل حالي ويبي يسولف باي وقت يرسل رساله لي على الخاص

>>>>> ردود الأعضـــــــــــــــــــاء على الموضوع <<<<<
==================================


مشكورة اختي الغالية لما تقدمي من رائع وجديد




تسلم ايدك



تقلبي مرور ي بين صفحاتك العطرة


__________________________________________________ __________

مشكورة اختي الغالية اميررة على مرورك ومشاركتك


__________________________________________________ __________

LapDop
خليني ساكته أحسن لي ولك
أنا أول وحدة أكون معك في هذي الزاويه
وأن الوحده محتاجه أحد تفضفضله اللي عندها
ودها أحد يحس فيها
ويعطيها من وقته عشان تحس بالحياه
والأفضل يكون بعيد أحسن من قريب يفضحها مثل ما قلت
بس وين؟؟؟
كنت على الشات من أول ماجب الابتوب وتركته لان زي ما قلت كلامهم سيء



والله أنك طحت على الجرح زي ما يقولوا وماعليك إذا أنت ودك أحد يسولف معك
حتى أنا ودي أحد يسولف معي

الوحد عم تقتلني

الله يسامحك أقولك طحتي على الجرح

عهوووووود


__________________________________________________ __________

العهود

كل الشكر والتقدير على مرورك ومشاركتك


__________________________________________________ __________

اختي سولفي هنا في المنتديات ونحن نسمعك



ام العيون العسلي