اكرهه بنت عمي ومو قادره انسي تصرفاتها

[aksachli]

عنوان الموضوع : اكرهه بنت عمي ومو قادره انسي تصرفاتها
مقدم من طرف منتديات نساء الجزائر

اكرهه بنت عمي ومو قادره انسي تصرفاتها



انا بمشكله مضايقتني كثير ونفسي أتخلص منها وهي بنت عمي بنفس عمري وكلنا مو صغار أعمارنا ب 25 البنت هذا وربي شاهد اني اتضايق منها ومجرد ماسمع اسمها والله لو أقول اني اكرهها قليله عليها البنت هذا ماخلت بقلبي لو ذرة معزه مشاكلها كثير معاي ومع غيري بس أنا بطبعي إنسانه مسالمة لأبعد حد صرت اسكت عن تصرفاتها لين طفح الكيل لو من البدايه اوقفها عند حدها او أقلها ماسكت وارد عليها كان ما حقدت عليها هالكثر والله ودي أتخلص من هذا الكره لآني وربي ماعمري حقدت على شخص الا هذا البنت كل ماتذكر مواقفها معاي احس بقهر ليه انا هادئة ومسالمه ليه اخليها تتطاول وانا سأكته ليه كنت معتبرتها اخت وهي أصلا ماتستاهل إنسانه مريضه بشكل حاولت اكبر عقلي وماهتم لها بس اذا تذكرت أسلوبها وتصرفاتها انقهر بـ تقولون لي وش المواقف وربي احتار مادري وش اكتب من كانت صغيره لين الحين حتي وهي متزوجه تقريبا من أشهر تزوجت وحتي زواجها الكل يتافف ماحد فرحان فيه واغلب البنات ما حضروا والكل حاقد عليها بس انا حضرت وبعد تفكير لانها بنت عمي ومجبورة احضر وفوق كذا تنادي الكل يسلم عليها وتختار بنات معينات يسلمون عليها اذا كانت جالسه معانا تحاول تأخذ الجو جد احس انه جلستنا كلها شحنات والكل يقط كلام ويجرح وهي تنبسط على الجو اللي فيه هواش ودائم كلامها انا انخطبت انا فلان يحبني انا وانا هذا غير الاستهزاء باللي قدامها على انه ربي ماعطاها الجمال سبحان الله شكلها مو مقبول نهائيا ماكانها من العائلة ملامحها غير عنا وسلوكها غير بس تحاول تبرز نفسها وتسوي احزاب ومشدات ومشاكل بس عشان تلفت الانتباهه مو معقوله فيه ناس كذا ماحسها بنت عمي من لحمي ودمي وحتي خواتها وهم خواتها تستهزاء فيهم وهم كبار وعلاقتها مع اختي الكبيره قويه رغم فارق السن بينهم ودائم زيارات لاختي وتتميلح عند زوج اختي بس بعد ما تطلقت اختي بسبب مشاكل مع زوجها صارت تطلع كلام على اختي
وتطور العلاقات مع كل وحده من خواتي تأخذ أسرارهم على انه خواتي مو صغار بس نفسي اعرف شلون قدرت تلعب برؤوسهم والحين الكل مأخذ موقف وحاقد وبعائلتنا كلها مافيه الا البنت هذا مسببه مشاكل وبعد زواجها اكتشفنا انه ولا وحده من بنات عمي الثانيات تتكلم معنا وكل هذا من تحت رأسها قبل ماكنا كذا نجتمع ونضحك وننبسط بس بعد ما دخلت معنا بالجوء خربتها حسبي الله عليها نفسي ماشوفها بحياتي لدرجه فرحت انها راح تتزوج توقعها راح تسافر بس ما تغير شي نفسي ماسمع عنها شي مابي ياصلني خبر عنها الا وفاتها احسه بيكون اسعد يوم مجرد مأشوف هالاشكال تختفي عن الوجود انا والله قلبي مو اسود بس بنت عمي خلتني كذا تسوي عزائمنا وتزعم البنات وانا لا تتواصل مع خواتي الكبار ولا ولا مره عطتني رنه وفوق كذا تسحب على خواتي وتسبب تفرقه بينهم وترجع تشكي انو تجيها ازعاجات بالجوال وناس تدعي عليها بالموت وتقعد تبكي وخواتي يرحموهآ وحتي انا وبوفاة أبوها وقفت معاها وربي كنت ابكي بحرقه وكنت ضامتها بس مجرد مار أحت ايام العزاء تغيرت ورجعت نفس قبل تحقد وكانت دائم تسامعني انه ياحرام اللي مالها خوات متزوجات لان خواتي تزوجو وهم كبار وهي لا بنت اختها قريبه لعمرها ودائم تحسس اللي قدامها بالنقص
انا مقهوره والله مقهوره بعد كل هالسنين حاسه بقهر منها
تكفون بنات ودي أتخلص من هذا الشي مابي أفكر فيها ومبانيها تشغل تفكيري لان كل ماتذكرت حركات قلت حسبي الله ونعم الوكيل

>>>>> ردود الأعضـــــــــــــــــــاء على الموضوع <<<<<
==================================

عامليها باخلاقك بطيبتك واحترامك حتى لو ما تستاهل عشانك وعشان ربك وممكن تتعلم ،،!

علميها اخلاقك ولا تتعلمين منها اخلاقها ،،!

والله تعرفت على صديقة جديده تنتقد تصرفاتي وطيبتي وانا احاول افهمها ان الطيبة والقلب النظيف لي انا قبل الناس تقولي ضعف او بيستغلوني بعدين،،! هذا تفكيرها تفكيرها لها حبيبي انا علي من تفكيري انا ماني مجبورة اغير تفكير احد اذا هو مصلب على قراره ويشوف التزحزح خسارة ! انتي نظيف تفكيرك حرام تلوثينه عشان شخص ما يستاهل حرام ،،قلبك مسالم ليه تحقدين خلاص كلمتي نصحتي ما وقفت مالنا حكم او يد على الناس ربك حسيبهم اهم شيء لما تشوفين الغلط توخرين عنه وترفسينه ولا تجين بطريقه ولا تضحكين على اصحابه لان ربك يبلى وقولي الحمدلله الذي عفانا ،، سيبيها بعد نصيحتك لها وسامحي عشان ربك يسامحك ،، والقلبك مللكك انتي محد يقدر يدخل فيه بدون رغبتك ،، احساسك ومشاعرك خليها تمثلك انتي مو الناس وسوئهم ولا تلاقين الناس كلهم سيئين والله حبيبي ما يصلح ،،

اتمتعي بحياتك وعيشي باحسن طريقة وكوني شخص فعال متفهم عطووف رحووم حتى لو الناس مو كذا حتى لو قابلتي ناس عكس بيتعلمون منك ولا عمرك تنهزمين وتستلمين ويسيطر عليك تفكيرهم او سلوكهم انتي بما انك عايشة عايشة عيشي لربك ونفسك عيشي براحة بدون كره وحقد ايش ما كانت تسوي لو سحبتي عليها ولا عاد تفكرين او تندمجين باسلوبها وكلامها ما بياثر فيك انصحيها وقوي راييك ووصلي لها نظرتك والباقي سيبيه ،، وربنا يغفر لها ولنا

__________________________________________________ __________

الله يهدي ما خلق والله زيها كتير

__________________________________________________ __________

المشاركة الأصلية كتبت بواسطة ذكرى؟؟ عامليها باخلاقك بطيبتك واحترامك حتى لو ما تستاهل عشانك وعشان ربك وممكن تتعلم ،،! علميها اخلاقك ولا تتعلمين منها اخلاقها ،،! والله تعرفت على صديقة جديده تنتقد تصرفاتي وطيبتي وانا احاول افهمها ان الطيبة والقلب النظيف لي انا قبل الناس تقولي ضعف او بيستغلوني بعدين،،! هذا تفكيرها تفكيرها لها حبيبي انا علي من تفكيري انا ماني مجبورة اغير تفكير احد اذا هو مصلب على قراره ويشوف التزحزح خسارة ! انتي نظيف تفكيرك حرام تلوثينه عشان شخص ما يستاهل حرام ،،قلبك مسالم ليه تحقدين خلاص كلمتي نصحتي ما وقفت مالنا حكم او يد على الناس ربك حسيبهم اهم شيء لما تشوفين الغلط توخرين عنه وترفسينه ولا تجين بطريقه ولا تضحكين على اصحابه لان ربك يبلى وقولي الحمدلله الذي عفانا ،، سيبيها بعد نصيحتك لها وسامحي عشان ربك يسامحك ،، والقلبك مللكك انتي محد يقدر يدخل فيه بدون رغبتك ،، احساسك ومشاعرك خليها تمثلك انتي مو الناس وسوئهم ولا تلاقين الناس كلهم سيئين والله حبيبي ما يصلح ،، اتمتعي بحياتك وعيشي باحسن طريقة وكوني شخص فعال متفهم عطووف رحووم حتى لو الناس مو كذا حتى لو قابلتي ناس عكس بيتعلمون منك ولا عمرك تنهزمين وتستلمين ويسيطر عليك تفكيرهم او سلوكهم انتي بما انك عايشة عايشة عيشي لربك ونفسك عيشي براحة بدون كره وحقد ايش ما كانت تسوي لو سحبتي عليها ولا عاد تفكرين او تندمجين باسلوبها وكلامها ما بياثر فيك انصحيها وقوي راييك ووصلي لها نظرتك والباقي سيبيه ،، وربنا يغفر لها ولنا

__________________________________________________ __________

خلاص طنشيها ولاتحتكين فيها وشيليها من بالك
وكل عمل تسويه ربي بيحاسبها عليها
اسلوبها وحركاتها نفس زوجة أخويه ودحين صرت أستخدم أسلوب التطنيش لانه مايقهرهم الا كذا

__________________________________________________ __________