عنوان الموضوع : سؤال للجزائريات -لصحتك
مقدم من طرف منتديات نساء الجزائر

سؤال للجزائريات



السلام عليكم خواتي انا متزوجة من 6 سنين وماحملت مع انو كل شيئ سليم مني ومن زوجي قررت هده المرة ندير تلقيح اصطناعي من فضلكم ممكن تنصحوني عن افضل كلينيك في الجزائر

وكم هو ثمن الاجمالي لهده العملية وهل تنجح من اول تجربة وبليز اللي مرت بيها او تعرف احد تخبرني عن التفاصيل اكتر

وربي يعطيكم ماتتمناوه دنيا وآخرة ياارب

>>>>> ردود الأعضـــــــــــــــــــاء على الموضوع <<<<<
==================================


مو من جزائر
واسئل الله ان يحقق حلمك
رفع


__________________________________________________ __________

سمحيلي ختي صح انا دزيرية بصح والله مانعرف هادو ليكلينيك ولا جامي استعملتهم مي ربي رزقك ان شاءالله الذرية الصالحة حنونة


__________________________________________________ __________

سلام اختي انا دزيرية بصح ننصحك بوحدة في رويبة تقطع بالاعشاب ادي معاك les analyses ديالك و تاع راجلك يقولو عليها ما شاء الله انشاء الله تكوني من alger centre و اللي فيه الخير ربي يجيبولك


__________________________________________________ __________

حبيبتي انا من الجزائر انصحك ما تتقلقيش شوفي شحال من طبيب
انا نعرف وحدة قعدت 8 سنين وا ولدتش و دارت تلقيح و ما نجحش راحت عند طبيبة في غليزان تبعت معاها 6 اشهر و حملت بنت و سماتها عليها


__________________________________________________ __________

انا من الجزائر اختي ولكني ما نعرفش هاذو لكلينيك
انا نقولك عندو 2 صحاباتي متزوجين و ماحملوش وحدى 6 اسنين و لخرى 7اسنين جربو كل الطرق وين إروحو يقولولهم مابيكم والو ولازمو الاستغفار و الدعاء وحملو لثنين وحدى الان عندها 2 اولاد ولخرى عندها بنت و الان هي حامل
انا ماننصحكش بالتلقيح الاصطناعي كثير من اهل العلم ما يجوزهش لقلت الامانة عند هاذو لكلينيك و إحتمال الغش و إختلاط الانساب
و إذا كنتي مصرة على الامر روحي لتونس عندنا كامل إروحو لتونس باش يعملو التلقيح و إحتمال النجاح يوصل ل70% هو ما إلقحو بالثنين و الاربع باش تزيد نسبة النجاح و الغالب يجيبو توأم
ومع هذا كلو ما ننصحكش فيه تكشف على الرجال و محاذير كثيرة احسن شي انك تقوم ساعة قبل الفجر نصفها صلاة و نصفها الثاني إستغفار و دعاء واح تشوفي العجب لكن داومي واصبري و طمنينا بعد مدة واش إصير امعاك
اسأل الله الكريم رب العرش العظيم ان يرزقك ذرية صالحة تقر بها عينك