عنوان الموضوع : مليت من نفسي ! الطبيب يجيب
مقدم من طرف منتديات نساء الجزائر

مليت من نفسي !




السلام عليكم ورحمة الله وبركاته ،،

ممم مني عارفه للبدايات ترا.. بس عندي مشكله يابنات متعبتني حيل :"""
وهي اني مقدر أسولف زي الناس.. ممم احسني مقدر اوصل لكم معاناتي لهالمشكله بالضبط
بس ان شالله رح احصل ناس تفهمني وتساعدني..
الحين يوم الناس تجي تسولف تسترسل في كلامها ويدخلون جو بالسالفه، وسالفه ورا سالفه
أنا كذا لكني اوقف بنص السالفه ومقدر أكمل شلون مدري.. يعني نسولف عن شي فجأه تلقوني ساكته والي تكلمني تقولي وش فيك سكتّي؟؟ ...ومش مره ولا مرتين
وثانيا وهالشي اكثر شي مسببلي مشاكل مع صديقتي الي اعزها بس احيانا اعطيها الحق لما احط نفسي بمكانها وهي اني مقدر أبدأ بالسالفه... يعني هي اكثر شي تجيني وتسولف لي هي الي تبادر هي الي تفتح السالفه انا حححااااولت كثير لكن اتعب اتعب احس بشششي مدري شلون واروح اقفل الجوال او اذا كانت قدامي اصرف نفسي بأي شي ........ !!!
حتى احيانا لما تكلمني تقولي وش الجديد؟ من الملل احيانا... يعني حتى انا ما احب اقول واسولف عني او عن مواقفي او اي شي حااااولت حتى لو اقول سالفه بس مدري يمكن لان مواقفي قليله او مش هذاك الشي؟! وممكن لانه احيانا لما اقول سالفه ألاقي الطرف الثاني يسلك لي والسالفه لووول مدري وحده لما اسولف معها تحسسني انه كلامي سامج وفوق هذا تغغغاار مني على وشو مدري؟ يعني لما اقول لصديقتي سولفي لفلانه عني وبس تقولها اسمي تقوم تصرف تفتح هرجه ثانيه تخيلو ! هي ماتهمني بس استغفرالله مدري شلون !
وهي ولا غيرها يعني حتى ابوي وبصراحه هالشي ممكن سببلي البرود في السواليف واخذت فكره اني ما اصلح اقول مواقفي.. لكني احب النقاشات واعرف ارد واتناقش وعقلي هنا يكبر بس تملّي ودك تهرجي وتضحكي.. يعني ابوي لما اسولف معاه احس حتى بنظراته كأنه يقول سلامات!! هههههه مدري وغير كذا يسلك لي وانا ما احب كذا احس اسلوبي احيانا كأني طفله ما افهم شي ..ولا انا افهم كل شي وافهم تلميحاتهم بس ما أبيّن أبد -ليه؟ مدري وانا كاتبه هالمشكله بسببها بعد مدري شلون ابين لهم- بس اذا شي زعلني يعرفون من اسلوبي وهالشي مريحني بس ما احب هالوضعيه.. بس ع فكره مو كل مره يسلكون بس الاغلب يعني اذا الي قدامي تهرج استرسل بس اذا سواليف ثانيه كذا نسترسل شوي ثمن اسكت ....مم يعني ابي اسلوبي وكلامي أكبر من كذا ابي اغير هالشي بس مدري وش يسمونها وكيف اغيرها؟ ودي اكون محترمه شوي واثمن كلامي اكثر لاني احيانا اقول كلامي ما اقصده مثل (مع نفسك) احيانا اقولها حق مزح وكذا لكن الي قدامي يفهمها انه تقليل من شأنه بس تطلع مني كذا وغيييرررهاااا
واخيرا انا الترم الجاي بيكون اول ترم لي بالجامعه بإذن الله.. وبصراحه شايله هم اشياء كثيره منها اسلوبي مدري شلون البنات يتكلمون احس بكون قدامهم طفله وانا ما حب هالشي ودي يكون اسلوبي وكلااااامممييي اكبر وعلى قدي يعني.. وابي اهتم ببشرة وجهي ومرافقي والي للاسف سوووداااءءء واصابع يدي ..ودي اصير مثل البنات اهتم بنفسي تعبت من الترطيب الي ماشفت منه شي ودي اتغييير ملييييييتتت مني ومن كل شي فيني ..ومن كثر ما افكر بهالمواضيع صرت ما اهتم بنفسي وضعفت حييللل لدرجه صاير جسمي مترهل استغفرالله حتى وجهي نحففف وخدودي كأنه راحت شوي صاير ذابل استغفرالله وماحسيت بنفسي إلا يوم شافتني وحده من صديقات امي بعد ماسلمت قالت لامي اما هذي بنتك مرا ماعرفتها نحفت وييينها عن قبل شوي وتختفي!! وبعدها لاحظت هالشي بس مدري شلون اهتم ف وجهي وارجعه مثل قبل لانه عظمة خدوده صايره استغفرالله باينه تقل شوي واصير هيكل عظمي الله لايبتلينااا بس ....... قدامي شهرين تقريبا عالترم الثاني وودي من الحين أبدأ بس مدري وش اسوي ووشلون ابدأ وكيف؟ ياليت عندي اخت اكبر مني تساعدني واعرف وش الي يناسبني
ادعووووووللللييييي الله يسعدكم

>>>>> ردود الأعضـــــــــــــــــــاء على الموضوع <<<<<
==================================


لازم تبنين الثقة في نفسك وتقنعينها انك قادرة على تغيير وضعك بشكل يرضيك وسوف تنجحين مع الوقت والصبر


__________________________________________________ __________

لازم تثقين في نفسك
وتحاولي قد ماتقدري تبعدي الأرتباك والبرود عنك
لأن هذا الشي بيبعد الناس عندك
وأذا ماتقدري مره حاولي أنك ترتبين
السالفة وتحاولي تخلينها مرتبة وطريقة طرحك لها حلوة
قبل لاتبدي تسولفي مع أحد وبكذا تكونين يعني دخلتي جو شوي


__________________________________________________ __________

اكتبي في كوكل كيفية تحسين الثقة بالنفس


__________________________________________________ __________

رفع


__________________________________________________ __________