أهلي حابسيني
عنوان الموضوع : أهلي حابسيني
مقدم من طرف منتديات نساء الجزائر
أهلي حابسيني
السلام عليكم ورحمة الله وبركاته طبعن هذي أول مشاركة لي فالمنتدى اتمنى
إن الكل يوقف معاي ويساعدني بإختصار ما راح تفهمون القصة بس راح اشرح لكم كل شي بالتفصيل أنا ظروفي وايد صعبه مع أهلي فالبداية حبيت اعرفكم عن نفسي أنا عمري 22 وشهر 4 بكمل 23 أنا اهلي من النوع المشددين وايد مرات يكونو أوكي معاي بس أغلب الأوقات قاسين علي أنا أسكن مع أمي إخواني الإثنين عندي إخت أكبر عني ومتزوجة وبعد أخو ساكن فبيت بروحة مع مرته وأبوي مطلق أمي من 20 سنة ومتزوج وساكن فبيت ثاني مع عياله المهم أنا ادرس بكلية بتخصص الصحة صارلي 4 سنين أدرس وهاي السنة الخامسة لي من سنة دخلت التخصص تلعوزت بالفاونديشن أول السنين بس الحمدلله تيسرت الأمور وغيرو القرارات بس الحين أهلي يبو يطلعوني من الكليه والسبب اني طلعت مع خالتي من غير علمهم وهم مب أوكي معاها فصارت سالفة كبيرة بالأساس أهلي ما يطلعوني مكان تخيلو حتى يوم أمرض ما ألقى الي يوديني المستشفى ولا حتى اشتري للعيد او حتى الأغراض الخاصة طبعن بتقولولي خلي حد يوقف معاج أنا مالي حد والله وأبوي ما يرمسني بعد السالفة الي صارت وقال ما بيعطيني مصروف أنا كل هذا ما يهمني والله احنا الحين بإجازة ليوم الأحد وما اعرف كيف اتصرف وانتو تعرفو نظام الكليات لو غبت وايد يسحبون المواد عني والله اني بكل صلاة أدعي ربي يفرجها علي والشي الثاني إن في واحد يبا يتقدم لي بس المشكلة إن قبل سنة وشي خطبني بس أهلي رفضوة لان كان توه مداوم وأهله كانو ساكنين بشقه
بس الحين الوضع تغيرت اشترو بيت كبير وهو مجمع فلوس للزواج يعني ما ناقصنه شي بس لأهلي تحججو لان ابوه ما عندة زواج الامارات بس الام عندها والولد عنده واهله ناس معروفين وهم منطقتهم بعيدة شوي عنا هلي خيفانه منه أحس الأمل الوحيد اني اتزوج واتوكل لان حياتي تدمرت .
>>>>> ردود الأعضـــــــــــــــــــاء على الموضوع <<<<<
==================================
الله يكون بعونج 😔
__________________________________________________ __________
يووه مهما كان المفروض مايدخلون المدرسة في اي مشكلة
وأتمنى أن الله يوفقك حبيبتي ويسعدك وأستمري أدعي في كل صلاة وأن شاء الله ربي يساعدك ياقلبي ومهما كان لاتطلعين من البيت من دون ماتقولي لأمك واللي يبي يتقدم لك خليه يتقدم وأن شاء الله ربي يوفقك معاه وأتمنى لك السعادة من كل قلبي وبالتوفيق
__________________________________________________ __________
كيف يعني تطلعي مع خالتك جريمة !
كلميهم انه لضرورة وماراح تنعاد ،،
استغفري كثير وربي راح تنفرج لك من غير ما تضطري تسوي شيء بس خليك موقنة بهالشيء
لو انتي مرتاحه له واستخرتي خليه يتقدم والله يكتب اللي فيه الخير لك ويهدي اهلك
__________________________________________________ __________
جَميلتـي .. /
حآولي تتفآهمي معآهـم بأدب وهدوء وإحترآم ،* ..
كذآلك قولي ربي إني وكلت أمري إليك وفوضته إليك ..
حآفظي على الإستغفآر فهذآ هو سلآحكِ ، إدعي الله بكل وقت خآصة أوقآت الإجآبـه ..
مِن جآنب أخر تأكدي أن مآسيحصل لكِ هو الخير وبه حِكـمه مخبأة لآيعلمهآ إلآ الله سبحآنه وتعآلى
وفقكِ الله لمآ يحبه ويرضآه ، ~
لآإله إلآ أنت سبحآنك إني كنت من الظآلمين .. ♥
__________________________________________________ __________
اهلك معقدين ومتسلطين وكبرو الموضوع بقووه
مالك الاحل واحد تسايرينهم وتعطينهم ع جوهم
روحي عندهم واحد واحد وتاسفي منهم اهم شي كليتك ياشيخه
الحين ركزي بحل مشكلتك في كليتك بعدين فكري بموضوع زواج
افضل حاليا استغفري كثير وصلي صلاه اليل وادعي فيها
رد مع اقتباس
