عنوان الموضوع : صديقتي واخوها مجابة
مقدم من طرف منتديات نساء الجزائر

صديقتي واخوها



السلام عليكمم بنااات

جاية اسولف لكم عن سالفتي وابي منكم تشورون علي وش اسوي ادري ان كتابتي كثير فلا تسحبون بليز

فيه بنت تدرس معي نفس الصف بس الشعبه الثانية
المهم ماكنت اسولف معها كثيرر وكلامنا نادر
يعني اذا شفتها تمشي اسلم عليها واحيان لا

وفجأة البنت الزقت فيني صارت كل يوم تكلمني في البي بي او تويتر
وماتبقي شي يخصني ماتضيفني فيه
وصارت كل ماتشوفني مع صديقاتي تقومني ونمشي مع بعض

اسبوع اسبوعين وصارت كل يوم تعزمني على بيتهم وانا ارفض لاني بصارحه مارتحت لها وعازممتني لوحدي وانا ماعرفها كثير فقلت لها اعزمي احد من البنات مععنا وماعجبها كلامي
ويوم من الايام قلتلها طيب بنجيك انا وصاحبتي
البنت فرحت وراحت الجمعيه تشتري اكل وترتب وكذا بعدين قلت لصديقتي بصراحه ماني مرتاحه لها قالت حتى انا خلينا نجلس
وقلتلها محنا جايينك البنت ماعجبها ليه وتعالو وانا خليت اخوي يوديني الجمعيه وكذا

بعدها قلنا لها تعالي بنروح الحديقه وجت والله العظيم من جلست ماتفتح فمها الا وهي تسولف عن اخوها من جلسنا حتى رحنا وهي تسولف عنه
اخوها احلى منها ..اخوها عنده كم جوال وعرفت نوعياتهم وش يستخدم وش لا
واخوها طيب والخ.... ( للعلم اخوها صديق اخوي مره )

وتقول سالني مع من بتروحين الحديقة تقول ماقلتله وبعدها كتبت في البي بي انها معنا وكتبت اسامينا وهي ضايفته يعني عرف هي مع من

ولما جيت بطلع برجع بيتنا بالصدفه شفت سيارة اخوها برا المهم وصلت البيت فتحت جوالي لقيت اضافة في البي بي من رجال فشكيت انه اخوها

جا رمضان والبنت تتصل فيني بالساعات مره من جوالها ومره من ارقام غريبه وتتسولف بالساعات وكل سواليفها وربي عن اخوها حفظت كل شي عنه صرت اتجاهلها وكرهتني فيها من كثر ماتسولف عنه

ومره عزمتني انا والبنات وراحو البنات كلهم الا انا بعدها بيومين رجعت تعزمني لوحدي قلتلها خلاص جوك البنات يكفونك مش لازم اجيك وصررت علي الا اجي قلتلها اعزمي البنات وعزمتهم بس عشان اجي بيتها
ولما دخلنا شفت سيارة اخوهاا يعني انه موجود في البيت

ولما ككنا جالسين اخوها طلع والباب مبطل يعني يقدر يشوفنا راحت تصرخ وتسكر الباب عشان مايشوفنا
البنات صلو وانا اتاخرت جيت بصلي في المجلس معهم تقول لي تعالي المجلس الثاني وانا كنت حذره مارضيت اروح معها
ورحنا البيت وهي كل يوم تتصل وتسولف بالساعات عن اخوها وانا اسايرها ومره قالت لي ارسلي صور اخوانك بعدين (( يعني جريئئة بقووة )) ولما سكرنا نسيت ارسل لها الصور رجعت تبنق لي يلا ارسلي لي لما ارسلت لها وربي ارسلت صورة اخوها من دون ماقول لها

وجت المدرسه وانا اتجاهلها على قد ماقدر ومره قدام البنات جلست تقول لي تخيلي ي فلانه كنا جالسين انا واخوي وامي وجلس يتكلم عن عايلتكم فجاة قالت نحن استغربنا وش جابكم في باله وجلس يقول لها كم عدد اخواني واعمارنا وترتيبنا
قالت وامها تقول له شكل البنت عاجبتك بنخطبك لها وهو يقول لها لا مابي اتزوج

فشلتتني والله قداممم البنات كلهم وبصوت عالي ولا هامها شي تسولف عن اخوها وكانه خويي

>>>>> ردود الأعضـــــــــــــــــــاء على الموضوع <<<<<
==================================


لا تقطعي علاقتج فيها يمكن ما قصدها شي
لكن رمسيها بصراحة وقولي لها ترا طفشنا من سوالفج عن اخوج ...
والموقف الاخير المفروض كنتي تردي عليها وتقولي لها ومنو قال اني برضى اخذ اخوج
موفقة

استغفر الله العظيم الذي لا إله إلا هو الحي القيوم و أتوب إليه


__________________________________________________ __________

حبيبتي قولي لامك ع تصرفاته
وحاولي تبتعدين عنها وابدا لا تروحي لبيتها او تطلعي معها مره ثانيه
حاولي تعطين اي حجه تره الناس ما تتأمن وهذي نيتها مو سليمه
وواضحه وضوح الشمس اخوها الي دازها الج ونيته والعياذ بالله مو سليمه
ابتعدي عنها حبيبتي
ولا تنسين تبلغين امج اخوج الكبير بعد احسن لانه ولد ويعرف حركات الولد
ربي يحفضج ويوفقج حبيبتي


__________________________________________________ __________

خليك حذره الاحتياط واجب
ولاتروحي لوحدك


__________________________________________________ __________


__________________________________________________ __________