عنوان الموضوع : زوجي طيب يكسر خاطري -تم الاجابة
مقدم من طرف منتديات نساء الجزائر

زوجي طيب يكسر خاطري



السلام عليكم ورحمه الله وبركاته

بنات انا متزوجه من ثلاث سنوات من رجال شريف و من عائله محترمه و احب اهله ويحبوني
لكن زوجي مسكين على نياته وطيب ويكسر خاطري
اخوانه يسوون عزايم ويقولون له ادفع عشان يساعدهم ويتشرطون عليه دون اخوانه بمبلغ معين وهو يدفع ولما اقوله يقول لي هم اخواني ولازم اساعدهم وانا راضي
وماحبيت اتدخل بيت اخو واخوانه و خصوصا علاقتي مع اهله طيبه لابعد درجه ومرتاحه منهم
و غير جذي مرت اخونه تتقشمر معاه يعني تمزح وقالت له لو يسوي عيد ميلاد لولدها و زوجي حتى بدون مايخبرني اشترى الالعاب والكيك وسوى لهم توزيعات قرأن صغير لكل فرد
وهم كثااار يعني اكيد كلفه مبلغ كبير ولما قلت له قالي هي عينتني واستحيت ما اسوي وتقول عني بخيل وبعدين حنا ماعندنا اطفال فنستانس شوي

صدقوني مو بخيله لكن احافظ على فلوس زوجي و خايفه هالطيب يوديه بعيد

المهم صار له فتره طويله من قبل ما اتزوج وهو على هالحاله و قبل يومين تكلموا في الدوانيه عن موضوع هو واخوانه و رجع متضايق ولما كلمته وتقربت له قام يصيح

زوجيييييي الرجال واللي هيبته لما يمشي يصيح ؟ دموع على خده !!
قعدت اصيح وياه و اهديه وقالي انهم يستغلونه وهو يدري لكن يخاف يكسر بخاطر احد ويبي اهله يحبونه وما ينسون فضله

مسكين زوجي كسر خاطري
لو تشوفونه جسمه له هندام و عضلات مثل ما يقولون و مثقف و الكل يحترمه لكن طيبببببب و الكل يكتشف هالشي و يستغله
ساعات اصيح على حاله لوحدي و اخاف انه ضعيف شخصيه لكن ارجع عن كلامي لانه لو قال كلمه محد يغير رايه ولا حتى ابوة

>>>>> ردود الأعضـــــــــــــــــــاء على الموضوع <<<<<
==================================


الله يهدي سركم ويخليه لك


__________________________________________________ __________

المشكلة الطيبة في زماننا مالها مكان لكن نصيحة لا تضايقيه مهما كان اهله واجعلي كل شيء لوجه الله تعالى حتى لا تحرموا الاجر والثواب وتذكري ازرع جميلآ ولو في غير موضعه فلا يضيع الجميل اينما زرعا
الله يعطيه على قد نيته ويرزقكم الذرية الصالحة ويسعدك معاه


__________________________________________________ __________

صدقيني لا تضايقين خلقك ولا تقولين له
شئ
لأن مع مرور ايام هو راح يحس بلي يعمله وبالتوفيق


__________________________________________________ __________

انا مع كلام الاخوات, كانك تتحدثين عن زوجي يشبهه تماما انا زوجي مصاريف البيت عليه العزايم عليه سواء عرس اختو او اخوه او بنت اخته يشتري الملابس والالعاب لاخوته من ابوه وابناء اخته الى غير ذلك وهو فيه دين وما خلصه بس انا ما اتكلم معاه في هذا الامر ازعل واكتم غيظي لا اعرف كيف اتكلم معاه ,لعل الله يرزقنا خير


__________________________________________________ __________

انا زوجي يصرف اكثر من نص راتبه على اهله واخوانه وخواته اتضاااااااااااااااااااااايق جداً

حتى على زوجات اخوانه
اقوله امك وابوك عادي اعطيهم لكن اخوانك وخواتك المتزوجات وزوجات اخوانك خير ليش تعطيهم
على كثر ما صرت احكي عليه صار يخبي عني انه عطاهم زوجي شخصيته ضعيفه عند اهله مايقدر يعاندهم او حتى يقولهم لا كل شي نعم نعم لو ذبحونه عادي عنده

اكره فيه هذه الصفة وهم يستغلونه بس هو يقول مايستغلوني بس واااااااااااااااضح الاستغلال انا متزوجة ولا عمري قلت لاخوي عطيني شي وهو مو متزوج وراتبه ما شاء الله لكن استحي اطلب منه وانا متزوجة اعتقد لو مو متزوجة يمكن ما اخجل كثير

بس متزوجة استحي جداً الله المستعان

مع ان راتب زوجي على قده يعني ضعيف مو كثير مع ذالك اهله يستغلونه الله يكفينا شرهم بس ايش نسوي الله المستعان

بصراحة انصحك تخلين زوجك يلتزم بامر معين مثلاً خليه يشتري شي قطعة ارض عشان تعمرو فيها بيت طبعاً ماعنده فلوس تكفي قطعة الارض بس كل شهر ياخذ جزء من راتبه مشان قطعة الارض وهيك راح يحسب كل ريال يطلع من جيبه وقولي له خصص لامك وابوك راتب شهري يكفيهم وبس لا تعطي احد والي يقولك قوله عندي التزامات

اياك تخلين زوجك يضيع فلوسه على اخوانه يروحون يشتغلون ويصرفون على انفسهم خاصة هاذي امور تافهة لو كانو مريضين عادي يساعدهم بالعلاج لكن يروح يعملهم حفلات وخرابيط هذا شي سخيف

خلي زوجك يلتزم بامر معين مثل شراء بيت او قطعة ارض او محل او ياستي روحي انتي وزوجك اعملو زراعة اطفال هذا تكلف شوي بنفس الوقت بلكي ربي يرزقكم ذرية صالحة

طوري تفكيرك انتي وزوجك فكرو كيف تحسنون حياتكم مو بس تفكيركم شلون ناكل ونشرب ونلبس

ارتقو بالتفكير مشان توفرون شوفولكم مشروع اعملو عليه لو كفالة يتيم والله ان ربي بيفتح لكم ابواب الرزق فتح

الله ييسر اموركم

بس تنبيه اذا كان احد من اخوانه محتاج او خواته عادي خليه يعطيهم شي يكفيهم عشان ماتصيري قاطعة رحم

والام والاب ضرووووووووووووري يعطيهم يحتاجون ولا مايحتاجون لازم لازم لان هذول جنته وناره الله المستعان