عنوان الموضوع : امي وزوجي -تم الاجابة
مقدم من طرف منتديات نساء الجزائر

امي وزوجي



السلام عليكم**

كيفككم خواتي..؟

فتحت هالمنتدى وحبيت ردودكم ع الاخوات وقلت باكتب بس ما ادري هي فضفضه ولا استشاره**

يمكن في ناس مشاكلهم اكبر من مشكلتي وما كذب من قال من شاف مصيبة غيره هانت عليه مصيبته بس بالوقت الحالي انا شايفه مشكلتي عويصه ومالها حل وما اقول غير يارب حلها من عندك لاني بجد تعبت**

انا لي اسبوعين مملكه يمكن تشوفون الفتره قليله لكن انا وزوجي حبينا بعض بجنوون وغير كذا انا ظليت مخطوبه فتره قبل املك وخلال فترة خطبتي كان اخوي الكبير هو الوصل بيننا 'هو صاحب اخوي' المهم اني تعلقت فيه وهو تعلق فيني ولله الحمد والشكر ع نعمة حبنا لبعض لكن نجي للمشكله مشكلتي امي ربي يحفظها ويخليها لي مو عاجبها القصر اللي حجزه ابو زوجي لفرحنا بالبدايه امي كلمت اخته وعصبت عليها وكلمته هو كمان وعصبت عليه طبعا امي كانت متنرفزه وكذا وانا لما كلمته اعتذرت نيابه عن امي وانها متوتره وكانت تتمنى لي الافضل وحصلت مشاكل وابوه عاند وقال لزوجي خلاص تروح تجيب مهرك وتطلقها اذا كان هذا اولها كيف تاليها زوجي رفض وزعل مع ابوه وطلع من البيت لكن ابوه كلم اخوي وقاله امه مالها شغل الزواج علينا واحجز اللي ابغى وامي معانده ومن هالكلام لكن بالنهايه مشي كلام ابو زوجي حجز وقت ما يبغى وبالمكان اللي يبغاه امي عصبت وزعلت وكلمتها بدل المره مليون يا امي مو بالقصر اهم شي التوفيق والسعاده يا ما ناس سووا بقصور فخمه وما توفقوا ومن هالكلام ولما شفتها ما تقبلت دخلت لها من باب ثاني يا امي شفتي فلانه سوت بقصر يجنن لكن زواجها كان مو حلو و فلانه سوت بنفس القصر اللي راح اتزوج فيه وكان روعه زواجها الزواج اهل الزواج هم اللي يحلونه و يبشعونه وان شاء الله ليلتي تطلع حلوه ومن هالكلام وطبعا كنت مطنشه كلامها علي و على زوجي والسب والشتم قلت امي وعلى راسي وتقول اللي تبي واخر شي امس تقولي انتي اللي تبغين كذا وحسبي الله عليك و تدعي وانتي والكذاب الملعون زوجك اللي مسوين فيني كذا حسبي الله عليكم وكلام قسم قلبي عورني واخر شي يارب عجل بالوقت عشان تروحين وتفكيني انتي بس تعب علي وطبعا قبل كم يوم قالتلي كلميه يغير القصر وعشان خاطرها كلمته وقالي لا ترجعين المشاكل يا فلانه وهي مو بالقصر وامس دخلت علي وانا اكلمه ورججعت اكلمه بنفس الموضوع وتنقلني كلام اقوله وصار مصدوم من كلامي وقالي ما توقعتك تهتمين للناس ونظرتهم وبعدين يقولي يا حبيبتي اهم سعادتنا ولا القصر قلتله سعادتنا طبعا قالي اجل خلاص قفلي الموضوع طبعا امي ما اعجبها الوضع ومجرد ما قفلت سمعتني كلام الله وكيلكم يجججرح ويعور القلب وانه كله من تحت راسك وهو يضحك عليك بكلمتين وتصدقين والله غير ياخذك شغاله له ولاهله بكره وقولي ما قلت و و و**

انا بجد تعبت من هالموضوع حتى جوالي صرت اجيبه صامت عشان امي ما تزعل لما يدق وصرت احاول اصرفه لما يدق عشان امي بس مررررررره مجروحه من امي ومو عارفه ايش اسوي لا احد يقولي كلميها وربي تعبت وانا اكلمها واخر شي تقولي انتي السبب وبنفس الوقت زوجي مو راضي يقتنع يغير القصر بالذات انه ابوه هو اللي حجزه والفلوس من ابوه**

والله مو عارفه ايش اسوي تكفون ادعولي ربي ييسر اموري ويهدي امي ويحنن قلبها علي او يهدي ابو زوجي ويغير لنا القصر :'(**

>>>>> ردود الأعضـــــــــــــــــــاء على الموضوع <<<<<
==================================


صحيح الكلام مو مهم وين يكون الزواج اهم شي التوفيق و السعاده
امك غلطانه فكرت بالناس بس
لاتكلمينها خلاص ولاتفتحين معاها الموضوع و لا مع زوجك
خلي اخوك يكلم امك او احد خالتك اي احد قريب منها
ويارب تقتنع
والله يوفقك حبيبتي


__________________________________________________ __________

الحق مع أهل زوجك
بلا قصر بلا خرابيط
اصلا التوفيق من الله
ولا عاد تكلمين زوجك بهل موضوع


__________________________________________________ __________

نصيحه حاولي تسايري امك حسسيها انها الكل في الكل
ﻻنها اﻻن تحس بالغيره وان رجال راح ياخذك منها ﻻنها حست انك اتغيرتي عليها
واحتمال صرتي تضايقي من كﻻمها
حاولي انك ماتذكري محاسن زوجك عندها واﻻفضل انك ماتتكلمي عنه ابدا قدامها
وفي نفس الوقت زوجك ﻻتنقلي له كﻻم اوتصرفات امك
حاولي تهدي الوضع الين تتزوجي وترتاحي


__________________________________________________ __________

الله يعينك و يارب يتمم فرحك بخير
..
افرحي و انبسطي و امك بترضى عليك ان شاءالله


__________________________________________________ __________

المشاركة الأصلية كتبت بواسطة نعناعه مدينيه
نصيحه حاولي تسايري امك حسسيها انها الكل في الكل
ﻻنها اﻻن تحس بالغيره وان رجال راح ياخذك منها ﻻنها حست انك اتغيرتي عليها
واحتمال صرتي تضايقي من كﻻمها
حاولي انك ماتذكري محاسن زوجك عندها واﻻفضل انك ماتتكلمي عنه ابدا قدامها
وفي نفس الوقت زوجك ﻻتنقلي له كﻻم اوتصرفات امك
حاولي تهدي الوضع الين تتزوجي وترتاحي