عنوان الموضوع : وصلنا لمرحله مانقدر عليها ؟ الطبيب يجيب
مقدم من طرف منتديات نساء الجزائر

وصلنا لمرحله مانقدر عليها ؟



السلام عليكم

انه بنت عمري 23 سنه و بنت اختي عمرها 18 سنه

هي جميله وجدتها اسبانيه بس ابوها بحريني . وكل مافيها جميل ومثير و مهتمه في نفسها
و اهتمامها الزايد و غرورها بجمالها خرب سمعتنا !!

بدأت تكلم شباب وتقولي لانها تثق فيني بس نصحتها وماسمعت و صرت بس اراقبها يعني تقول لي كل شي واسمعها
صارت تقول كل شي تسويه لبنت اختي الثانيه وهي تجي تخبرني
يعني طلعت مع كذ شاب وقابلته و تجرأأأأرت بكل حقاره تبوسه على البحر وركبت وياه طراد بعد

سكت عن الموضوع و عصبت عليها وقالت لي انه يحبها و بنت اختي الثانيه قالت لي انه مو بس شاب واحد

وكلمت بعد واحد وراحت له المستشفى لانه كان راقد عندهم

و آخر مصيبه سوتها اثرت في طلاق اختي والحين هم مقطوعين من عائلتنا يعني هي وامها وابوها واخوانها

راحت لزوج اختي و كذا مره طلعت معاه وعادي واثقين فيها و خصوصا فيه بعد
بس تجرأت تساله شلون استغفر الله البوسه الفرنسيه و الشيطان لعب عليه و ...
وصارو اكثر من مره يسوونها لي ما شافتهم اختي الكبيره و قالت لامها و اختي المسكينه وتطلقت

وش الحل مع هالبنت اللي ماراح تهدأ الا لما تدمر عائلتنا كلها
والله خبرت زوجي على الموضوع و المفروضض ما اخبره لانه شرفها بس عشان يتحذر منها و من خوفي بعد .. لان طليق اختي كان خلوووووق جدا وشهم بس لعبت عليه

واحد من اولاد اخوي يحبها ويموت عليها و كان ناوي يخلص التمريض ويتقدم لها بس سمع بالسالفه و انهار ونفسيتته عدل تعبانه وطول الوقت معصب ومن يجي طاري اسمها يسبها

والحين ااخواني واخواتي قاطعوهم بس اتصل لاختي اللي مالها ذنب بتصرفات بنتها و القاها بتموت على شوفه امي بس مايصير تجي عندنا لان امي بعدزعلانه من السالفه

المشكله انها مو متأثره من الموضوع و صارت تطلع بدون عبايه وبملابس ضيقههه تلفت النظر لها و اي شاب ولو كان يبي يلعب عليها عادي عندها تكلمه و هي تهددهم مو هم يهددونها بعد

ارجووووووووووووووووووكم مشرفات نزلوا الموضوع والله اني اصييح على شوفه اختي و ابي حل لبنتها المقروده

>>>>> ردود الأعضـــــــــــــــــــاء على الموضوع <<<<<
==================================


استغفر الله منها
عادي خلي تسوي الي تسوي
يمكن راح تتعجبين من ردي لكن ما عندك حل
كثير نصحتيها بس ما فادات
خلي تضييع شرفها وقتها راح تعض اصابع الندم
يعني اسئلكم بالله يا اخواتي وش فائدة من الي تعملها
يعني لو صبرت وتقدم لها الشخص الي قلتي كان ناوي يكمل تمريض مو احسن
بس في بعض يحبون لذة الحرام ويفضلونها على الحلال


__________________________________________________ __________

والله حقك حبيبتي شي يقهر بس العتب على زوج اختك لو كان رجال بصدق كان لفها كف على وجهها واخبر امها بالموضوع. وسواها فضيحة. ثم امها وابوها كيف ساكتين لها ياحيف عالزمن .. انا لا انصحك بشي فقط اقولك رأيي الشخصي فقط انا لو مكانك الزم عليها لزمة مثلا رسالة راسلتها او صورة مع شباب او غيره واخبر اخواني يتكلمو مع ابوها ومعها وطبعا يهددوها بالصور ..


__________________________________________________ __________

لا معليش اعطوها كم كف يأدبها
مدلعينها مره ترى !
يعني بالله عندكم كيف عادي لدرجة تسيبونها من زوج اختكم عفوا يعني الخلوة حرام !
على ان القصة يعني شوييه بس ايش هذا
هنا صرت اصدق قديم لما يقولون زوجوه يعقل !
اذا المخلوقة سايبه نفسها لكل احد سفيه تعتبر سفيه مايعرف مصلحته احد يكلمها ينصحها باسلوب تحبه يجذبها مو كذا
او ودوها أخصائي يكلمها يعرف اشبها كذا
قولو لها لا تغتر ولا تتكبر لان اللي يعطي ياخذ
وخلي امها تدعي لها
وبعدين امك خليها تزعل على البنت مو امها الظليمة شينه البنت عاقبوها هي مو كل اهلها ماراح تحس بالذنب كذا
ابعدوها عن الاختلاط او مكالمة الاولاد اي شيء فيه مئة حل مو كذا
زوجوها عشان طاقتها تروح بالحلال .. سمعت في اكل يزيد الطاقة لا تخلونها تاكله او تشربه وكمان لا تشوف افلام ودنيا بوسات فرنسية ! بعدها تبغى تطبق الاخت .. كلموها ياناس ما تقال منكم مهيتينها بالارض !
بعدين بنتكم يجيها شيء لا قدر الله من عنادها وتسيبكم بيديكم


__________________________________________________ __________

يحتاج لها مستشفى تتعالج لان وضعها مو طبيعي
ممكن غرور واسباب كثيره لكن اهم
واول سبب البعد عن الله
واللي بعيد عن الدين العقل بعيد عنه
البعد عن ربنا اكتئاب
ارسلي لها مقاطع دينيه في الواتس
ادعولها بالهدايه
حاولي تتفاهمين معها واعرفي شنو السبب اللي
يخلى تعمل كيذا
اسئليها تصلى تعبد الله
تستغفر تذكر الله
لان الذكر يمنع الحرام
الله يهديها ويصلحها


__________________________________________________ __________

لالا عاد لين هنا وحددت
الله لايبلانا..

ياخي ذي لو عندنا كان زوجوها اطرف واحد لو ايش ماايكون طبعا بعد التصفيق وتمنع من الطلعه نهائيا والتلفون وكل شي تقريبا تعقد في حياتها لين تحس بضيق وتتوب

وترى شرعا مسموح ذى الشي :

وَاللاَّتِي يَأْتِينَ الْفَاحِشَةَ مِن نِّسَآئِكُمْ فَاسْتَشْهِدُواْ عَلَيْهِنَّ أَرْبَعةً مِّنكُمْ فَإِن شَهِدُواْ فَأَمْسِكُوهُنَّ فِي الْبُيُوتِ حَتَّىَ يَتَوَفَّاهُنَّ الْمَوْتُ أَوْ يَجْعَلَ اللّهُ لَهُنَّ سَبِيلاً

اسمحي لي اما كلامك خيالي اما للاسف مااعندكم رجال ومنفتحين لدرجه مخيفه

وين اخوانها يااخي وحتى لو ماعندها اخوان اخوانك انتي اخوالها أي حد يقرب لها حتى لو محرم عليها يسوي خير ويربيها ويحذر اهلها ويمنعها من الطلعه

ماايصير اعوذ بالله ليش تهونون الموضوع..

منتظرين لين تجيب لكم فضيحه وتنتشر سالفتكم وانكن بنات للاسف مو متربين وكل من ينفر منكم

من جد شي يقهر الله يهديها ادعي لها ترى ذى ابتلاء