عنوان الموضوع : عطوني رايكم !
مقدم من طرف منتديات نساء الجزائر

عطوني رايكم !



السلام عليكم ورحمة الله وبركاته
مسا الخير عليكم حبيباتي

عندي موضوع محتاره فيه ..
ف قلت اطرحه واشوف اراءكم ..

خصوصا اني م حب افاتح احد بشي ..

وبالمختصر م بي اطول عليكم ..


انا عمي يحبني ويحب خواتي بالمثل
ويدلعنا .. دايما كل م شافنا .. وبناتها حبوبات حيل


خصوصا كل م شافني يقول هذي م فيه منها ويضحگ
وكله يمدح .. وهذا شي حلو ..

بس هذا مو موضوعي ..

بعد جم شهر عدت .. وصللي
خبر انه عمي يبيني لولده الصغير والكبير لاختي ...

وابوي قال هالكلام .. بس مو جدامي وصل خبر انا .. من اختي

المهم .. م فكرت بهالموضوع كلش ..

بس الحين تغير تفكيري من هالناحيه ..
وحسيت انه مناسب لي م دري ليش
بس كنت اشوف شنو ينزل م ينزل ..

حسيت انه نفس طريقتي .. ادري بتقولون مو شرط ..

بس انا حاسه انه اهو الشخص المناسب اللي اكون له
وخصوصا هم نفس طريقتي اللي احبها .. متفتحه

بس المشكله :

حنا كنا مع بعض حيل اقصد العايله كنا مترابطين
بس صارت مشكله صغيره بين الام وامي ومن يومها
امي م تربطها علاقه فيها من فتره طويله ..

مع انه مرت عمي حاولوا انهم يردون نفس قبل
بس امي رافضه هالشي

والحين صرت اقول ..

عمي الحين قال ابوي هالشي من جم شهر
بس م صار شي ..


بس انا الحين قمت افكر ..

ولو بيصير وخطب ..
شبيصير فيني ؟
انا ابيه ومرتاحه بهالشي
خصرصا انه حابه طريقتهم
وانا وايد احب عمي ومدلعنا
فاستانس اذا فكرت لو خطب وافقت وناسه


بس لا ييت افكر بالام وامي هني
يصير فيسي جذي

م دري شسوي ؟

يعني والله احس انه احنا مالنا ذنب كلش
بمشاكل الكبار .. ويعتبر ماضي
بس امي م تنسى وهالشي هذا يحزني اكثر واكثر وما حبه

وسبق خسرت ولد خالي من سبة امي لانها م تبيه كلش
لانه طايش ومينون بس الحين مسك وظيفه وكل شي
بس ما يا رسمي للحين .. وامي اهو يدري انه مو عاجبها
تصرفاتها وشخصيته ..

بس الحين سمعت انه امه بتخطب له وحده
مع انه كانت بتخطبني له بس خلاص
وانا شايله هالشي من بالي وعادي
لانه ماشوفه يستاهلني بإختصار

..

والحين اقول ..
ولد خالي اللي يحبني ويبيني بيروح
ولد عمي ؟

مابيه يروح مني ..

لان بعترف لكم انا سمعت سوالف من بنات
ورفايجي ومن سوالفهم

استنتجت و عرفت بالاخر انه مستحيل تلقين حب
من برى وبنهاية يكون زواج .. نادر نادر نادر نادر
وانه يضيعون وقتهم ع اوهام واحلام ..

وعرفت انه محد بعزم ع زواج
ويتخذ هالقرار الا اللي يصير لج
وصج غيره ومن برى م بتلقين كلش
واحد ولا ثنين بس ..

والباقي علاقات عابره
ونتخذها واقع ..


اسفه اني طولت عليكم بس
كلام بقلبي واحب ابي للبنات
اللي يحبون لا تنخدعون
ولا تأمنون احد .

>>>>> ردود الأعضـــــــــــــــــــاء على الموضوع <<<<<
==================================


استخيري واذا مرتاحه له وافقي يمكن ترجع علاقة امك ومرت عمك مثل اول واحسن ربي يوفقك ويجعله من نصيبك


__________________________________________________ __________

إستخيري غلآتي فمن إستخآر مآخآب ، وآلدتكِ وريهآ مقآطع عن ألمسآمحه ممكن يرق قلبهآ ..
ألله يقدم لكِ إللي فيه ألخير ، أوصيكِ بآلدعآء له نتآئج مذهلة ، سبحآن ألله
موفقهه


__________________________________________________ __________

استخيري


__________________________________________________ __________

اختي الغالية لا تعلقين اهامك فيه يمكن يخطب
غيرك لا قدر الله
توكلي على الله فقط
وبالتوفيق


__________________________________________________ __________

الْسَّلامُ عَلَيْكُمْ وَرَحْمَةُ الْلَّهِ وَبَرَكَاتُه
الْكَلِمَةُ الْطَّيِّبَةُ صَدَقَةٌ

اختي للان كل شي مجرد كلام !!
لاتتعبي نفسك بالتفكير وتستبقي الاحداث
يمكن مايكون من نصيبك
الله يرزقك الزوج الصالح
بالتوفيق