عنوان الموضوع : حياتي الزوجية ممله ممرا مجابة
مقدم من طرف منتديات نساء الجزائر

حياتي الزوجية ممله ممرا



السلام عليكم بنات حريم..
انا متزوجه من ثلاث شهور و عمري 17 زوجي ما يقرب لي و اكبر مني ب عشر سنين أحس حياتي ممرا ممله احسني غير الناس أحس كل الزوجات متدلعات و كل اللي يبونه يجيهم و ازواجهم يحبونهم و يحترمونهم و أحس أن زوجات إخوانه و خواته كلهم مسيطرين على ازواجهم يعني كل واحد يحترم رغبة الثاني بس انا ﻻ خواته و زوجات إخوانه كلهم يلبسون عباية كتف بس انا ما يرضى علي حتى عباياتي اﻻوله قال لي انسي أمرها و لما نطلع انا و هو و خواته عادي ما يقولهم شي و بعد زوجي مو مهتم ﻵهلي و بعد ما يحترم رغباتي أقوله خاطري بالنظاره الدائريه اللي إطارها بلاستيك أسود قال ﻻ هذي ملفته للنظر و انسي موضوعها حتى يوم ربنا لمحل النظارات كل ما اختار نظاره عاجبتني قال ﻻ بس يطلع لي من القديمه و انا ارفضها أحس نفسي عجوز لما اطلع معاه خواته لهم سنين و بنين متزوجات قديهم عجايز و يسافرون برا السعوديه و يجلسون أكثر من شهر أنا حتى شهر عسلي ما تعدى أسبوعين و في كل مدينه يومين مره في المدينه مره في مكه مره في الطايف مره في جده و خلاص رحت لبيتي علطول و ثاني يوم جو أهله و جلسو أكثر من أسبوع و انا اشتغل و اطبخ و انفخ و أتحمل تعب شديد ما تتخيلونه أهل زوجي مستحقريني يعاملوني ك طفله صغيره ما تفهم شي و زوجي على كل صغيره و كبيره هزئني على كل شي يهزئني يحب يقعد في البيت فترة طويله أحيانا عدد ساعات وجوده بالبيت ما تتعدى ثلاث أو أربع ساعات و لما ازعل و أقوله ابيك تكون معي يقول مالك شغل فيني و مستهتر بدراستي يقول ادرسي انتساب ما يبيني ادرس دوام منتظم و مره مو مهتم البيت أغراضه ناقصه مره و دايم يأمرني قومي سوي قومي اشتغلي ﻻ أجي من الدوام اﻻ و الملابس نظيفه انا احقد عليه مره ابي ارد عليه و اصارخ و أقوله يالرخمه هذا شغلي و مالك دخل فيه انا اعرف وش اسوي كل ما رحنا للديره قال يله عند أهلي اقعد عندهم مثل المزهريه خواته كلهم كبار و متزوجات و شايفيني ورعه و أمه كبيره بالمره اقعد حتى تطق روحي نروح لهم من العصر أو الظهر حتى آخر الليل بعدين نروح ننام في بيت أخوه و فوق هذا كله أي شي يصير بيننا يدق على أمه و يعلمها ما بقى اﻻ يدق عليها و يقولها تونا دخلنا الحلم الوردي و زوجتي قامت تصارخ و انا خلصت و انسدحنا صراحه والله كل شي يقوله لها كل شي انت من أول ما تزوجنا عدد الهدايا اللي اجيبها له أكثر من هداياه بكثير هو بس مرتين انا في كل مره افاجئه و اهديه ع أساس أنه يستحي انه ما جاب لي هديه و يجيب لي لما اكشخ له أحياناً يمدح شكلي و انا دايم اكشخ له يوديني دايم دايم عند أهله و جماعته و انا اذا جلست أكثر من نص ساعه قال طولتي للمعلوميه ما رحت اﻻ ثلاث مرات بس عن أهلي ما يدخل ينزلني و يروح أهلي كلهم يكرهون عبدالرحمن و امي تكرهني انا أساسا و دايم تتشمت علي وع زوجك زي أبوك وع صراحه هنا اتضايق و زوجي كل كلامه ما ينطاق حتى لما نكون في وقت رومنسي كلامه يغث و يجرح و إذا زعلت قام يهزئني و يقولي انتي زعوله دايم يفتح عيونه و يخوفني منه ﻻ جا يتكلم ودي اهزئه و أقوله ليه انا البس هالعبايه و خواتك كتف و ﻻ خواتك على روسهم ريشة و ﻻ ايش بس أصبر نفسي و أقول يله ﻻزم أصير احسن من غيري يله ﻻزم اتمسك فيها يله أجر يله دفعة إثم و السفر ل برا مدري اشفيه يقول أنا قدمت اجازه خارجيه و شفت انه ﻻزم موافقة ذا و ﻻزم مشوره خلاص مو ﻻزم و خواته يسافرون و يتكلمون في القروب و يرسلون الصور وربي حتى في شهر العسل أخلاقه قافله مدري اشفيه تفكيره ممرا قديم وربي اني أحبه وربي أحبه و ما أتخيل حياتي بدونه بس هو بحركاته يكرهني فيه وربي دخلت حسابه في اﻻنستقرام و شفته ضايف وحده امريكيه و معلق على صورتها و يقولها انتي طالعه حلوه مره ي حبيبتي و مليك عالصوره وهو الوحيد و هي من زينها أم خشم حسبي الله عليها للعلم انه قبل كذا سافر امريكا و جلس هناك سنتين قبل ما يتزوجني يوم سألته قام يبرر نفسه و يقول حسستيني اني مذنب في كل حاجه حتى لو كان هو خاطئ يخلي الخطأ خطأي و هو معه الحق عشان كذا اتجنب النقاشات معه ساعات أحس اني ندمانه اني تزوجته و أفكر في الطلاق بس أتردد ﻻنه مو في صالحي ﻻن بيئة أهلي مره مو زينه و هذا اللي جبرني عالزواج في هالسن و الناس راح تشره و تتكلم و بعدين خلاص انا معدني بنت من بياخذني بعدين مطلقه و هو في كل حاجه يقول بيت أهلك حتى في اتفه اﻻسباب مثلاً زي النظارة يوم تكلمنا انا وياه و رفض قلت له ابوي اللي هو ابوي بياخذها لي قال خلاص كلمي أبوك و خليه يشتريها لك و اقعدي هناك لعد تجيني لما أسأله دحومي اذا توحمت عليك وش بتسوية قال بيت أهلك كل كل كل شي بيت أهلك يعني يمسكني مع أيدي اللي تعورني عشان يعرف يذلني مدري شوي وربي في داخلي نار حرقه كبيره وربي ما أحس أن لي ثلاث شهور متزوجه أحس أن لي 9 سنين متزوجه وربي وربي 😣😣😣😣😣😣😣😣😣 افيدوني خواتي انقذوني حتى دراستي يبيني ادرسها انتساب انا بكمل حياتي عادي و راح اطنشه و أقبل بالواقع و اتمنى من الله العوض يبيني انا كامله في كل ميه بالميه وهو حتى ريحته ما يهتم فيها عطر اللي هو عطر انا شاريته له عطوري و صابوناتي و اغراضي كلها خلصت علي و يقول مع العيد صراحه حاقدة عليه بالمره مدري شسوي اتحمله و أكمل على طيبتي مستحيل لو كملت شويه شويه حتى أكرهه و انفجر فيه مثل امي كانت متحمله أسلوب ابوي و الحياه القشرا و الحين تكرهه و تصرح قدامنا أنها تكرهه و تخونه زياده ع كذا و لو تطلقت بيضيع مستقبلي ﻻن الطلاق مر مهما كان فكه و راحه من الرجال مدري شسوي حياتي ملل كل ما أقوله يله نطلع يأجلها حتى و انا طلعنا دق على أمه و أهله و إخوانه و خواته و أبوه و علمهم ::آآآآآآآآه😤😭😣😬😠😢😡😔😣😣😣😣😣بنات معد في كلمه باقي ساعدوني لكم الله تكفون

>>>>> ردود الأعضـــــــــــــــــــاء على الموضوع <<<<<
==================================


ياحياتي الله يعينج هذي مشكلة الي تتزوج وهي صغيره لو شنو ماكانت حياتج مااامفروض اننج تتزوجين بس عشان تهرببين من حياتج ابيت اهلج هذب مشكلتكم ياالبنات الوحده فيكم عبالها لاتزوجت خلاص بتتعدل حياتها وبتعيش سعيده وهذا اكبر خطا الزواج مسوؤليه كبيره حيل ولازم البنت تكون مستعده له قبل لاتدخله وعلعموم ماانصحج بالطلاق دام انج تزوجتي خلاص تحملي واصبري وحاولي انج تكسبين زوجج وتحسسينها انج كبيره وانه يقدر يثق فيج ويستشيرج بدال لايستشير اهله واعتني فيه واهتمي فيه واطبخيله وسويله حلو واكشخيله واهتمي بنظافة البيت ومع الايام ان شاءالله بحبج وبيهتم فيج اكثر وتذكري كل ماعطيتي زوجج بيعطيج اكثر تحياتي لج


__________________________________________________ __________

تحملي هذا حال اكثر المتزوجات الزواج لاتفتكرينه راحه وبس ايام كذا وايام كذا
وحبجيكي اولاد ويبغالهم اهتمام ربي يعينك والاشياء الملفته لاتلبسينها.


__________________________________________________ __________

الله يعينك اختي....انا مثل حالتك تزوجت وعمري 15سنه وكان زوجي اكبر مني ب14سنه....وتعبت كثييير في حياتي عشان هالشي...لكني تعلمت مع الوقت...والحياه علمتني اشياء كثيره...كنت كل حاجه اغلط فيها والا اشوفها قدامي اخذها درس ليا واتعلم منها...لدرجة اني كنت اخذ ورقه وقلم واكتب الموقف السيء اللي صار لي او الانتقادات اللي من زوجي خاصه اللي احسها فعلا صحيحه وابدا اغير من نفسي ....والحمد لله الحين صار عمري 22سنه واحس اني صارت عندي خبره في حياتي اكثر من اللي عمرها 30سنه....ترا الحياه تعلمك كثييير....بس اهم اهم شي ونصيحتي لك..لاتعيشي حياتك كذا وتتجاهلي اخطائك او ظروفك او الناس اللي حولك ...حاولي تستفيدي من كللللل حاجه


وربي يعينك ويوفقك وباذن الله ترسليلنا بعد فتره عالمنتدى وتبشرينا عنك باخبار حلوه



تحياتي وامنياتي لك بالتوفيق والسعاده


__________________________________________________ __________

لابد من الصبر يأختي ومع الوقت وحسن الخلق تزين الامور بإذن الله لاتحسرين على حالك اللي متزوجه ماهي مرتاحه والمتزوجه ماهي مرتاحه هكذا الحياه تجارب وعبر الله يصلح الحال للجميع


__________________________________________________ __________

الله يعينك ولله
هي مو عيشة
بس شوفي حبيبتي انا واثقه انه اله مميزات واﻻ ما كنتي حبيتيه
ليكي من رايي
حطي كل ﻻحتماﻻت قدامك
تضلي هيك
او تطلقي او ترجعي اهلك فترة
وشوفي اكتر شي مناسب لوضعك وستخيري فيه