هل اطلب الخلع وااستعيد كرامتي ! -تم الاجابة

[aksachli]

عنوان الموضوع : هل اطلب الخلع وااستعيد كرامتي ! -تم الاجابة
مقدم من طرف منتديات نساء الجزائر

هل اطلب الخلع وااستعيد كرامتي !



السلام عليكم ورحمة الله وبركاته

انا مشكلتي باختصار زوجي مايحترمني
يكلمني باسلوب مو حلو وبصراخ
على اسباب تافهه مثلا دق مره مارديت مانتبهت كلم مره ثانيه يهاوش ولا يحترمني

والشي الثاني في احد يتدخل بحياتنا احيانا يكون زين ومافيه شي ومتفقين على شي مثلا طلعه ويكون متحمس بعدين مدري شيصير يغير كلامه ويعصب علي انا شاكه ان احد من اهله يتدخل فينا لان صار اكثر من موقف لاحظت امه الله يهديها تتدخل في اشياء كثيره

انا صبرت وصبرت وصارت اخر مشكله معاه قلت اعز نفسي واحفظ كرامتي رحت بيت اهلي وزعلت مابي ارجع له الا اذا راضاني ووعدني انه يحترمني اليوم كلمني قال الى متى بتجلسين بيتكم مطوله ؟
قلت ايه طول العمر
دامك ماتحترمني ومالي قيمه عندك وانا ماتهون علي كرامتي تهيني كذا انا اوصخ شغاله ماحب اكلمها بهالاسلوب يقول عادي مايزعل هالشي وماهو اهانه
عصب وًقال طيب بتندمين على كلامك
وكلم اخوي بيجي يتفاهم معاه بكره لان ابوي متوفي الله يرحمه

اعطوني رايكم من الغلط ومن الصح انا اهم شي عندي اعيش بعزه نفس اكره ماعندي الاهانه

هو يشوف نفسه ما سوا شي ويتكلم بثقه ويوم يكلمني يقول ما اقصر عنك واطلعك مطاعم و مدري ايش شدخل المطاعم هو يوديني صح علشان بطنه

الحين اذا جا بكره اكيد بدخل اتكلم معه لا يغير كلامه ولا يجيب شي من عنده هل انا صح ولا غلط وش اقوله اذا اصر انه مو غلطان انا بصراحه ماعدت اتحمل اسلوبه وهو ما يحترم مشورتكم الله يجزاكم خير

>>>>> ردود الأعضـــــــــــــــــــاء على الموضوع <<<<<
==================================

بالله هذه مشكلة تتركين بسببها البيت
عادي في بداية الحياة الزوجية لازم تحصل مثل هالمشاكل والزوج أحيانا بيسوي نفسه الأسد في عرينه
وإنه حر وإن لازم كلمته ما تكرر ولو فيه شيء غلط يقلب البيت
ووالله أغلب المتزوجات كذا
حتى في دورة للحياة الزوجية يقول المحاضر أول سنة هي أصعب سنة بالزواج ثم الثانية وبعدها الحياة تصير عسل ومن تجربة والله
وأما تشكين أمه تتدخل ؟؟؟ يعني بتبنين حياتك على شك
حتى لو تدخلك ممكن تكسبينها وتصبرين عليها ومع الوقت بيصير لك بيت مستقل
نسيت أذكر حاجة مهمة الديون سبب للنرفزة والعصبية

وذهابك لبيت أهلك خطأ
حتى الي يطلقها زوجها ما تروح بيت أهلها
كان صبرتي وحاولتي

والحياة الزوجية ما فيها كرامتي وكرامته

لو فيها كرامة وحدود كان ما أنكشف ستركما على فراش واحد

__________________________________________________ __________

الموضوع ما مستاهل طلاق وبيت الاهل كان حليتوا الموضوع بينكم وديا لان غالبا الحياه الزوجيه بدايتها صعبه لحد ماتتعودوا على اطباع بعض ومع الايام تحلو الحياه باذن الله

__________________________________________________ __________

خطوه حلوه ان راح يجي يكلم اخووك
طالما كلام رجال راح ينحل الموضوع بإذن الله..
لا تتحسسي يا حبيبتي بزياده اغضي و سامحي و رخي شووي..
و لما يجي لاخوك تكلمي معاهم و ناقشي و قولي انا ما احب
اسلوبك لما تهاوش و لناس ما تتفاهم بصراخ و هواش..
و اكيد راح يغير اسلوبه اذا يحبك...

ارجعي لبيتك و زوجك و عيشي حياتك

__________________________________________________ __________

المشاركة الأصلية كتبت بواسطة سجلت لأجلك بالله هذه مشكلة تتركين بسببها البيت عادي في بداية الحياة الزوجية لازم تحصل مثل هالمشاكل والزوج أحيانا بيسوي نفسه الأسد في عرينه وإنه حر وإن لازم كلمته ما تكرر ولو فيه شيء غلط يقلب البيت ووالله أغلب المتزوجات كذا حتى في دورة للحياة الزوجية يقول المحاضر أول سنة هي أصعب سنة بالزواج ثم الثانية وبعدها الحياة تصير عسل ومن تجربة والله وأما تشكين أمه تتدخل ؟؟؟ يعني بتبنين حياتك على شك حتى لو تدخلك ممكن تكسبينها وتصبرين عليها ومع الوقت بيصير لك بيت مستقل نسيت أذكر حاجة مهمة الديون سبب للنرفزة والعصبية وذهابك لبيت أهلك خطأ حتى الي يطلقها زوجها ما تروح بيت أهلها كان صبرتي وحاولتي والحياة الزوجية ما فيها كرامتي وكرامته لو فيها كرامة وحدود كان ما أنكشف ستركما على فراش واحد

صح كلام اخت

__________________________________________________ __________

يمكن ريلج من النوع العصبي اللي اي موقف يعصبه و يحط حرته فيج
انا وياج انه الريال لازم يحترم زوجته ويعاملها بمعاملة طيبة وحسنة
بس مب لدرجة انه يوصل الموضوع للخلع او الطلاق
اذا يا ريلج عند اخوج تفاهمي وياه عشان يحسن تعامله وياج
موفقة

استغفر الله العظيم الذي لا إله إلا هو الحي القيوم و أتوب إليه