عنوان الموضوع : زوجي يخوني وانا بنفاسي
مقدم من طرف منتديات نساء الجزائر

زوجي يخوني وانا بنفاسي



بنات محروقه من قلب
حسبي الله ونعم الوكيل
الله لا يسعده ولا يسعدها جعل حوبتي ماتعداهم
انا قررت اروح بيت اهلي خلاص
بنات مو اول مرا يخوني هذي ثالث مرا
اول مرا بنفاسي بولدي الاول
وعديتها له بعد زعل وعصبيه بعدها رضيت ماحبيت اكبر السالفه
والمره الثانيه كنت عند اهلي ورجعت مع اخوي لبيتي
وجواله كان بشاحن فتحته ولقيت كلام وغزل مع وحده
هذا بالبرلانقو برنامج
بكيت وكلمته بهدوء وقلت ليش تخوني
قصرت معك بشي قال لا
قلت ليش تخون قال م خنت مجرد سوالف وطقطقه
ورضيت بعد م اخذت عهد م يعودها واي شي يبيه يطلبه مني
اخر مرا قريب
انا لي سبوع مطلعه نفاسي وجبت له البيبي الثاني
وقت نفاسي مهملني انا الي ادق وانا اساله
وانا الي ابين شوق وهو رده بس وانا بعد على كل كلمه
قلت يالله هذا طبعه من اخذته مو راعي سوالف
ومرا كلمته فون ورد علي خمس دقايق وقال بسكر
اذني تعورني قلت ليش توني مكلمتك كنت تتكلم مع احد قبلي
قال حبيبتي طبعا ماصدقته قلت بيشوف غيرتي
المهم امس شكيت فيه
جواله كل شوي رقم سري بس يغير عشان م اعرف
ولا افتحه وافتشه
ولقيته محمل برنامج السكايبي
طبعا هذا اول طيحه عليه كان بسبب هالبرنامج
بما ان جواله مغلق حملت البرنامج عندي
وانا اعرف اسمه ورقمه وفتحت
وتجيني الصاعقه
يكلم وحده كلامهم كله عشق وحب
الكلام الي ماعمري سمعته منه يقوله لها
من كلامه مساء الخير لروح تستبشر بهالخير
وروحي وحياتي وحبيبتي و نظر عيني و احبك
وهي تدلع وراسله صوت له تقول وينك عن التويتر
وتقول حبيبي وعشقي وتقول وينك تتاخر علي ومن هالكلام
وكاتبه ابي ايي واعضك من خدك قوييي ليش ماترد
واهواك واعشقك واحبك واموا فيك ولا تسوي فيني جي
وكلان كثير ومغنيه له
وهو قبل اجي بيوم كلمها
وبعد ماجيت عنده بيومين مكلمها يقول روحي وهي ماردت
والثلاثاء مكلمها وكاتب صباح الخير وينك
يسأل عنها
انا واجهته وهزائته ومسحت فيه الارض
وجلست اكلمها قدامه وقلت لها كل شي
انو انا زوجته وعندنا ولدين و هو خاني معاك
وعلمتها انو توني طالعه من نفاس وانو يكذب عليها وهو جاف معاي
وكل شي وهو جنبي ويقراء وش اكتب ويضحك
ويحضني ويبوسني يقول ماخنتك
والي يقهر يقول وش رايك بصوتها وهي تغني
بنت كلب صوتها روعه
انا قررات اروح بيت اهلي واحذب عياله عليه
خلاص بطلق اكرهه الخاين
حياتي معاه جحيم لا طلعات ولا سفرات اغراضي اجيبها عند اهلي
اول مرا واخر مرا سافرنا شهر العسل خمس ايام بين جده والمدينه
انا مثل الجدار بالبيت بس تفريغ
حياتي كلها بيتي ولا بيت اهلي واذا بطلع مع اهلي
مافي شي اقول بجلس عشان كذا وكذا
حتى ذكرى زواجنا انا اهديه واجيب وهو لا
ويقول ليش تهديني انا ماجبت لك لا تهدين
وبعد طلعت من الاربعين ولا شي
حتى يوم بفندق مافيه
برضو للمعلوميه يسافر دايم ممكن كل شهر بس بروحه
ينزلني عند اهلي ويروح
حسبي الله ونعم الوكيل على من كان السبب
جهنم ان شاءالله وباس المصير
حسبي الله على كل واحد ياخذ بنت الناس تعذيب والت تفريخ
نزلو موضوعي تكفون حرقه بقلبي
مو عارفه تصرفي صحيح ولا اصبر
تكفون نزلوه طلبتكم باسرع وقت
انا مجهزه شنطتي الحين

>>>>> ردود الأعضـــــــــــــــــــاء على الموضوع <<<<<
==================================


دخلي اهلك بالموضوع ......بينكم طفلين ...الله يعينك ومانلومك موقفك صعب ومحير المشكله عادي عنده وبكل قواة عين يقولك وش رايك بصوتها !! انتي ابدئي بتدخل اهلك خليهم يكلمونه روحي بيت اهلك اجلسي كم يوم وفكررري كثيررر بقرار نهائي ولاترجعين الا بشروطك ....المشكله اذا فوق هالتصرف تقصير بنواحي ثانيه مثل الصرف والطلعات والاهتمام ! لاترجعين الا بشرط انه يترك هالشي مع اني بصراحه ماتوقع يترك هالشي بسهوله والله يفرج همك


__________________________________________________ __________

طلاق لا تفكري فيه ابدا
خليك عند اهلك ولاترجعي الي اذا نفذ شروطك كلها


__________________________________________________ __________

انا نفسي اعرف اشفيهم الرجال مشفوحين على السواليف مع البنات اساساً اللي يسويه زوجك حرام لو انتي مكانه كان قوم الدنيا وقعدها ..وكأن زوجاتهم مو مالين عيونهم ..
حبيبتي لاتستعجلي بالطلاق اعطيه فرصه روحي عند اهلك ولاترجعي الا لمن ينفذ شروطك انتي مشيتيها المره الاولى والثانيه عشان كذا تمادى وكمان ترا الاصحاب لهم دور ..حاولي تهدي الاوضاع الحين ..والله يسهل امرك وطمنيني عنك يابعد تسبدي..ربي يسهل امرك ويفرج همك


__________________________________________________ __________

انتي الغلط كله منك
اغلب الخيانات تصير وقت النفاس طبعا الحرمه تكون في بيت اهلها
انتي اخليتيله الجو
المفروض انك ماتتركينه لوحده
تركتيله فراغ عاطفي كبييير
ومع هذا الفراغ لقي من هو يهتم فيه

تعلمي منها شوفيها كيف تتدلع له بصوتها
ليش تلومينه وهو انتي السبب
هو رجل ومحتاج انثى
ولقي من تدلله
وتقول ابي اعضك
انا تعلمت منها اللحين
وياليتك تقولين اش كمان تقول
لاتتركينه فتره طويله عنك
اجلسي ببيتك وامك هي تجيك او حتى خادمه .
المهم ماتخلين له الجو


__________________________________________________ __________

ووكمان الزوج مايهتم بزوجته الا لشخصيتها
للدلالها لضحكها لغنجها
لكل شي فيها
انا اشوف الحريم القويات المتسلطات هم الناجحات
شفتهم كيف ازواجهم يطاردون وراهم يبغون رضاهم
بسبب ايش؟؟
بسبب طريقتها في الكلام سواليفها
في طريقة اخذ حقوقها
ان كيدهن عظيم
مااخذت حقها بالقوه لكن بذكاء بكيدها بحيلتها
يعني اش بتستفيدين لو بتروحي بيت اهلك
بتقولين لهم انه مايطلعني بيقول مااشترطتو علي هابشي
بتقولين مايهديني ...مايقول لي كلام حلو
واشياء زي هذي ترجع لك انتي
حاولي وحاولي وابحثي عن حل ورى حل لاتيأسي