عنوان الموضوع : تعبت من نفسي عاد كيف الناس -لصحتك
مقدم من طرف منتديات نساء الجزائر

تعبت من نفسي عاد كيف الناس



السلام عليكم ورحمة الله وبركاته
تكفون يالادارة نزلو مشكلتي والله تعبت
انا عمري 15 وشخصيتي مره ضعيفة وأسلوبي غبي وماعرف أتصرف وبالاصح ماعندي ثقة بنفسي دايم اشوف البنات احسن مني واجمل مني والله تعبت من هالشي وماعندي أحد افضفض له واسولف معه وصرت دايم اسولف مع نفسي مثل المجنونه عندي أخت وحده بس ماسولف معاها دايم تهزئ وتهاوش وماتحب تسولف معي ودايم تفضل بنت خالتي علي وحتى أسلوبها مع بنت خالتي حلو وانا ﻻ مادري وش السبب واذا جانا ناس غريبين ولا رحنا مكان مادري وش يجيني بس اجلس ساكته ماسولف واذا تكلمت ردودي تكون بهمجية وأحس تضايق الناس ابي ارجع ثقتي بنفسي واعدل أسلوبي مع الناس بس مادري كيف ثاني شي دايم امي تقضي لي من الرخيص وماتحب الماركات وماقضي أﻻ وقت المناسبات وبنات خالتي دايم يشترون من الماركات وأحس اذا رحت عندهم اتفشل من ملابسي وارجع وانا متضايقه مادري ليش امي ماتخليني اشتري من الماركات واذا دخلت محل ماركه تهاوشني وتفشلني قدام الناس واحنا مقتدرين الحمد لله نشتري من الماركات بس مشكلة امي بخيله
ادعولي في ظهر الغيب ترجع ثقتي بنفسي ويحبوني الناس ويهدي امي ومعليش اذا كان كلامي ملخبط

>>>>> ردود الأعضـــــــــــــــــــاء على الموضوع <<<<<
==================================


اممممممممممممممممممممممممممممممممممممم *.*
الثقة بالنفس لازم تعززيها في داخلج عشان تنعكس للخارج والناس يحسون بهالشي
كيف تعززيها ؟
خليج مبتسمة
و بالتشجيع ... هيه شجعي نفسج و رمسي الناس بأسلوب حلو و صوت منخفض
و على فكرة الكلمات التشجيعية مثل انا حلوة انا واثقة من نفسي و غيرها من الكلمات لها اثر فعال على النفسية
ما ذكرتي عمر اختج جريب منج ولا فيه فرق كبير بينكم
حتى لو هزئت وهاوشت روحي لها قولي لها احنا خوات وانا احب اكون وياج واسولف وياج
و يوم تروحو السوق خذي رايها بالاشياء اللي تختارينها
و ممكن انتي تشوفي حد من بنات عمج او خالج بنفس عمرج و تصادقيها وتسولفي وياها
اما المولات ففيها اشياااااااء وايد حلوة و تجنن واحلى بمليون مرة عن الماركات !!!
اصلا المسوقين ضاحكين علينا هذي ماركة كذا وهذي ماركة كذا و في النهاية كلهم نفس الشي
لانه عارفين الناس تركض ورى الفشخرة والمظاهر الكذابة
موفقة

استغفر الله العظيم الذي لا إله إلا هو الحي القيوم و أتوب إليه


__________________________________________________ __________

غآليتي
إقرأي عن طرق تعزيز الثقة في النفس وأغرسيهآ دآخلكِ
إن كنتِ لآتحبي نفسكِ ولستِ رآضية عنهآ ، فلن يحبكِ الأخرين ~
حبيبتي ، في طرق كثيرة تسآعدكِ على أن تكوني وآثقة ، مثل تطوير ذآتكِ
إحضآر لوحآت خشبية تجديهآ عند جرير ، علقي عليهآ نوته صغيرة ~
أكتبي عليهآ ، أنآ متميزة ، أنآ رآئعة ، أنآ نآجحة ، أنآ وآثقة
إقرأئيهآ كثيرآ ، وقبل النوم كرريهآ بحيث يتبرمج عقلكِ على هذآ .. ^^
حآولي تحسين علآقتكِ بأختكِ ، أحضري لهآ هدية ، أكتبي لهآ رسآلة عبري عن كل مآبدآخلكِ
بإذن الله بتتغير ، كوني صدآقآت ، ~
المآركآت هي مجرد تسويق للمنتجآت ، في ملآبس ليست مآركة وجميلة ~


__________________________________________________ __________

هانت عليك الكلمة ؟ تقولين عن أمك بخيله ؟ ليه بس عشان ماتشتري لك ماركات !
طيب هي اشترت لك مامنعتك من كل شي !
والماركات مو كل شي .. الذوق وهو الي يحكم
ممكن وحده ملابسها كلها ماركات بس مو متناسق يعني تشوفينها مايعجبك
وممكن وحده ملابسها من سوق عادي بس ذويقه تختار الي يناسبها والشكل الي لايق لها ويطلع لها جججميل
الذوق الي يحكم يعني انتي لا رحتي السوق تدوري على الي يعجبك وتحسينه يمشي عليك مو تختارين أي شي عشان مو عاجبك السوق !
عززي ثقتك بنفسك بقراءة الكتب وكوني لك شخصية مستقلة بدون مقارنة مع بنات خالاتك او أي احد


__________________________________________________ __________

اقري كتب تطوير النفس تنفعك وتغيرك كثير والله
وحافظي ع صلوتك والدعا ان الله يفرج همومك .حاولي تشرحين لاامك انك تتضايقين وتتفشلين من ملابسك واذا مااقتنعت ابكي وقولي خلاص ماراح اطلع.ان شالله تغير رايها


__________________________________________________ __________

أقري كيفية إعادة الثقة بنفس للدكتورة ناعمة الهاشمي
والله يوفقك