عنوان الموضوع : ورطه اخوي مع خطيبته -لصحتك
مقدم من طرف منتديات نساء الجزائر

ورطه اخوي مع خطيبته



السلام عليكم صبايا

شخباركم .. انا اليوم جاايه اقول لكم مشكله بيتنا ومشكله اخوي

اخوي كان يكلم وحده بالتلفون و مره وحده قابلها وكنت معاهم

واخوي حب يتمم نص دينه و قال لامي تروح تخطب البنت بس

البنت طلعت مو مثل ما كان اخوي يفكرها لانه طلعت ماديييييييه

قبل كانت تقوله قابله فيك حتى لو تسكني بخرابه و تشتغل اي

شغل عادي بس الحين تغير كلامها بعد الملكه .. و قالت تبي

طقم ذهب قلنا مو مشكله الغالي يرخص لها و الت تبي قاعه فخمه

قلنا مو مشكله هذي ليله العمر وتبيها تكون مميزة و مثل ماتحلم

لكن مبالغتها تبي فستان من مصممه كويتيه مشهوره تصمم لها

و التصميم لحاله ب 200 دينار غير السهر اللي على الخياط

وغير تكلفه الشحن على ما يوصلونه البحرين , و الجزم وانتوا بكرامه تبيها من الستي سنتر ب 150 دينار و اخوي على قده وامس رحت له الغرفه عنده مشكله نفسيه

لانه ماخذ قرض للمهر و اللي بالجمعيات عنده 2017 دينار يالله تكفي تجهيزات القاعه و السياره اللي بيستاجرها و الله لقيته يبجي ومتندم

وخايفه انه ينصدم منها بعد الحفله و تتغير علاقتهم

لانها مو من البدايه صارحته وقالت له تبي كل هالمصاريف

صدقوني مو بخل منا بس هي طالبه اشياء فوق المعقول و من حقها تسوي اللي تبي بس بحدووود و احنا نستحي نقول لها تساعد اخوي

ولا شرايكم ؟؟ وش نسوي

>>>>> ردود الأعضـــــــــــــــــــاء على الموضوع <<<<<
==================================


معك حق كتييييير طلبات مالها داعي
يعني حلو لفستان يضل ذكرى
بس هو يوم وخلص
يعني في كتيييير فساتين حلوة ومرتبه وبسعر معقول

خلي يرجع يستخير ربنا لو مافي خير بيتركها


__________________________________________________ __________

كلموها بصراحة وخليه يقول لها شو حدود قدرته المادية احسن ما يحقق لها كل طلباتها بالديون وبعدين رح تبتدي بينهم المشاكل حب لها تكمل اهلا وسهلا ما حب لها الله بيعوض عليه بانسانة قنوعة ترضى بالواقع


__________________________________________________ __________

هو الرجال مو هي
ان رضت بوضعه اهلا وسهلا وان مارضت مع السلامه
حركاتها تقهر
انتم عليكم تقدمو لها المهر بس وزياده المهر المتعارف عليه في مجتمعكم

والباقي على اخوك القاعه يختار قاعه على قد حالكم هي مالها دخل
لاززم يكون له كلمته ورجال
لو يمشي وراها كان مداه في السجن اللحين
الفستان ماله علاقه اخوك فيه هي حره
عندنا في السعوديه الرجل يقدم المهر للبنت وهي بكيفها تحطه في ذهب في فستان في اي شي
مايتدخلون
واذا هي ماستحت انتم لاتستحون
ان رضت بوضعكم تممو الزواج
وان مارضت البناات اش كثرهم في البيوت

انتي قوي شخصية اخوك

انا مو فاهمه تمام وضعكم في البحرين
بس الاحلى انكم تعطونها المهر المتعارف عليه وهي بكيفها


__________________________________________________ __________

لا ورطه ولاشي احسك كبرتي السالفه خله يقول لها خفي علينا ترا ماني ولد الراجحي طايحتن لك ع كنز انتي تراني يلا جمعت مهرك وجيتك خلها تحس انها وراها مسؤوليه وين رجولة اخوك لاتتدلع ع راسه خليه يلبي اللي يقدر عليه انا الان في فترة ملكه والله اني راعيته مايكلف بالذهب وهذا مايزي قدري عنده الا مراعتي له انا ماهضمت حقي لكن الشي بالعقل ياناس


__________________________________________________ __________

مو ورطة قعدوا معاها و فهموها،
بالنسبة للمصممة ترا والله أشوف نفنوفها رخيص يعني الحين المعازيم نفانيفهم بين ال200 وال1000 دينار كويتي بدون اي مبالغة توه برمضان الدراريع بالمعارض و التصميم خربوطة تلاقينه على 170 كويتي و طالع، شلون نفنوف العروس؟ سألوا المصصمة چم المبلغ النهائي يعني الخياط و التصميم و الشحن (اذا ما تقدرون على الشحن تعالوا الكويت و أخذوه التذاكر بين دول الخليج رخيصة نسبياً أتوقع أرخص حتى من الشحن اذا بس شخص واحد منها تقييس النفنوف و منها تاخذه) لأن لين الحين و على حسب كلامچ يطلع التصميم ب150 دينار كويتي والله معقول السعر و ما تلاقين نفسه بالسوق اذا كله على بعضه 150 دينار كويتي.
2000 دينار بحريني=1509 دينار كويتي والله شويه يعني ما ادري شلون بتلاقون أشياء بهالميزانية فنصيحتي لكم يا تكلمونها و تفهمونها الحسبة يا تأجلون العرس لين ما تجمعون مبلغ اكبر يا تفلون الموضوع من الأساس اذا البنت مو قادرة تتكيف مع أحوالكم المادية من أولها لأنها و بصراحة مو إنسانه مادية يعني كل المصاريف اللي حطيتيها والله معقولة يعني هذا السوق و اهيا عروس ما تقدرين تقولين لها تشتري مثل المعازيم او شيء مو حلو لأنها العروس و لازم تكون توپ بعرسها و اهيا ما تقدر تتحكم بأسعار السوق بالعكس كل مصاريفها لين الحين معقولة....كلموها بصراحة علشان توفر اكثر يمكن اهيا مو مستوعبة الوضع لين الحين و الله يوفقكم