عنوان الموضوع : دعواتكم لي يا عضوات المنتدي الطبيب يجيب
مقدم من طرف منتديات نساء الجزائر

دعواتكم لي يا عضوات المنتدي



صباح الخير خواتي العزيزات

حبيت افضفض وأقول الي بقلبي لكم

مرات البنت تحس باانها وحيده وتبي نصفها الثاني لتكتمل حياتها سعاده خصوصا اذا الشخص الي بترتبط فيه ونعم الزوج وبيسعدها بحياتهم

انا مرات أشوف بنات اهلي وصديقاتي الي حاطه ومصوره ورقه الملكه وهي تكتب وتوقع لعقد قران فجاه أحس نفسي أحس بهذا الشعور ادخل القفص الذهبي وارتبط باانسان يجعلني اسعد إنسانه معاه

انا بطبعي حساسه وطيبه وياما جاتني نقزات من اهل امي بنت فلان تزوجت بنت فلأنه انخطبت وانا يعورني قلبي لانه ادري قاصدينها وقلبهم اسود

آه يابنات عمري 24 وبيدخل 25 وللحين ماجاه النصيب كل ما انخطب ماتكتمل سعادتي ومايتم وأصلي استخاره بس الحمدالله أمر الله خيره لي

انا اتمني أسس عائله صالحه وزوج يكون يدي اليمني ويكون قره عيني وسعادتي وحياتي كلها لأني في أمور كثيره بخاطري بس ما صارت


وانا إنسانه احب الاطفال خاطري أحس بالامومه شعور جميل

ربي لاتذرني فردا وانت خير الوارثين

دعواتكم لي يابنات وانا صايمه الحين 6 من شوال الله يتقبل مني ومنكم صالح الأعمال

فمان الله

>>>>> ردود الأعضـــــــــــــــــــاء على الموضوع <<<<<
==================================


اﻷه يرزقك بالزوج الصالح
كل واخد نصيبو مكتوب
لاتزعلي ولاتفكري بالموضوع
بس ادعي الله يرزقك الزوج الصالح


__________________________________________________ __________

شعورچ عادي و طبيعي الكل يبي يستقر سواء كان الزواج بنظرهم = استقرار او غيرة.

انا اقول عادي اشغلي نفسچ عن التفكير لين ما ييي لچ النصيب و حقري اي احد يلمح لچ او يضايقچ مو بإييدچ النصيب و توچ صغيرة لا تقللين من قدر نفسچ او تتسرعين بسبب الخوف من عدم الزواج يعني يمكن راحتچ تكون بعدم الزواج...يمكن الزواج يضرچ اذا تسرعتي.


انتي مو طايحه بچبد اهلچ او نفسچ علشان تقبلين بأي احد فلا تخافين ولا تحاتين توچ صغيرونه.


و الله يرزقچ باللي تبينه و احسن يا رب


__________________________________________________ __________

توك صغيره والعمر قدامك لا تضايقين عمرك بهالموضوع
ولا تتحسسين لإن اذا تحسستي بتشوفين الي حولك يتمادا معك ويستقصدونك
وإحساسك فعلاً طبيعي اي وحده تحس بهالشي .. انا احس بهالشي كوني مو متزوجه وابي احس بالصدق والترابط وو
لكن لما اشوف الي حولي تنخطب او تتزوج ادعي لها بالسعاده من قلبي لإن هذا نصيب
نصيبي ونصيبها ونصيبك مكتوب
ولعل بالتأخير خيره مانعلمها .. يمكن يجيك الي احسن من الي خطبوك
ويكتب لك ربي السعاده معه
أبي اقولك شي شخصي فعلاً صار لي ولا أبي اقوله رياء لإن اساساً محد يعرفني هنا لكن بقوله من باب التجربة وابيك تسوين نفسي صدقيني بتتغير حياتك ..
أنا جت لي فتره تضايقت من كل شي
خلاص تعبت وأبي اغير روتين حياتي ووو .. وأشياء كثير خلت لي رغبه بالزواج
وأدري ان الشكوى لغير الله ماتفيدني بهالموضوع .. الأمر كله بيد الي خلقني
صرت أتوضى وأنا استشعر إن ذنوبي تنمسح مع كل وضوء ..
أصلي بوقته وأنا خاشعة وأدعي بصدق وحضور ذهن
بعد ماأصلي أستغفر واسبح واقرا الأذكار ..
بهالفتره وبما إني كنت منزعجة من الي حولي بشكل فعلاً محزن ماكنت أتحمل احد
بعد الصلاه كنت أحس براحه ونيه صافيه والله حتى وقتي تنظم !
وعصبيتي خفت بشكل ملحوظ حتى إن كل الي يشوفني يبتسم مع انهم ماشافوني وانا اصلي وادعي ربي لكن سبحان الله وضح لهم التغيير ..
وكنت احاول أغلب الشيطان الي احيان يوسوس لي اني تعبانه وان وراي دوام وإن وإن واني اخلي صلاة السنه بعدين .. احيان يغلبني وأحيان أغلبه وأصليها
كنت أحاول قدر المستطاع ماأرد طلب لأمي او ابوي .. مهما كان
كنت أسهر عشان اسوي لهم شي ماقالوه لي .. يعني مو مطلوب مني شخصياً اني اسويه لكن قررت اسويه لهم من باب البر فيهم وكان هالشي وماودي اقوله لكن كان يخليني أسهر واحيان كنت انام واحط منبه عشان اقوم واسويه وارجع انام
وانا منسدحه بدل ماكنت اتقلب وبيدي الجوال .. صرت احط الجوال
وأدعي ربي يارب اتزوج يارب تكتب لي الي فيه الخير وأدعيه من قلب ببكاء لين انام
واستغفر كثير .. اي شي اسويه استغفر معه .. وانا رايحه الدوام استغفر وادعي
وأتصدق كثير لو بريال يومياً واتصدق عن اقاربي
والله العظيم ماأكذب عليك كلها فتره بسيطة .. إسبوع او اسبوعين ناسيه ..
إنخطبت وجو شافوني .. فرحت وبنفس الوقت خفت شعور مضطرب لما تحسين ان دعوتك إستجابت شعور جميل بشكل ماتتخلينه ..
حمدت ربي ورحت اصلي استخاره .. بعد كذا الخطبه تفركشت ماأخفيك جتني ضيقه لإن مواصفاته جميله لكن حمدت ربي ع كل حال لإني استخرت ربي وان شاءالله ان فيه خيره بعده عني .. وان الله بيكتب لي الي احسن منه بإذن الله

يمكن لما تقرين كلامي تحسين هالشي صعب ؟ او تستثقلينه ؟
جربي يوم واحد تسوين هالشي ونيتك حاضره وعندك حسن ظن بالله
والله العظيم راح تلاحظين تتغير جذري بحياتك حتى ذهنك صافي
واعصابك بارده مهما يصير .. فيك طمأنينه
والله يكتب لك الي فيه الخير
كتبت ردي ذا لك .. وأول مره اكتب هالشي وراح انسخه عندي لأي وحده حاسه بشعورك
اهم شي ثقي بالله
و" دعواتك "


__________________________________________________ __________

اسئل الله أن يرزقك بزوج صالح


__________________________________________________ __________

متل شعوري تمااااااماً
الله يرزقنا واياكي وجميع بنات المسلمين ياااااا رب بالشخص اللي يصوننا ويسعدنا ان شاءالله
ربنا لا تذرنا فرداً وانت خير الوارثين
ربنا اكرمنا بمن يقرّبنا اليك
ربنا اغننا بحلالك عن حرامك وبفضلك عمّن سواك