عنوان الموضوع : مشكلتي مع أختي الطبيب يجيب
مقدم من طرف منتديات نساء الجزائر

مشكلتي مع أختي



خواتي انا بمشكله مو قادره اتغلب عليها راح أقولها لكم وان شاء الله تفهمون على
انا لي ثلاث خوات اكبر مني والثالثة اقرب وحده لي كنا بغرفه وحده ومتعلقات ببعض طلعاتنا وروحاتنا مع بعض
أسرارنا مع بعض كانو خواتي الكبار يغارون منا لأنهم مو متفقين مثلنا المشكله قبل سنتين كنا مسافرين نجهز لزواج أختي
وصارت بيني وبين أختي القريبة لي هوششششششه كبيره وتلفظت على ألفاظ قدام أهلي هي المشكله انو انا تهاوشة مع امي بموضوع والله ناسيته أختي هذا هي الوحيدة اللي نطت بوجهي وصارت تصارخ على مع انها دائم خلاف مع امي وش معنى هذاك اليوم صارت تدافع وباقي خواتي قريبات لامي وسكتو وعلى أساس انو انا وأمي الخلاف بينا ماحد يتدخل
المهم كلمه منى وكلمه منها لين م كبرت السالفة وردينأ من السفر وطول الطريق م نتكلم وأمي على انو أختي دافعة معاها الا انو امي ماكانت تحب أختي كثير اخوي كان في البدايه واقف معاي وبعدين تغير على وصار مع أختي
مرت الايااااااام وانا تركت الغرفة وصرت أنام بغرفة الضيوف وخواتي تزوجو ونسوا انو انا وأختي متهاوشين وعاجبهم الوضع ليه مادري !!

بعدها بمده شبهه طويله رجعنا نتكلم انا وأختي مع بعض شوي شوي لين م رجعنا لبعض بس كرهت غرفتي بسببها
وبعد صرت اكره اطلع معاها لأي مكان والله ي خواتي تجي لحظات أتمنى م أشوف أختي لآني أتذكر كلامها لي و احس بضيقه قبل 6 شهور انخطبت قبلها وفي البدايه كنت حابه ارفض عشانهأ بس هي قالت وأفقي وهذا نصيبك
طبعا استخرت ووافقت وإدري لو خواتي الكبار بمكانها مستحيل يخلوني أوافق بس وافقت وزواجي بعد سنه عمري 25 وأختي 28 المشكله الحين مو قادره أتقبل اطلع معاها أتضايق وأحيانا احبها وأحيانا اكرههاااااااا واي كلمه تقولها مستحيل انساهااااا أمس كنا طالعين للسوق وبعدين ورحنا للمطعم بس مع كذا ماأنبسطت تمنيت أرد للبيت كنت اضحك وأسولف وبقلبي أقول ليتني م طلعت معها على انها اكثر وحده تفهمني بس اكرههااا أتمنى انها تتزوج وتطلع من البيت ابي افتك منها وبنفس الوقت م أنسى انها وقفت معاي بمواقف كككككثير وخصوصا اذا اهل زوجي زارونا م تقصر صراحه وتحاول تجاملهم لان انا خجوله وأمي كلامها قليل وأختي هي الوحيدة اللي تتكلم و تجامل بس احس بعض الأحيان م تبيني اتكلم عن زوجي ولا تبيني أجيب سيرته انا قلت شي طبيعي وقلت لها ان شاء الله قبل أتزوج تتزوجين وهي ترد لي تراني مو مشفوووووحه على الزواج مادري احيان احسها متحسسه من الزواج وأحيان احسها مكبرة عقلها مشكلتي مو زواجي قبلها وكل شي قسمه ونصيب بس مشكلتي كارهه أختي افضفض لها بس احيان ردت فعلها تقهرني على انه قبل الهوشه كنا نفشل بعض عادي بس م كنت أخذ موقف عكس الحين صارت أتفهه كلمه منها تضايقني ......وش الحل يعني الغلط مني ولا من أختي يعني كرهي لها معقول ولالا ابي منكم نصائح وجزاكم الله خير

>>>>> ردود الأعضـــــــــــــــــــاء على الموضوع <<<<<
==================================


انتي حساسة بزيادة
انتو ترضيتو يعني انسي الماضي
لا تخلين مجرد هوشه بينك وبين اختك تدمرك
وتكرهك باختك
والله يوفقك


__________________________________________________ __________

حبيبتي انتي مكبرة الموضوع كتير بتحقدي ع اختك وما بتسامحيا رغم انك حكيتي انو وقفت معك كتير و كنتو قراب من بعض كتير يعني وصار هالموقف و غلطت معك وقصة مرت ليش لتكرهيا مهي اختك بالنهاية يعني انا واختي مامنخلي لبعض و خناق طول اليوم وبحكيلا بكرهك ة بعد شوي براضيا مع انو هي الغلطانة بس هاي اختي وشو ما صار مابكرها


__________________________________________________ __________

الله يوفقك اختك مهما كان


__________________________________________________ __________

موضوع مايتساهل الحقد الاخوات يصير بينهم خلاف بس ماتوصل للحقد أبداً لاتخلي شيطان يلعب عليك هذا اختك من لحمك ودمك مدري كيف يجيكم قلب في بيت واحد ماتكلموا بعض وش هل القلب الاسودانا اخواتي مااقدر اقاطعهم حتى لوزعلت منهم قلبي مايطاوعني اقاطعهم ولا احقد عليهم


__________________________________________________ __________

معليش هذي اختك مهما صار بينكم مشاكل
مايحوج انك تخلي الماضي عالق بقلبك
اللي راح راح وابدي صفحه جديده
لاتخلي قلبك حقود مثل الجمل
ترى هذه اختك
وماشاءالله عليها ماقصرت معاك ابد ابد
انتِ اللي شايله بنفسك بس
انسي وتعوذي و ارجعوا مثل اول
الاخوات دايم بينهم كلام وخصام وتجريح
عادي بس بعدين الوضع يتغير