عنوان الموضوع : ماتت علاقتي مع زوجي -لصحتك
مقدم من طرف منتديات نساء الجزائر

ماتت علاقتي مع زوجي



السلام عليكم
بداية زواجي كنت مرتاحه مع زوجي وسواليفنا حلوه وخططنا وكل شي بيننا بالتفاهم وحتى بشغل البيت يعاوني وكان يشكر اي مجهود اسويه وحتى لو ماسويت شي عادي مايتذمر وكنت اشتاق له لما يغيب ايام وكنت اتضايق من دوامه الي يغيبه عني وبعدها غير دوامه عشاني وصار مايغيب وكل يوم اقعد معه وكنا مرتاحين وهو ارتاح اكثر..

بس
صرت امل منه ومن سواليفه ولا صار عندنا اهداف وتخطيط زي اول وهو بعد مل مني وماصار يسمعني ولا يفهمني ولا حتى يرحمني ولا يشكرني صار يسوي عزايم في بيتي من غير مايعلمني يخليني قدام الامر الواقع ولما اكون مرهقه اضغط على نفسي واطبخ وابدع وانوع اتحمل واقول يمكن يبين بعينه ويقدرني بس للاسف العلاقه الي بينا منتهيه لو شافني ماشتغلت يعلق ويسميني كسوله فاضي بس يقط كلام ينكد القعده معه صارت ممله وعندي اطفال احاول اشغل نفسي فيهم اذكر قعدت سنه احاول اغير فيه واذكره باللي مضى واذكره كيف كان حنون كيف كنى نشتاق لبعض وكيف كنا نخطط بكل شي ونتعاون بكل شي وقلت له اني مشتاقه وان نفسي اعيش الحب واحساسه ونفسي ونفسي واذكره بفرحتنا باول وثاني مولود بس للاسف ماكني تكلمت مطنشني وقت فراغه قاعد عالواتساب ومكون علاقات كثيره مع شباب وصار يحب القعده معاهم وانا وعياله مطنشنا عالآخر ومطفشنا بالحرص يراقب المكيفات والتلفزيون واللمبات ويسكرها علينا وقدام الشباب مسوي فيها الكريم الي فاتح بيته..

بنات انا طيبه مع زوجي وارحمه ماكثر طلبات ولا طلعات للاسواق اكره الاسراف والتبذير وهو انسان بخيل وكذاب مايجيلي نفس اشتري الي ابيه كل الي ابيه لو بشتريه يكون من فلوسي الي يعطوني اياها اخواني
مع العلم هو انسان عنده خير**
مدري شسوي اتمنى اتطلق واتركه واعيش بيت اهلي احب اهلي واحب بيتنا بيت العز والكرم والسعاده بس ماحب اشوفهم زعلانين علي افكر اني اصرف واسوي الي ابيه واكون صداقات وعزايم واطنشه زي ماهو يسوي معاي افكر اني اطلب واطلب وحتى لو بيطفش بقول هذا حقي
ايش رايكم
لحد يقلي احاول اطور علاقتي معه او ابقى على ما انا عليه لاني تعبت ابي تغيير لحياتي الماسخه معاه
لبس والبس طبخ واطبخ توفير وافر وعزايم ابيض وجهه ملابسه وبيته يلق من النظافه كلام كثير مافي فضفضه مافي جنس تمثيل اسوي نفسي متفاعله معه ونا مو مرتاحه عشان ارضيه واكسب اجر ! لاني بداخلي مو راضيه عليه ومو دايم ابين له ضيقي منه بس اقله تذكر لما كنت ولما يقول ايه اذكر ودوام الحال من المحال ويلف وجهه يامقسى قلبه اااه
اتوقع خلاص ماراح يتغير
تدورن مره طفح الكيل وكان صوته عالي ويعصب علي وانا ماستاهل كل هذا ماقدرت امسك نفسي مخشته ضربته وصرخت وقلت اسسسسسكت والحمدلله انه ماضربني وبعدها قعدنا يومين مانكلم بعض ورجع سألني ليه صرت متوحشه قلت من العيشه معك الي كلها ظلم ونكد وتقصير
تخيلو ماعلق وطنشني وواصل القعده عالجوال والفله مع الشباب
الاكيد انه خلاص ماراح يتغير**
نفسياتي تعبانه صرت ادمع لما اتابع مسلسلات او اقرا روايات رومنسيه
على فكره صار يكثر بالسواليف عن الزواج الثاني
وصار يعصب علي قدام اهلي واهله ويفشلني بعد ماكان يغازلني ويدلعني قدامهم مدري ليه صار وقح
وصار يتمسخر على شكلي
وبصراحه انا جميله جسم وبياض وشعر وملامح ونظافه ونشاط وكل شي فيني يحمد ربه عليه وهو شين وقوي عين بس مابحياتي تكلمت عليه الا بشي واحد ريحته مو عاجبتني دايم اقله الله يخليك نظف اسنانك وتروش هو يطفش لاني ماقدر اجامل كل شي ولا هالريحه وتخيلو ليته استحى صار لما يطلع يتنظف ويتعطر واذا قاعد معاي مايتهم بنفسه
خلاص بنتحر لو قعدت اكتب دعواتكم لي بالراحه النفسيه والله يستر لاانتحر من جد ولا يوم احس اني بالرضا ضايقه 24 ساعه بالذات لما اشوفه عالجوال يضحك بصوت عالي لاتقولو يراسل بنات اعرفه مو حق مغازل وجواله مفتوح قدامي وخرابيط والعجيب بالموضوع يخاف الله ومحافظ على صلاته
المهم ايش اسوي بنجن بنجن عطوني كلام يرضيني او يثلج صدري

>>>>> ردود الأعضـــــــــــــــــــاء على الموضوع <<<<<
==================================


اممممممممممممممممممممممممممممم *.*
انا اقول سوي نفسه ايلسي على الواتساب مع ربيعاتج
واضحكي وطنشيه اذا تكلم على اساس انج مب فاضية له
لو تدوري لج وظيفة بعد يكون زين تنشغلين فيها
وممكن تطلعين مع ربيعاتج وجاراتج واهلج حاولي كثر ما تقدرين تبعدين عنه
اذا ما شفتيه تاثر وسالج ليش متغيرة !
روحي وكلميه بصراحة وقولي له انه الوضع مب عايبنج
الله يسخره لج
موفقة

استغفر الله العظيم الذي لا إله إلا هو الحي القيوم و اتوب إليه


__________________________________________________ __________

حبيبتي
كل شي ينصبر عليه إلآ رآئحة الجسم والآسنآن !
روحي السوق معآه إشتري له شآمبوهآت بروآئح حلوة ومزيل رآئحة عرق ومعجون
قولي له إستخدمهم أو لآتقربني لآني مآأتحمل !
لآتخجلي المفروض تكوني جريئة بهآذي الآمور لآنه قرف وعذآب "( !
عجبتيني لمآ ضربتيه يستآهل اللي مآيقدر بنت رجآل والله ")
شوفي يآقلبي
لمآ يعمل عزيمة من دون علمكِ قولي له إنتآ إطبخ ليش مآقلت لي من قبل ؟
بيترجآكِ ويعتذر وقومي سويله ولمآ يروحون قولي لو عدتهآ مآبسوي شي !
لمآ يجلس على الجوآل روحي عنده إلعبي بشعره وكلميه لو طنشكِ
روحي على الجوآل وتكلمي مع صحبآتكِ وتونسي وتجآهليه
لآتقولي لبس وطبخ وحركآت الرجآل مآيملي عينهم غير الترآب !
زوجكِ بيدكِ ترجعيه لكن إذآ وصل حد الآهآنه لآتسمحي له أبدآ أبدآ أبدآ
ضرب شتم ومن هذآ القبيل لآترجعي أبدآ وروحي لآهلكِ
الآنتحآر مو حل يآروحي بتخسري دنيآكِ وأخرتكِ عشآن أيش ؟؟
عشآن دنيآ فآنية تبغينه ينبسط ويتزوج يجيب سيرة الزوآج طيب قولي له تزوج
بس مآبجلس معآك ولآدقيقة الآخ مستغني حتى إنتي إستغني بس عنه مو عن حيآتكِ
والله في رجآل أخس من زوجكِ بكثير إحمدي ربكِ تقربي من الله وإدعيه يسخر زوجكِ
موفقة


__________________________________________________ __________

المصارحة احسن شئ
لا تقولين ما اقدر
بدل ما تكتمين بقلبك


__________________________________________________ __________

ياصاحبة المشكله حطي ببالك الرجال ببداية الزواج شي وبعد ماتجيبين المولود الثالث شي ثااااااني ......قلتي في بدية زواجكم كان مبسوط ورومانسي معك ويخطط لحياتكم لكن الان رجل اخر غير اللي عرفتيه من اول وهالشي طبيعي لانك الحين بديتي تكتشفينه صح بديتي تكتشفين شخصيته وطباعه الحقيقيه وانكشف القناع بعد ماطاحت بينكم الميانه وتعودتو على بعض وصااار بينكم روتين وانتي ودك ترجع ايامك معه زمان لكن للاسف مراح يرجع مثل ماكان ولابيتغير لان هذي طبااعه وانتي بعد حاولتي معه وصاارحتيه وقلتيله تذكر ايامنا تذكر كذا وتذكر كذا ومع هذا ماتجاوب معك وماحسيتي انه اشتاق لهلايام والتخطيطات والرومانسيه في هالشي ممكن تغضين النظر عنه ومالك الا الصبر وتاقلمين نفسك على هالوضع .......لكن فيه شي لاتسكتين عليه قلتي انه بخيل ويقصر عليك وتاخذين فلوس من اخوانك!!! هذا غلط كبيررررررررر انتبهي لاتعتمدين على اخوانك بالصرف واخوانك مودايمين لك حبيبتي عطوك اليوم بعدين ماتشوفين ولاريال وغلط تاخذين من اخوانك وانتي حرمه متزوجه عندك زوج يصرف عليك مصرووفك خذيه منه بالقوووه كلمي اخوانك يتفاهمون معه بناحية الصرف واذا موراضي يصرف عليك خذي عيالك وروحي بيت اهلك ........وثالث شي موضوع العزايم انه كل مابغى الاخ يعزم يعزم بمزاجه ويحطك قدام الامر الواقع!!!!! اذا قالك سوي عشا قوليله لاء اطبخ لهم انت ولاجيب لهم عشا من برا اذا بتعزم كثيرر عشهم من حساابك ولا اطبخ لهم بنفسك مراح اطبخ لهم كل مره يكفي انك مقصر علي وفوق هذا تعزم بمزاجك وتبيني اطبخ؟!!! وبالنسبه للريحه انصحك لاتخلينه يقرب منك وفيه ريحه لاتسمحين له واشرطي عليه قوليله تنظف وتسبح وبعدها اخليك تجيني كوووني قويه ياصاحبة المشكله ولاتسكتين عن حقوقك اذا هو ماتغير انتي غيري معاملتك معه وكوني قوويه


__________________________________________________ __________

يعني مادري شاقولج الصراحة
مبين عليج شاطرة حاولتي بكل الطرق ماتركتي لنا مجال نقولج اكشخي ولا ذكريه بالايام الحلوة ولا حتى نقولج اقعدي وتفاهمي وياه
كل شي سويتيه

بس الغلط اللي ماشية عليه انج للحين تبين اخوانج يصرفون عليج ؟؟!!!!
اطلبي منه مصروفج ومصروف عيالج وشخصيتج غيريها
كان يحبج بشخصيتج المطيعة اللي قبل مايبطل حلجه طرتي وسويتي له اللي بخاطره
لكن الحين هالشخصية تملل منها ماعاد يبلعها
يبي شي يديد
عشان جذي يقولج عن الزواج الثاني
حبيبتي غيري شخصيتج صيري اقوى عشان عيالج وعشان نفسج
مب عشان يرجع يحبج
قلعته ماعليج منه
لكن انتي لج كرامة , ليش بيت ابوج بيت العز وبيت الكرامة؟؟
وبيتج شنو ناقصه
اذا هو مافيه خير وسوالفه جنه مراهق شباب وواتس اب ولا يقعد ويا عياله
خلج انتي الشاطرة طنشيه بيني له انه مب مهم وانه اخر شي تفكرين فيه
خلي بالج على عيالج ولاتقعدين وياه كل ويكند روحي بيت هلج ولاقرايبج وغيري جو وسوي لج صداقات
واتصلي عليهم يوم يكون عندج في البيت وضحكي وسولفي
بس لاتيأسين كل شي يبيله صبر
قوي شخصيتج واستمري على تطنيشه
وان شاء الله يحس على دمه