عنوان الموضوع : اضحك ودمعتي حايرة وسط عيني -لصحتك
مقدم من طرف منتديات نساء الجزائر

اضحك ودمعتي حايرة وسط عيني



موضوعي متكرر كثير بس فيني غصة وقهر وتعب وابي افضفضلكم ابي اسمع منكم كلمة حلوة تجبر خاطري ودعوة يمكن فيكم من لو اقسم على الله لابره والله اني اكتب لكم ودمعي على خدي صار ليسنتين وانا كل يوم ابكي قهر وحرة اللهم لا اعتراض وامثل على العالم حتى اهلي اني سعيدة والحمدلله مو قاصرني شيء .
اليوم كملت 35 سنة يعني باقي خمس سنوات واصير 40 الحمدلله انا حلوة وبنت حمولة ومحافظة وبشوشة واجتماعية وسمعة العائلة بفضل الله مثل الذهب وموظفة وماعلي قاصر ابد ويمكن انا اكثر وحدة انخطب في بنات العايلة بس اهلي الله يسامحهم كانوا يرفضون بحجة امي صغيرة ولما كبرت بعد24 صارت كل خطوبة تتفركش ادري الزواج مو كل شي والمفروض اعيش حياتي والحمدلله انا سعيدة مع اهلي سفريات وطلعات صديقات ومطاعم ومااشتكي من شي ولاعنطي وقت فراغ احاول قدر مااقدر اشغل نفسي بس والله لو اشغلت كل وقتي هالتفكير مايروح عن بالي لحظة ابي زوج احبه ويحبني ابي اطفال ياناس هذي سنة الحياة الحمدلله مالي علاقات محرمة ولا ابي الجأ لهذا الشي بس كل يوم عن يوم احس بالوحدة والحاجة لرجل بحيايت تعبت من الهواجيس وصرت مثل البيبي ابكي كل يوم وصرت منعزلة وقل خروجي ولا احب حتى اقابل الناس اللي يزورونا ادري غلط بس وقفت نفسي من كل شي تخيلوا انا اللي اكنت اشع حيوية ونشاط والابتاسمة ماتفارقني وهذا سبب جاذبيتي وحب الناس لي صرت ميتة جثة والله العظيم كل من شافني يرتاع يقولون وش فيك وش جاك؟!
تتوقعون بعد هالعمر ممكن اتزوج واحب وانحب واجيب عيال ؟
يه طريقة للزواج لانقولون خطابة هذا شي محضور وممنوع وانا استحي ولا اتجرأ
وصديقاتي مافيهم خير وولا ودي اقول اذا تعرفون دلهم علينا
صار لي اربع سنوات مااحد طق الباب لو بالغلط
خايفة من طريق الحراااام خايفة
تعبت جدا وابي منكم شيء يهديني ويريحني ولاتنسوني من الدعاء تكفون ياخواتي والله يجزاكم خير

>>>>> ردود الأعضـــــــــــــــــــاء على الموضوع <<<<<
==================================


نفسي أعرف وش دخل طريق الحرام في سالفتك
عالعموم إذا تريدين زوج كوني كريمة براتبك وأعطي المحتاج والفقير والقريب والبعيد
والله ربي راح ييسر لك أمرك
الراتب فرصة لك ترضين ربنا ويرضى عليك وييسر لك أمرك


__________________________________________________ __________

الله يجيبلك ابن الحلال. انت والله مبين بنت حلال وما تبين طريق الحرام...انا والله حبيتك رغم اني ما اعرفك...انشاء الله قريبا يجيك نصيبك...


__________________________________________________ __________

الخطابه شي محضور ليه؟!!! عااادي لاتستحين تقولين لامك تكلم خطاابه هذا حقك موعيب ولاحراام ....حرام اللي تسوينه بنفسك تبكين وتنعزلين عن الناس وماتطلعين !!! انتي تجيبين الضيقه لنفسك يعني لو سويتي هالشي تتوقعين ان احد بيحس فيك؟!!!! اذا انعزلتي عن الناس كيف بتنخطبين؟!!! لازم تشوفين الناس وتقابلينهم بابتسامه مثل ماكنتي تقولين كنتي بشوشه ومبتسمه ومحبوبه ...وش تستفيدين من الانعزال والابتعاد عن الناس؟!!! بالعكس مراح تستفيدين شي محد بيحس فيك ولا احد يدري عنك او يهتم فيك!!! يعني تضايقين نفسك ع الفاضي مجرد لانك مانخطبتي!!! والارزاق بيد الله مو بس انتي مانخطبتي فيه غيرك اكبر منك ومانخطبو وعايشين حياتهم وصاابرين ....تقولين انك خايفه من الحرام ...لازم تكونين قويه ومؤمنه كل شي قسمه ونصيب الضعف اللي انتي فيه مايفيدك وارجعي مثل ما انتي اللي يعرفونها الناس البنت البشوشه المبتسمه اللي كلها حيويه وتفاؤل تواصلي مع الناس واحضري مناسبات وعزايم ....لاتستحين ولاتترددين انك تفاتحين امك برغبتك بالزواج انتي موصغيره انتي امراءه ناضجه وواعيه وهالتاخر ان شاء الله ربي يرزقك باحسن الرجاال ...


__________________________________________________ __________

ربنا أعطيك ابن الحلال ال يحبك واستتك وتخلفى صبيان وبنات
أكترى من الصلاه علي الحبيب والاستغفار


__________________________________________________ __________

عليك بثلاث نصائح
1/ الصدقه ثم الصدقه ثم الصدقه
2/الاستغفار ليل نهار مع الدعاء والاذكار دون اهمال
3/ قيام اليل والدعاء فالسجود

باذن الله قريب تتزوجين ان الله اراد