عنوان الموضوع : مشكلتي مع اختي "عدوتي" ساعدوني ارجوكم مجابة
مقدم من طرف منتديات نساء الجزائر

مشكلتي مع اختي "عدوتي" ساعدوني ارجوكم



مشكلتي مع اختي
اولاً السلام عليكم ورحمة الله وبركاته
انا فتاة ابلغ من اللعمر 16 واختي تضايقني وكأنها مو اختي كأنها عدوه ومو بس لي لكل البيت
ما تخليني اقرب من امي او اجتمع معها.. يعني كل شوي اتهاوش مع امي وهي السبب تحرضها علي
وعلى خواني وخواتي وتجيب كلام ثاني عننا طبعاً انا مره دخلت الغرفه سمعتها تتكلم عني وتقول لامب ليه تصالحينها
وليه تكلمينها.. والمشكله الكبرى امي قال " لا وعع مستحيل اصالحها " وهنا خلاص دموووع بعيوني ورحت لغرفتي
ابكيييي طول الوقت احاول استوعب ليه تسوي فيني كذا يوم دخلت اختي الصغيره وشافتني ابكي راحت تهون علي
طبعا اختي هذي متضايقه من اختي نفس الشي.. صرت كل ما اصلي ادعي عليها دعوات قويه كأني ادعي على يهودي
حسبي الله عليها الله ياخذها.. ويوم امي راحت الدوام بدت بالمشاكل والتهديدات.. وتمد يدها على خواتي
ويوم انا تضاربت معها قعدنا نسب ببعض وانا عصصبت مره وهي قامت ومدت يدها وهي استغفرالله ياربي كأنها اثيوبيه
ماقدرت امسك الا شعرها وبدينا نتضارب وهي تضربني مع مناطق الله ياخذها الوصخه.. ووخرو بينا انا وياها
انا خلاص انقهرت ابي اخذ حقي منها.. حقوده مره وما تحب الخير الا لها تبعد امي عننا ولا تخلينا نكلمها ابداً
تخلي امي تكرهنا مدري ليش وش قالت لامي ما ادري.. المهم رجعت امي للبيت وعلى طول هي راحت لامي وتسوي نفسها
طيبه ومسكينه.. راحت معها وقالت لها كلام عكس الي صار وطلعت نفسها مكاني.. جت امي وقالت ليش تسوين لاختك كذا
وبديت اصارخ.. وقلت على طول صدقتيها مافكرتي تسألين المهم اخوي قام وقال ليش كذا يمه وهي تقول حرضتيهم علي
وبديت ابكيي واصارخ وهي عرفت انها غلطانه.. ويوم من الايام بعد هالسوالف جت لي امي بدون سبب وتسب فيني
والله العظيم بدون سبب تقول شكلك سخيف مع الجهاز يالكسلانه ومدري ايش عشان نسبتي مو قمه انا عصبت
طنشتها.. وبعدين ضربتني انا استغربت وش سويت!!! رحت ابكي ودخلت الحمام اتوضى عشان اصلي
لقيت صابون تنظيف الارض وذا.. قسم بالله اني فتحته بأكله خلاص انقهرت منها مره كرهت حياتي
مالي اي قيمه بالبيت.. ابي ارجع كرامتي الي انداست من اختي الي كنها عدوتي
تعبت والله.. بعدين قمت صليت قيام الليل وابكي وادعي عليها دعاء كبير..
قلت يارب تجي السنه الجايه بسرعه عشان تروح الجامعه وما ترجع بسرعه واصلح علاقتي مع امي
وادعي عليها يصير فيها حادث وادعي عليها تموت وهي نايمه دعواتي قويه مرررررره ومن حقي
لانها فرقت بيننا كلنا كل البيت زهقو من بعض وما صرنا نجتمع مع امي.. وابوي طول الوقت طالع للشغل
زهقنا خلاص والله ابي افتك منها بتقولون تجاهليها صارحيها انا لي 3 سنين قسم بالله ما اكلمها ولا احبها
وهي ما تكلم احد بالبيت ورب الكون احسها مريضه وتدخل بصلاتي وتقول انا ما اصلي ورب الكون اني اصل صلاواتي
كامله وبعدين صلاتي بيني وبين ربي ليه تدخل وهي دايم تفوت صلوات واطنش ولا اتدخل فيها..
تكفون ساعدوني بشي منطقي حتى اختباراتي نزلت مره وما صرت اذاكر شي مالي خلق شي صرت بس انوم واكل
تكفون شوفو لي حل انا الحمدلله متقربه من ربي.. بس ابي حل ورب الكون دموعي بعيوني كل يوم وانا بالسرير قبل النوم
تعبت والله تعبت اشوف البنات خواتهم الروح بالروح واختي عدوتي!! ياربي خلاص تعبت والله ساعدوني مالي الا الله ثم انتو

>>>>> ردود الأعضـــــــــــــــــــاء على الموضوع <<<<<
==================================


لازم في كل بيت تحصلي شخص عكس الكل
الله يصلح اختك و يهديها و يصلح بالها
وانتي ادعي لها بالهدايةة مهما سوته تكون اختك
..
حاول تتكلمين مع امك لوحدكك باي وقت
او اذا راحت اختك عند صديقاتها او مول
اتكلمي مع امكك وفهميها موقفكك وموقف اخوانك
..
او امسكي ع اختك زلةة وهدديها ان ما لمت نفسك تفضحيها عند امكك
..
و الله يهدي الجميع


__________________________________________________ __________

لازم ابوج يكلم اختج يأدبها

حتى لو كان مشغول بالدوام اكيد يكون بالويكند موجود

كلميه يكلمها ويكلم امج
ان هذا ظلم الي يصير

وحاولي تكلمين امج تتفاهمين معاها ان هذا ظلم وحرام وكلكم عيالها وتحبونها

وخلي وحده من خالاتج تكلمها وتتفاهم بعد مع امج
والله يفرج همكم ويهدي اختج


__________________________________________________ __________

عليك بكثرة الاستغفار وبدل لا تدعين عليها ادعيلها بالهدايه


__________________________________________________ __________

عليش بشراء الخيزرانه وهدديها لو ازعجتش مره ثانيه بانك راح تجلديها بالخيزرانه

وما عليش الا ضربها حتى تنسى نفسها


__________________________________________________ __________

واضح ان اختك يبغى لها تأديب

امك عطتها وجه وخلتها تتمادى

لازم ابوك يأدبها عالاقل

ولا ماراح تتادب اذا تركتوها

وامك تحتاج نصيحه لازم احد كبير يفهمها انها راح تتعاقب عالظلم