السلام عليكم ورحمة الله وبركاته
انا بنت طموحة جداً عمري 24 سنة
عندي أحلام وابي احققها قبل أموت
ودي اكون شيء بالحياه!
ودي اعيش حياتي , ابي احقق أهدافي وأمنياتي وطموحاتي
مابي اموت وانا ماعشت حياتي (ما اقصد ارتكب محرّمات)
كل احلامي وامنياتي حلال في الاسلام , ماقد فكرت اسوي شيء حرام
ولكنها مرفوضة في "مجتمعنا" أو في عائلتي ذات التفكير القديم بالذات.
المجتمع المتخلف اللي انا عايشه فيه رافض امارس حياتي بشكل سليم
ليه؟ لأني بنت !!!!
والله لو انهم وأدونا زي الجاهلية أفضل من انهم يخلونا نقضي الحياة ننظف البيت إلين نموت فيه !
طفشششششت خلاص مااعاد اتحممل هذي العقليات الجاهلة المتحجرة اللي عايشة معي كل هالسنين
حارميني من كل شيء! طلعات ما اطلع حفلات ما اروح محبوسة في البيت وممنوعة من أشياء عادية
وان بغيت اسوي شيء بالحياة أو أرفّه عن نفسي يرفضون, كل شيء يرفضونه كوني بنت , حتى ثقة مااااافي
واخوي (اصغر مني بعد) يطلع يرجع بعد اسبوع مادروا طلع يزني طلع يشرب, في النهاية محد يقول له كلمة
وبالمناسبة هذا أككككبر تشويه لصورة الإسلام! الإسلام مو كذا ولايمكن يظلم المرأة كذا
أبي اسافر وافتك من هالمجتمع الغبي خلاص
ماقول أبي اسافر عشان أفسخ الحياء وأفك حجابي وزي كذا
لا انا بنت ملتزمة ولله الحمدلله لكن مكبووووووووووتة
مابي أحد يمنعني من أشياء حلال بس عشان "وش بيقولون الناس عنك" !!!
وششش دخلني بالناس خلوا الناس بحالهم!! وش ذنبي انحرم من حياتي عشان الناس! ماهمووووني والله
يعني لدرجة اني حتى لو طلعت مع اخوي , امي تقول لي :
"وش بيقولون الناس؟ بيقولون من ذا اللي طالعه معه! وش يدريهم انه اخوك!!!"
اتمنى تقيسون مدى تفكيرهم وتخلفه بهالمثال ع كل شيء ودي أسويه !!
ابي اسااااااااااافر واعيش في مكان يخلو من هالعقليات !!!!!!
في البدايه كنت اتحلم بس واقول ودي اسافر بس مافكرت جدّياً زي الحين
والمشكلة يوم جاتني بعثة لدولة أجنبية (وهذي وحدة من طموحاتي اني ادرس برا)
اخوي وافق يسافر معي (بعد ما أشفق على حالتي), اللي صار انهم ماخلوني!!!
قلتلهم ليه؟ قالوا "لأنك بنت, ماعندنا بنات يسافرون!"
ياخي معي محررم !!!!!!
وربي وصلت فيني اني فكرت بشيء جنوني
فكرت اتزوج بسرعة (ما كنت أفكر بالزواج أبد ومانيب مستعجلة ع الزواج)
بس مافي الا هالحل اللي بيخليني أسافر, فكرت اتزوج ايييي احد مايهمني من!
مو عشان اسافر معه طبعاً!! (لأن "معظم" رجال هالزمن متخلفين بعد يعني نفس الطقة)
يعني صعب جداً جداً تلقين رجل من رجالنا يقدّر المرأة ويخليها تمارس حياتها بدل ماينكّد عليها ويرفض بدون سبب
ف وش الفايده افتك من اهلي يطلعلي واحد نفسهم !
بس فكرة الزواج كلها هي عشان اجيب ولد ثم أتطلق وبعدين مايحق لأهلي يتدخلون فيني لأني سرت حرمة مستقلة ولي أسرتي الخاصة
(انا اعيش في دولة حكومتها توقف مع الحرمة المطلقة بشرط يكون عندها ولد)
يعني ذيك الساعة اهلي ما يقدرون يقولون كلمة لي ولا يتحكمون فيني!
هذي الطريقة الوحيدة اللي اقدر أعيش فيها براا
بس يوم فكرت فيها, اظن حرام تكون نيّتي في الزواج هالشيء وحتى لو عادي حرام اظلم الرجال معي
والصدق اني ماااابي اتزوج لاني اكره مسؤوليات الزواج والنكد (ع الاقل حالياً)
فكيييييييف اساااااافر خلاص طفششششششششت طقت تسبدي
ولاحد يقول لي مستحيل لأنك بنت! ترى الإسلام مافرق بين الرجل والمرأة لهالدرجة
________
تكفووووووون نزلوا الموضوع والله اني متضااااايقه احس اني هوا جدار بالحياة مالي قيمة ابي احد يسمعني ويكلمني بخصوص هالموضوع
وجزاكم الله خير
لأني بنت.. حطّموا كل طموحاتي (أبي أسافر!) -تم الاجابة
رد مع اقتباس
