عنوان الموضوع : اهلي كرهوني بعيشتي مجابة
مقدم من طرف منتديات نساء الجزائر

اهلي كرهوني بعيشتي



السلام عليكم
جايتكم ودموع القهر بعيوني من الحاله اللي انا فيها ياجماعه والله ماعاد فيني طاقه لاكثر من كذا احس اني بموت منهم ابوي وهذا طبعه ومعاملته من صغري ماتغيرت اهانات وسب وخصوصا انا من بين اخواني كلهم حتى امي تقول من يوم كان عمرك صغير متعلقه بخوالك بشكل وماتحبين البيت وابوك كان دايم يقول "هذي البنت مافيها خير" ويكرهني بسبب حبي لخوالي وتعلقي فيهم اظن اللي هو مستحيل يعتب بيتهم والسبب مجهول واقول لامي ليش يحكم علي كذا وانا صغيره تقول كان حاس قلبه وفعلا احساسه بمحله وكبرتي وماشفنا من وجهك خير !
تخيلو يدور علي الزله عشان يمنعني من الاشياء اللي ابيها مع اني ماني صغيره الحين بتخرج من الثانوي هذاك اليوم كنت ببيت عمي وضاع نقابي هناك وصرت اتغطى بطرحه وثقيله والله مو مبين شي وكل يوم هواش على هالسالفه يهاوش يهاوش وينزلني للمدرسه وانا كاتمه دموعي وايش سوا راح هو اشترالي "برقع" تخيلو فيه احد باقي يلبس برقع ؟ وياليت برقع وبس فوقه غطا ثقيييل وانا بطبيعتي الاوكسجين عندي ضعيف ومن اي شي انكتم قلت والله يخنقني هذا مااقدر البسه قال احسن يخنقك وتموتين بالمره ونرتاح منك
وامس خوالي راجعين من السفر قلت بروحلهم اليوم قال لالالا وقعدت اترجاه عشان يوديني ورفض وطلع واقول لامي قالت تستاهلين يروح يشتريلك نقاب وتقولين مابيه تحملي قلت يمه حرام عليكم مايسمى نقاب هذا واصلا ممافيه بنت بعمري تلبسه انتي نفسك مالبستيه واصلا شوفي شلون ثقيل ويكتمني وهي تقعد تصارخ انتي تجيبين لنفسك المشاكل بعنادك له وانتي تستاهلين وزين اللي يسويه فيك تستاهلين اكثر ومادري ايش قلت طيب انتي روحي اشتري لي نقاب عادي وانا البسه وضحكت ضحكة استفزاز وقالت تبيني اروح للسوق عشان اشتري لك نقاب ياكبر شرهتك بس وترا بتشوفين اكثر اذا عادنتي وكل مكان بتنحرمين منه ياناس والله امي ماكانت كذا بالعكس كان بكل مره يهييني فيها ويجرحني بحكيه اللي مايتحمله ولا يرضاه احد على نفسه هي تصبرني وتواسيني وتحملي ابوك كذا طبعه ابوك يحبك بس طبعه جاف شوي وهو اصلا بس معي انا هالطبع و من فتره تغيرت بشكل فضيع وقلبت علي وصارت تشوف كل شي مني خطا وتوقف معه بكل شي
وبحكم اني اكبر خواتي ف هذا شي لحاله مصيبه لو اخطت وحده منهم حطو اللوم علي هذاك اليوم اختي اللي بسادس شافو شي الايباد حقها طبعا ماقالو لي وش فيه بس عاقبوها وعاقبوني معها وكل ماشافو جوالي بيدي بدو يشككون فيني ويهددوني ان الدور الجاي علي بينسحب مني زي ماانسحب منها وابوي يقولي سهر الليل على هالجهاز مايطمن بس بيجي يوم واطب عليك فجأه واشوف من هاللي تحاكين قلت الحين خذ وشوف وش فيه واثقه من نفسي الحمدلله وماني مراهقه عشان مااميز الصح من الغلط ويهاوشني ويسفل فيني وانتي قليلة ادب ولسانك طويل وماتربيتي هذا من ككثر ماتروحين لخوالك ومادري ايش وخذا المودم معه كم يوم بس رجعه الحين عشان امي
ولي اخوان كبار بس من ابوي وفيه اصغر مني بعد و عمرهم مادخلو بيتنا الا اذا يبون شي منه بس انا يغصبني اروح لهم وهم يحسبوني اجي برضاي ويرمون كلام علي ويحسسوني اني ثقيله عليهم مع اني احاول اخليهم يحبوني واععاملهم كويس بس مافيه فايده ماحبو امي قبلي عشان يحبوني المشكله ابوي مايصدق شي فيهم وان حكيت يطلعني انا اللي مابيهم وانا اللي بس ابي خوالي وانا اللي مافيني خير وانا اللي وانا اللي ..
مافيه احد ارتاح عنده كثر خوالي احبهم اكثر من اهلي مع ذلك يحرمني منهم دايما ومخليهم عقاب حتى لو ماصحيت بدري عاقبني فيهم
وفيه اشياء كثير بس ماتنفع تنقال للأسف ، بس اللي قاهرني امي دايما تفرق بالمعامله بيني وبين خواتي وتتعمد تفشلني ودايما تعايرني والسوق اقولها بروح اشتري للصيف ماعندي شي تقول مو لازم تطلعين انثبري بالبيت
واذا قلت ليش صرتي زي ابوي ليش تغيرتي علي قالت لاني اكتشفت ان كل كلامه صح والله كأنه ساحرها اول يقولها انتي مدلعتها معاملتها كانها اخت لك مو بنتك مادري وش قاهره هو
بس الحين تحقق اللي يبيه صارت مو بس تعامملني معاملة ام لبنتها صارت تعاملني وكاني خادمه
وقبل فتره خطبني اخو مرت ابوي وكان ابوي كل ماجا يفتح هالسالفه وكان يقنع امي انهم يزوجوني اياه وانا اللي دايما استغرب من اللي يتزوجون صغار يبوني اتزوج الحين ! والله لو ايش مافكرت اني اتزوج قبل اخلص جامعه
الحمدلله ان امي ماوقفت معه بهالسالفه ورفضت بس مو عشاني عشانه اخر مرت ابوي بس يمكن لو غيره اقنعها ووافقت .


كلامب كثير وملخبط بس والله اني اكتب لكم ودمعتي بعيني تعبت من هالحاله وش تنصحوني اسوي

>>>>> ردود الأعضـــــــــــــــــــاء على الموضوع <<<<<
==================================


صراحه في شي غامض بقصتك...وش سبب كره والدك لخوالك؟!!! وثاني شيء وش الكلام اللي قاله والدك لامك وقالت لك طلع كلامه صحيح؟!!! اذا تعرفين وش قال لها بالضبط ياليت تقولينه علشان نعررف ونحكم اكثررر.......ومعاملة والدك لك بهالطريقه لانك فقط تحبين خوالك وتتواصلين معاهم غيرر مبرر ابدا ...واتوقع والله اعلم انه شااك بعلاقتك فيهم مع انهم خوالك وممكن تفكيره راح لبعيد والله اعلم ..ووالدك الله يهديه ادعي له بالهدايه هو والدك بالنهايه ولازم تسمعين كلاامه اذا احتاجك بشي وردي عليه بادب ....وانصحك تكونين هاديه وصامته معه لاتكلمينه ولاتناقشينه بشي لانه للاسف يعصب عليك ومايتقبل منك كلمه ...وممكن اذا احتجتي شي او تفكرين تشترين نقاب ممكن مثلا توصين وحده متفهمه وطيبه معك خالتك او عمتك او صديقه لك مقربه تشتريه لك ... انصحك ان تركزين بدروسك وحاولي تبعدين نفسك عن مشاكله وعصبيته لاتخلين هالشي ياثر عليك وعلى دراستك صح هو على خطا وظلمك كثير لكن يظل والدك وامك نفس الشي حتى لو غلطت عليك تظل امك وواجب عليك طاعتهم...وتحملك لمشاكلهم وظلمهم لك لك اجرر عظيم جدا لان هذا الظلم وللاسف من والديك وطااعة الوالدين جزاء ذلك الجنه فكيف بصبرك وتحملك لظلم والديك؟!!! عامليهم بحب واحترام وانتبهي ان لاتردين عليهم بطريقه غير مؤدبه الافضل ان تلتزمي الصمت حتى لو هم غلطو عليك تحملي واصبري ونشالله يجي يوم ويعرفون فيه انك مظلومه نشالله الايااام تثبت لهم ذلك وفقك الله


__________________________________________________ __________

الله يكون بعونج

ويهدي ابوكي


__________________________________________________ __________

الله يعينك ويفرج همك

اتمنى احد يفيدك


__________________________________________________ __________

السلام عليكم ورحمة الله
كيفك عزيزتي
اولا احب ان اقول لكي عليكي بسورة البقرة ثانيا ساقول لك سر بسيط انتى وجميع اخواتى العزيزات ولااريد منكم سوا الدعاء فانا في حال لايعلم به الا الله الا وهو الاستغفار ليس اى استغفار ولكن ذلك المصحوب بنية ان الله يغفر لك ويهديكي ويصلحك شانك كله ويجعلك امك وابيك يحبونك وسوف ترى العجب استغفري في اليوم اقل شي 100 مره وصلي على رسول الله قد ماتقدري الله يحنن قلب والديكي عليك وتنالى برهم اللهم امين..
وانتظر ردك دمتى بخير [/quote]


__________________________________________________ __________

السلام عليكم حبيبتي في اوقات الاهل بيكونوا شايفين شي نحنا مو شايفينو هلق ما رح قلك ابوكي معو حق بس انا برأي لا تضلي تنقي ع الروحة لعند خوالك يعني انت خففي من الروحة لعندهم والله يهديلك ياه