هموم الدنيا -تم الاجابة

[aksachli]

عنوان الموضوع : هموم الدنيا -تم الاجابة
مقدم من طرف منتديات نساء الجزائر

هموم الدنيا



السلام عليكم ورحمة الله وبركاته

انا مهموومه هموم الدنيا كلها فوق راسي ومظلومه ظلم قوي وضايق صدري من الدنيا بكبرها
مااقدر اقول لكم وش القصه لانها مو قصه ولا سالفه انا كل مادخلت مشكله وطلعت منها ادخل في ثانيه وعلى هالحال
ماارتحت من الدنيا ولا اللي فيها كرهت اهلي كلهم والله مااحب احد فيهم
احاول اسامحهم واحبب نفسي فيهم بس مو قادره الجرح اللي يجرحوني اياه دايم والظلم اللي يظلموني اياه دايما وربي مااسامحهم على اي حاجه سووها سببت في اذيتي ولا كدرت خاطري ولا بكتني
انا بقلبي فيه اشياء كثييييير ودي اطلعها وافضفض بس مااعندي الا خونه وناكرين كل جميل سويته ومهما سويت مايبين بعينهم شي تعبت انا تعبت
والله العظيم اقسم بالله اللي خلق هالكون كله انهم يغلطون علي بس انا ماارد اطنش لو تتكلم علي من اليوم لبكره سب وهواش وصراخ ماارد بأي كلمه وربي ولا كلمه اقعد ساكنه لين تطفش وتمشي عني
واذا بكيت محد درا عني واذا تكلمت ولايهم احد ومطنشيني ماكأني وحده منهم
اكيد مانتم مصدقين ان فيه ناس تسوي كذا الا اذا انا مسويه شي كبير ولا نزلت راسهم في الارض ولا شي كذا بس مافي سبب كذا هم ماسويت شي احيانا اجي عند وحده اكلمها لحالها اقول لها ليش تكرهيني ؟ انا وش سويت شي يزعلك ؟ علميني اذا فيني شي مو كويس عشان اغيره ليش تسوين معي كذا
والرد كالعاده تقول وخري وتمشي واذا فضفضت لامي تروح تقول لابوي وابوي مايسكت واندم اشد الندم على الدقيقه اللي فكرت فيها اني اروح واسولف مع امي
حتى امي مثلهم ومره جتني تقول انتي حساسه ! كل الناس عندهم مشاكل !
انا عارفه ان فيه ناس عندها مشاكل وفيه ناس مشاكلهم اكثر من مشاكلي بس انا خلاص ماعاد اتحمل وتقول حساسه ! انا مو حساسه !
تكذبون علي وتطلعون عني كلام من وراي وتظلموني ولما ازعل تقولون حساسه !
ياناس ووالله ان كرامتي انهانت كثييير وانا صابره وساكته
والمصيبه اني اصغر العايله واكثر وحده مكتئبه وكارهه الدنيا
اكثر من اكبر واحد في العايله
ليش انا وش سويت ؟ انا والله طيبه واحب الخير للناس واخلاقي مره كويسه والحمدلله كل اللي اتعرف عليهم برا يحبوني ويرتاحون لي والله العظيم مو مدح بس هذي الحقيقه
مااحد يقدرني ولا احد يحسسني بقيمتي في البيت
دايم لما يطلعون وماطلعت معهم ويكون البيت فاضي مافيه الا انا استاااانس مره احس اني مرتاحه واتنفس شوي
ولما يرجعون ينكدون علي من جديد واذا طلعت ودي بقوه ماارجع البيت واحاول اتأخر قد مااقدر لاني داريه وش راح يصير اذا رجعت
حسبي الله ونعم الوكيل
انا متأكده لو وحده غيري فكرت تنتحر بس انا عارفه العاقبه وماراح استفيد لاني متعذبه في حياتي ومابي اتعذب في الاخره بعد
تكفون يابنات لاتجي وحده وتقول الله يعينك ولا زي كذا والله اتحطم تكفون ريحوني قولوا اي شي يسعدني فرحوني شوي
انا متأمله فيكم ان بتردون علي لو سمحتوا
ادعوولي والله مابتسعدوني كثر ماتدعون لي ادعولي من قلبكم والله مابي شي غيره
طالبتكم تكفون مو لازم تردون عادي لو تدعين لي من قلب وتطلعين والله مانساها لك اتمنى ربي يرزقك اضعاف اضعاف اضعاف دعوتك يارب ياكريم
استغفرالله واتوب اليه

>>>>> ردود الأعضـــــــــــــــــــاء على الموضوع <<<<<
==================================

صاارحيهم حبيبتي لاتكتمين اللي بقلبك ... وللاسف للاسف ان المشكله باهلك اللي هم اهلك مو ناس غريبين ولاصديقات ... لاتسكتين وصاارحيهم عن شعورك ماتدرين يمكن فيه سوء فهم ولاشي او ممكن حقد وغيره والله اعلم ..يعني معقوله كل اهلك كذا؟!! اذا ماتفهموك الجئي لربك..وكلي امرك لربك ..ربك ياخذ حقك على كل من ظلمك وقال عنك كلام موفيك وقولي حسبي الله ونعم الوكيل..وهم بالنهايه اهلك ويبقون اهلك ومالك احد بالدنيا الا اهلك ...وواجبك انك تحترمينهم وتعاملينهم معامله طيبه ....وادعي لهم بالهدايه وحاولي تتقربين منهم ...اثبتي لهم العكس ...لاتخلينهم ياخذون فكره عنك انك زعوله وحساسه بالعكس اذا سمعتي كلام غلط عنك لاتهتمين ..لاتبينين لهم انك زعلانه وحزينه ...لان هالشي موجديد وياما سمعتي منهم كلام لكن هالمره التزمي الصمت وطنشي وخلك مبسوطه وتعاملي معهم عاادي لانك اذا كل مره تشيلين بقلبك بتتعبين فعودي نفسك على التطنيش ترتاحين ....وفقك الله

__________________________________________________ __________

المشاركة الأصلية كتبت بواسطة من الشرقيه صاارحيهم حبيبتي لاتكتمين اللي بقلبك ... وللاسف للاسف ان المشكله باهلك اللي هم اهلك مو ناس غريبين ولاصديقات ... لاتسكتين وصاارحيهم عن شعورك ماتدرين يمكن فيه سوء فهم ولاشي او ممكن حقد وغيره والله اعلم ..يعني معقوله كل اهلك كذا؟!! اذا ماتفهموك الجئي لربك..وكلي امرك لربك ..ربك ياخذ حقك على كل من ظلمك وقال عنك كلام موفيك وقولي حسبي الله ونعم الوكيل..وهم بالنهايه اهلك ويبقون اهلك ومالك احد بالدنيا الا اهلك ...وواجبك انك تحترمينهم وتعاملينهم معامله طيبه ....وادعي لهم بالهدايه وحاولي تتقربين منهم ...اثبتي لهم العكس ...لاتخلينهم ياخذون فكره عنك انك زعوله وحساسه بالعكس اذا سمعتي كلام غلط عنك لاتهتمين ..لاتبينين لهم انك زعلانه وحزينه ...لان هالشي موجديد وياما سمعتي منهم كلام لكن هالمره التزمي الصمت وطنشي وخلك مبسوطه وتعاملي معهم عاادي لانك اذا كل مره تشيلين بقلبك بتتعبين فعودي نفسك على التطنيش ترتاحين ....وفقك الله

صح كلامها ولا تنسين الاستغفار \

والله يفرج كربك

__________________________________________________ __________

الله يفرج همك
الانتحار مو حل اختي اصبري وأشتري الاخره ولاتنسي الاستغفار والله يوفقك

__________________________________________________ __________

هذا كله من الوحده اللي فيك

__________________________________________________ __________

في النهاية أنت محتاجة زوج
معروف مشاكل البنات الي مثلك سببها تأخر الزواج