عنوان الموضوع : راح اتخبل راح انجن -لصحتك
مقدم من طرف منتديات نساء الجزائر

راح اتخبل راح انجن



السلام عليكم انا متزوجه من سنتين مشكلتي موقادره اتحمل الاهانه انا في بيت اهلي عمري لا انهنت ولا ضربت لكن بعد الزواج زوجي اراني انواع الاهانات على اتفه الاسباب ادخلت اهلي حاولت بكل الطرق لكن بلا جدوه هم تربيتهم كذا امه واهله واخوانه الغلط والسب والشتم وضرب اخواته اسهل ماعندهم ماابقالي حل اما الطلاق او الصبر والتحمل ولاني عندي طفل ممكن ياخذه فالطلاق مستحيل لكن المشكله موقادره تجيني انهيارات لما اسمعه يسب بهدووء وانا ااتيه بأدب واكلمه بادب واحترام مثلا اعتذر عن شيء اقوله اعذرني اليوم موقادره اسوي كذا رايحه انام يرد اه طبعآ روحي نامي ياثوله ويضحك باستهزاء ثم يكمل الي كان يعمله ماكانه قال شيء وانا النار تصعد في راسي اجلس ليالي منهاره وراسي يورم من الكلمه انسي نفسي ومو قادره انسه احيانا اقول اني محتاجه لطبيب نفسي ينقذني من الي انا فيه موقادره اتحمل الاهانه لاني مو متعوده عليها ولا عامله شيء يستحق الاهانه ولا تجاوزت او هنت احد ارجوكم ادعولي واذا عندكم حل اعطوني جربت كل الطرق اني ازعل يغضب ولايعترف انه عامل شيء ويشبعني اهانه وضرب ابين اني انزعجت من سبه يعيده ويزيد عليه لهذا اخترت اني ابلع الالم والحسره في قلبي لكن مو قادره اتحمل

>>>>> ردود الأعضـــــــــــــــــــاء على الموضوع <<<<<
==================================


في امامك حلين اما انك تتطلقين مع انك قلتي هالشي صعب وعندك طفل ممكن ياخذه منك ...والحل الثاني انك تصبرين وتطنشين ... وبصراحه لو انا مكانك اكيد بطلب الطلاق وما ارضى بلاهانه ...وانتي ادرى فيه ولازم تفكرين مليون مررة قبل لتقررين ونفس الوقت فكري اذا هو مايقصر عليك من نواحي ثانيه بالصرف مثلا وكيف يعامل ولدك .... ودامك قلتي صعب تتطلقين وخايفه على ولدك مالك الا تصبرين وتطنشين ..اذا قالك كلام قااسي بحقك ويستهزء ويضحك انصحك تسكتين خليك معه صاامته ...لاتعطينه وجه طنشيه اذا مايحترمك لاتحترمينه اعتبريه مزهريه وصفر بحياتك...عيشي لولدك ولنفسك وبس وماتكلمين زوجك الا اذا احتجتي شيء ...وكلي امرك لربك وتحملي ... وبالنهايه انتي ادرى فيه ...واسئلي نفسك اذا انتي قادرة تتحملين هالوضع معه طول العمر او لا؟!! او انك تضحين وتصبرين ....وادعي لزوجك بالهدايه ونشاالله بيوم من الايام يحس فيك ومايعاملك بهالقساوة ...الله يفرج همك


__________________________________________________ __________

ما عندك غير صبر

الله يعينك


__________________________________________________ __________

انا شايفه ان الخلاف بينكم بسبب التربيه انتي بيئتك اللي تربيتي فيها واضح انها تماما غير بيئته
وانتي تعودتي على الادب والذوق والاحترام
وهو اللي يقوله من الفاظ وبعينك تشوفينه مشكله واهانه
هو يشوفه شي عاادي ومايشوف غلطه لانه متعود على هالاسلوب
اتوقع انه بقرارت نفسه يشووف كل كلامه واسلوبه معك رد فعل طبيعي ومتعود عليه مايشوفه يزعل ويمكن يحسك حساسه لما تاخذي موقف وتشيلين بخاطرك
الحل انك تتعاملين معه باسلوبه عشان تقدرين تعيشين معه
مثال قال ثوله
قولي لا والله اذ انا ثوله اجل انت ايش ؟؟
اقلبيها عليه
عشان ييلع كلمته بعدين ويتجنبك
ولاعاد تبينين انك متضايقه من اسلوبه دام شفتي رده فعل منه عكسيه وحسيتيه زاد
دقي بجوالك وابتسمي او ناظري فيه وحاولي تحسسينه انك سارحه ومو معه
او طنشي وناظري بالتلفزيون
يعني بالعربي خليك من طنيته بس بذكاء يعني رديها عليه
الله يسخره لك
اتمنى اكون افدتك
تحياتي


__________________________________________________ __________

مانصحج بالطلاق اذا كان راح يأخذ الطفل

عليج بالصبر والدعاء من الله عزوجل


__________________________________________________ __________

حسبي الله ونعم الوكيل .. حبيبتي اسألي عن موضوع الطفل لأني كأني سمعت انو نزلو قرار بإنو الحضانه معا الأم تسير .. اتمنى يكون صحيح الله يفرج همك يارب