عنوان الموضوع : الله يسعد من تدخل وتساعدني انا بين نارين الطبيب يجيب
مقدم من طرف منتديات نساء الجزائر

الله يسعد من تدخل وتساعدني انا بين نارين



السلام عليكم ورحمة الله
بنات تكفون ساعدوني انا في حيره من امري مادري اش التصرف الصحيح واسويه
بقولكم قصتي من البدايه
انا متزوجه وانا صغيره جداً وفي فرق بالسن بيني وبين زوجي سبع سنوات انا تزوجته وهو متوظف وكان ماشي تمام معاي صح في مشاكل وهيك بس عادي مافي حياه تخلو من المشاكل ابداً ..
المهم بعد سنه من زواجي ترك عمله وقتها انا خلفت ولد المهم تغير 180 درجه صار بس نايم ويصحى ويسهر ومايرجع الا بس لنوم ومايسآل عني وعن ولده اوقات والله العظيم يابنات انه يجلس باليومين والثلاثه برا مااشوفه ويرجع يكون فيه شكل ماني عارفه كيف اوصفه والله العظيم اذا تذكرت اللي كان اجلس ابكي انا كيف مشيت هذا كله وليش سكت من البدايه بس يمكن يكون هذا لاني صغيره في السن ومااعرف ادافع عن نفسي ولااتكلم وانكر الوضع
المهم انه ضلينا ع هالوضع بس نوم وسهر وآلفاظه بذيئه جداً جداً جداً بعدها بفتره مو فاكره كم بالضبط اتسجن في قضية مخدرات وضل بالسجن سنه ونص وطلع عفو برمضان ورجع مثل ماكان بالعكس ازداد وضعه سوء
مايشتغل مايصرف مايسآل ومايهتم ولايودينا مستشفيات ولا شي ولاسوق ولاغيره وحارمني من اهلي الا مرتين بالسنه بس بالصيفيه وبعد العيد بتقولو كيف عايشين عايشين مع اهله بغرفه بس والاكل والشرب والجلسه وكل شي مع بعض وانا اهلي يعطوني مصروف لانهم عارفين الوضع
المهم صار يضرب ويمد ايده والله يابنات حتى بالاشياء الي ممكن تسبب وفاة صار يضربني بيها والله العظيم مريت بفتره صرت اخاف منه وانا نايمه يقتلني او يسوي فيني شي والله العظيم ماابالغ حتى لما يقرب مني اخاف منه فقدت الامان معاه مافي زوجه تحس بهالاحساس مع زوجها
خلفت منه بنت ثاني بتقولو ليش؟!!!
غصب عني وماخليت شي ماسويته وانا حامل ابي انزل الحمل مانفع الحمدلله ع كل حال والله يحفظ لي عيالي هم كل شي بدنيتي
تحملت معاملته يضربني قدام اهله ويغلط علي ويسبني ويسب اهلي وصلت فيه مره انه يطرد امي واختي من البيت
ويتدخل بكل شي بتربيتي لعيالي هوا واهله مايبوني اضربهم ولايبوني اخاصمهم وخليهم ع راحتهم واذا غلطو قالو انتي تربيتك غلط
كل ماضربني واهاني اقول بروح لااهلي صح اني ماني شادة الظهر فيهم لان ابوي تعبان ومايدري عن شي واخواني صغار بس راح ينحرق ويتغير وامي اااه ياامي هي الي جابرتني ع هالوضع اجلسي واصبري والناس والعالم وعيالك وانا عندي ضغط وتحملي ومن هالكلام وتجلس تبكي ومااروح اضل ساكته صار يستقوي لانه عارف اني مارح اروح بس كلام
ابوه صار يقول انتي احمدي ربك ع الحياه اللي انتي فيها وغيرك صابر ع الظلم وع عيشه تقرف انتي اش ناقصك تاكلين وتشربين ومرتاحه مادري من الي مفهمهم ان الحياه اكل وشرب ونوم وبس ع كذا حتى الكلب بالشارع ياكل ويشرب انا انسانه ابيه يهتم فيني وفي عياله يداريني ويداري عياله يحسسني اني انثى وزوجه حالي حال غيري والله العظيم يابنات اجلس ابكي لما اشوف غيري من الزوجات مرتاحه ومبسوطه مع زوجها مو احسدها بس انقهر ليه انا كذا وش ذنبي ليه حظي كذا انا الحمدلله محترمه ومؤدبه وجميله ومااتعيب بشي مو مدح بنفسي بس والله العظيم هذي الحقيقه المهم نرجع لاابوه صار اذا حصل بيننا مشكله يقول لو ولدي رجال تزوج عليها ورباها بحرمه ثانيه اي ولد هو بالاساس داري عني وعن عياله عشان يتزوج المهم صبرت ومشيت الين قبل سنه ونص زوجي انسجن للمره الثانيه كنت حامل وقتها
ولدت وزوجي بالسجن اتصل علي اخوي قالي تبين اخذك قلت لا بضل عشان ولدي مارح يخلوني اخذه لو رحت لبيت اهلي بس انا راح اصبر واربي عيالي اللين يطلع واذا طلع راح اقوله ع شروطي اذا وافق اضل معاه واذا لا كل واحد يروح بحال سبيله
زوجي يمكن بعد فتره ينفك اسره وشروطي انه يتوظف ويستآجر لي بيت ونطلع من عند اهله لاني مو قادره اتحمل اكثر ابيه يتوظف ويحس بالمسؤوليه ويصرف علينا وبنفس الوقت انا ماني قادره اتحمل تدخلات حد بحياتي الزوجيه اياً كان
انا عارفه انه راح يرفض بس انا قلت لو رفض هالمره بروح لبيت اهلي اختي لما عرفت لامتني قالت ليش ومن هالكلام ليش ماصبرتي وتحملتي قلت لها اكثر من كذا مستحيل خلاص اعطيته فرصه اكثر من الازم صار لنا عشر سنوات متزوجين ماتغير شي وانا صابره ومتحمله وثاني مره ينسجن وللمعلوميه هوا مره ضربني وطلقني طلقتين وبالقوه اخوه سكته في الثالثه يعني انا اصلاً باقي لي طلقه وحده
صح انا خايفه من ردة فعله ومن المشاكل اللي راح تصير
بس بعد اللي شفته وسمعته منه ومن اهله مستحيل اسكت لانهم مايحبون الغلط ع بناتهم وانا لا عادي كل شي وحلال يشوفونه
قالت لي اختي من وين يستآجر ويآثث قلت عادي يتوظف ويستآجر ويآثث من محلات التقسيط اصلاً انا راضيه بآي اثاث ماعندي مشكله المهم ينفذ شروطي اختي وامي لايميني وضدي بس انا هالمره راسي والف سيف الا اطلب هالشروط ومستحيل اتنازل تكفون يابنات ساعدوني وانصحوني من جد انا ماني عارفه كيف اتصرف حياتي صارت ماتنطاق اهله من جهه وهوا من جهه وعياله وهمهم من جهه مادري اش اسوي واللي حارق قلبي اكثر ان الظلم علي انا عادي مايشوفونه ظلم يشوفون كل شي عادي بس بمجرد مايتعلق الامر بوحده من بناتهم حتى لو زعل بسيط تقوم الدنيا وماتقعد وازعاج وهوشات وقلة ادب واحترام عيالي مزعجين وطبع العيال كذا بس محد يتحملهم مع اني والله العظيم حمواتي صغار وكبار طويلات اللسن ومتحملتهم وصابره والله العظيم الصغيره منهم تطول لسانها بكلام بذيئ وماتكلم ومااقول شي عشان محد يفهمني غلط ولاتقولون لي انتي صغيرة سن وماتتحملين ومو عارفة عواقب الطلاق لا انا عمري اللحين 25 سنه وفاهمه وعارفه كل شي بس مو قادره اتحمل ساعدوني ودلوني صح كلامي وشروطي واللي بسويه والا غلط اسكت واصبر احسن وامانه امانه اللي يمر ع موضوعي يدعي لي ان الله يسخر لي عقل وقلب زوجي ويرده لي رداً جميلا
عارفه كلامي ملخبط ومو مرتب بس والله العظيم ماني عارفه كيف اوصف الوضع اللي انا فيه ولا الحياه والضروف اللي مريت فيها وربي يابنات تعبت نفسيتي بشكل مو طبيعي وبان التعب حتى جسدياً وكل من شافني يسآل ليش انتي كذا هذا كله من الزواج ؟!!!!
واتحجج بااي شي واي مرض مابي حد يعرف بالوضع اللي انا فيه لان اعدائي واللي يتمنون لي الشر كثير ومابي افرحهم علي ولاابي اسراري تطلع لحد بس خلاص تعبت وماني قادره اتحمل اكثر ساعدوني وانصحوني كيف اتصرف واش اقول

>>>>> ردود الأعضـــــــــــــــــــاء على الموضوع <<<<<
==================================


تفكيرك صحيح روحي لبيت اهلك وخيريه بين الطلاق او تنفيذ شروطك وتمسكي بكلمتك وماترجعين له الا بسكن مستقل ويتوظف ....والله يفرج همك


__________________________________________________ __________

أنا مابقهرني الى الأهل الرجعيين المتخلفيين الي بيجبرو بنتهم على العيش في ظروف لايتحمل حتى حيوان على العيش فيها
عزيزتي احفظي ماتبقى من ماء وجهك خذي قراراتك انت وحدك بدون تاثير من أي شخص مهما كان
ضعي شروط وخيريه بين تطبيقها وبين الطلاق
الطلاق في حالتك أهون ألف مرة


__________________________________________________ __________

والله ياقلبي
مقدر أقولك غير الصبر جميل
والله يسهلكم ويريح قلبكم ويهدي زوجك

وانتبهي ياقلبي انه باقي طلقه وحده
والله يسعدكم واتمنى لكم راحة البال


__________________________________________________ __________

انا اقوول انتي صح وشروطك معقووله جدا مو تعجيزيه يبيك ينفذ الشروط واهلا وسهلا ماراح ينفذ شروطك مع السلامه وحتى لو ماقلتي ولا كلمه العيش مع مدمن مخدرات صعب صعب وخطر عليك وعلى اولاده والوضيفه اساسيه ،، وانتي صغيره حاليا يكفي ماراح من عمرك انا اقوول توكلي على الله ولاتخافين والقلب داعيلك


__________________________________________________ __________

تفكيرك صح وشروطك صح 100%

لا ترجعين له مهما صار خليه يتأدب له شوي

وموفقة ودمتي بود