عنوان الموضوع : زوجي سخيف وغبي مجابة
مقدم من طرف منتديات نساء الجزائر

زوجي سخيف وغبي



بسم الله

بدون مقدمات الله يجزاكن خير اخواتي هذي مشكلتي:

متزوجة منذ 3 سنين وعمري 23 وزوجي 27

بداية زواجي كنت احب اضحك على تعليقاته ومقالبه بس خﻻااااص صار سامج

وكلما قلتله انت سامج يزيد وكلما طنشته يزيد

احس اني قاعده اربي طفلين مو طفل واحد

حتى يوم كنت حامل وبالمستشفى وكنت بسوي العملية اليوم اللي بعده

قعد بمسح على بطني ويقول اخيرا بيروح هالكرش

وصل لدرجة انه يعلق على اهلي ولو ما كنت ازعل واروح بيت اهلي كان مابطل

ماخذ الدنيا ضحك كل تفكيره وش بضحك عليه

انا ما انكر انه يحبني و في اغلب الجوانب اﻻخرى مو مقصر معاي

بس انا ابي رجل ثقيل و محترم ما ابي واحد حتى ربعه يعتبرونه ستاند اب كوميدي عندهم

حاولت اغيره وزعلت حتى لما يراضيني بس يشوف مﻻمح الرضا يعطيني تعليق غبي ويضحك

جت فترة امثل عليه انه عندي اكتئاب و اشوفه يتاثر شوي و يخفف من مزحه بس يوم ثاني يرجع

مرة اخوي زعل عليه يقولي زوجك رسلني لواحد ينقال له واسطة وقاله قل للرجال انا جاي عن طريق فﻻن

و المصيبه انه مايعرفه انحرج اخوي ولما كلمه جوال يقول قعد 5 دقايق يضحك

يرجع يعتذر وبعدها يرجع يستهبل

بالله عليكم هذا رجل عمره27 وطبيعي؟

الحمدلله انه ما يمزح مع ابوي او امي وﻻ كان تطلقت منه

انا الحين افكر اروح بيت اهلي فترة انا مع ولدي لين يبطل هبال

وش تشورون علي

>>>>> ردود الأعضـــــــــــــــــــاء على الموضوع <<<<<
==================================


يضحك ولا انه يكدر عليك عيشتك وانا ماشوف شي خطير بمشكلتك زوجك هذا طبعه مزوحي ....لكن انتي تفاهمي معه وقولي له في مواقف بالحياة لازم ياخذها بجديه الضحك شي حلوو وكل انسان يحب يضحك بس في امور لازم الواحد فيها يكون جاد والا هو بيكون موضع مسخره مع الناس ويشوفونه مثل المهرج بيضحك على اقل شي على موقف مايستحق انه يضحك عليه لازم تفهميه هالشي....واذا ماتفهم خليه براحته على الاقل مايضايقك ولايجرحك ولايضربك وشي حلو انه اذا زعلتي يراضيك ويحب يشوف الضحكه بوجهك قليل من الرجال اللي يفكرون يراضون زوجاتهم بالعكس قولي الحمد الله الف مرة لان مشكلتك ولاشي من هالمشاكل الكبيره اللي نقرا عنها كل يوم وحده زوجها يسبها ووحده يبخل عليها ووحدة يضربها مشاكل وقصص تشيب الراس اللي يشوف مشاكل غيره تهون عليه مشكلته وانتي اصلا مشكلتك لا اراها مشكله وفقك الله


__________________________________________________ __________

ياحرام عليك يمكن الرجال هذا طبعه و يبغى يونسك احمدي ربك لا تسوين من الحبه قبه احسن من يجيك رجال نفسيه و اخلاقه قافله ليل و نهار لاتخربين بيتك بيدك تعوذي من ابليس و حافظي على زوجك كثيير حريم يتمنون رجال مثل كذا


__________________________________________________ __________

الحمدلله اللحين لو انه عكس ذلك كان رضيتي
احمدي الله فغيرك تصبخ وتمسي على ضرب


__________________________________________________ __________

ماعرفناكم يوم يجي رجل خفيف دم وقلتوا سخيف واذا رجال مايمزح ولا يعطي وجه قولتوا ثقيل دم
مايعجبكم العجب ولا صيام رجب وانتي شهدتي انه يحبك مومقصر معك وهذا اهم شيء والمهم انه
ماينكد عليك بعيشتك او يعاملك بقسوة كلها صراخ وضرب وفوق كذا اموار عيب زوجك مزحه كثير
وعلى تعليقاته مفروض تكبري عقلك وماتزعلي لاني طبعه كذا يحب المزح بس مهم انه مايغلط عليك
او يجرحك وكلمته عن كرش احسه جداً عادية وماتزعل لاتكوني حساسه هذا طبعه احسن من يجيك رجال
معقد ونفسية او شكاك او بخيل او اناني يعني عيبه يهون


__________________________________________________ __________

انا ما عجبني العنوان كيف تقولي عنه كده حرا م هيك ربي يخليهولك ويعمل فيك مقالب ههههههه
على العموم انا اشوفه مميز بس ما يثقل العيار لأنو في مزح حلو وفي هرج البنايا خبطه من الدور الثاني بآجوره قاله تكلم ههه