عنوان الموضوع : زوجي؛شكاك؛ظالم؛قاسي.
مقدم من طرف منتديات نساء الجزائر

زوجي؛شكاك؛ظالم؛قاسي.



السلام عليكم
مشكلتي شوي معقده لان زوجي انسان معقد شخصيته مثل ماقريت عنها شمالي عنيد متسلط يبي كل شي بكيفه وفوق هذي الصفات شكاك ويعلي صوته علي ويفشلني بهالتصرفات مثلا لو كنا بسوق وصار اي شي مايعجبه يرفع صوته ويصرخ عادي ننفضح قدام الناس ناقشته بهدوء مافاد وصرت اصرخ مثله لما نركب السياره واقوله هالتصرف ماينعاد واهدده اني مااقدر اعيش مع شخص تصرفاته همجيه ويرد علي روحي لاتجلسي معاي روحي لاهلك اذا مو عاجبك ومن هالكلام اللي يحسسني فيه ان ماراح يغير تصرفاته حتى لو ايش صار
طبعا قبل كنت ازعل واروح لاهلي وتكبر المشكله وتدخل ابوي وخالي وعمي وكلهم كلموه بأدب وفهموه ان ماحد يرضى بهذا الشي بهذله وغلط في الشوارع او قدام الناس ومن ضمنهم اهله لاني ساكنه معاهم ومفشلني يصرخ وصوته الكل يسمعه لكن ماتغير شي وهذا انا احاول احل مشاكلي معاه
المهم انا حامل وطالعه معاه اقضي للبيبي واحنا في السوق اتهمني اني اطالع في رجال ورمى علي انواع المسبات والشتايم انتي مسخره وانتي وسخه ومالك امان وبوريك وعيونك يبغالها بوكس يعدلها ويخليها تطالع زين طبعا انا حافظه سوالفه هذي مو اول مره يسويها فما اقولكم ماتأثرت لكن متعوده على هالسوالف المهم رديت عليه وقلت له مالي حاجه اطالع في رجال غيرك
وهذا تفكيرك الله يساعدك على نفسك وعلى هالافكار المريضه
وضل يغلط ويسب وانا ساكته
لحد ماسكت من نفسه وغير الموضوع
طبعا مضطره اسكت عشان اكمل اغراض البيبي لان لو سويت مشكله معاه انا اللي بتبهذل وانا ماشريت شي للحين
المهم دخلنا محل ثاني وثالث وشرينا وباقي اغراض شويه المهم واحنا راجعين وكنا شارين بيتزا وكوكتيل ومرينا على عيالي من عند امي ورجعنا البيت وااحنا نازلين من السياره شفته فتح النافذه ويسلم على رجال ويتكلم معاه انا ردت فعلي اني
لفيت راسي والتفت على الشخص اللي يكلمه وبسرعه نزلت عيني
طبعا اهو شافني وبس مشى الرجال قام يصرخ علي ويسبني قلت له انت فجاه فتحت النافذه وانا اللي سويته ردت فعل مش عشان اطالع في الرجال واهو مستمر بالكلام الغلط انتي شبهه وبتجيبين لنا الكلام ولو اطلقك بتسودين وجه اهلك بفعايلك الوسخه
ويقول بسوي مثلك وبطالع في البنات وقدام عيونك
قلت له بالطقاق تبي تطالع طالع
قالي خلاص ليش اطالع اروح اتزوج بالحلال
طبعا هنا ماتحملت يتبلى علي ويسبني وانا ماسكه نفسي والحين وصلت بيتزوج قلت له
عشان اشيل قشي واطلع من حياتك قلي شيلي قشك وروحي
ودخلت شقتي وانا ساكته واهو يصرخ انتي وحده قليلة ادب وفلتانه وبتشوفين وبوريك
قلت له كلامك اللي قلته من شوي والله لو تعيده بتشوف وش بيحصلك وماني وحده سباله عشان تهددني هالتهديد انا مااتهدد
واليوم صحينا وكل واحد مايكلم الثاني
وطبعا مقهوره منه
وابي اطلع اشتري اغراض للبيبي ومو عارفه شلون لان من شافني لبست وجهزت الاطفال دخل الغرفه ونام
والله مقهوره قولوا لي شلون اتصرف معاه
وموضوع تهديده بالزواج شلون اتصرف معاه لان قبل اسبوعين تقريبا هددني بعد بالزواج وانا تغير وجهي وصار احمر وجاء وقالي انه يمزح
عطوني حل شلون اتصرف مع هالشخص من ناحية شكه
تصرفاته وصراخه بالشارع وبالبيت خصوصا اني عايشه مع اهله وكل كلامنا يسمعونه ويوصل لهم
وش الحل ؟!
اتمنى الاداره تنزل الموضوع
اكثر من مشكله كتبت ومانزلت
فياليت تنزلوا الموضوع
وشكرا..

>>>>> ردود الأعضـــــــــــــــــــاء على الموضوع <<<<<
==================================


الله يعينك اصعب شي للوحده ان زوجها يشك فيها....لو انا بمكانك ماتحمل الشكك يستفزني الشك والسب وانه يقلل من شئني ليه وش مفكر نفسه يعني؟!! ...لكن انتي بعد شوفي وفكرري بايجابياات ممكن تلقين بعض الايجابيات بزوجك مثلا يصرف عليك. ويطلعك ومايمنعك تزورين اهلك ومايضربك مثلا هلاشياء ايجابيه وتخليك تغضين النظر عن بعض الامور اللي تزعجك فيه وفي حل ثااني وهو الصمت يعني لسبك وقاال كلمه تجرحك او هدد يتزوج لاتردين عليه ابد خلك سااكته وقتها يمكن سكوتك بيحسسه بغلطه ..ونا اشوف انه هالحل عجيب وسحرري بصراحه هههه ..وخلك كذا فترة ونشالله ينفع معااه ولازم واحد فيكم يكون اهدى اذا انتي عصبيه وهو عصبي وكل واحد فيكم يصرخ على الثااني مابتنحل الامور لازم طرف يكون هاادى والهادي هو انتي طبعا مجبورة تتنازلين للاسف دائما المراة هي اللتي تتنازل وترخي الامور ..علشاان هو مايكون عنيد معك وتكسبينه ومشاكلكم تقل نشالله بالهدوء الصرااخ لن يحل مشكله ادعي له بالهداايه وربي يسخره لكك ولعياالك


__________________________________________________ __________

وعليكم السلام ورحمة الله وبركاته
اختي خليكي معه عاطفيه ورومنسيه
اتشيكي له في البيت حطي احسن
العطور وكذا بيني له انتي انتي تحبيه
وذا رحتي السوق لاتطالعي في الناس
حاولي انك تطالعي في المحلات فقط
زوجك اهون من كثير رجال غيره
حاولي تستلطيفيه لان بينكم بيبي
الله يقومك ب السلامه وتساريه
ب الكلام الحلو


__________________________________________________ __________

مالقيت كلام هل هو مرض نفسي او مش متربي او لانه رجل وتفكيره معوج ..اختي مهم جدا راحتك لانك حامل ومهم اكثر بيبي لفي بطنك حافظي عليه مدام هو مايهمه ..ليش ماتطلب من اهلك يودونك لسوق احكي مع زوجكي يمكن يوافق احد من اهلك يروح معك او ابعث احد منهم يشترون لك شوف اي انواع لبدك على النت وليروح يشتري مثلها ..لما تولدي ان شاء الله حاولي تحكي معه بهدوء يمكن يتغير ولو اننى اشك انه يتغير الله يهديه .


__________________________________________________ __________

لما تكوني معه بالشارع غضي بصرك لاتطالعي باحد مهما صار وانحلت المشكلة


__________________________________________________ __________

المشاركة الأصلية كتبت بواسطة برودة مشاعر
لما تكوني معه بالشارع غضي بصرك لاتطالعي باحد مهما صار وانحلت المشكلة

يمكن شافك مرتين تطالعين غيره فشك فيكي وقرر يتزوج