بخل ؛شك؛قسوه؛ظلم؛هل يوجد حل؟!

[aksachli]

عنوان الموضوع : بخل ؛شك؛قسوه؛ظلم؛هل يوجد حل؟!
مقدم من طرف منتديات نساء الجزائر

بخل ؛شك؛قسوه؛ظلم؛هل يوجد حل؟!



السلام عليكم
انا متزوجه من 5سنوات ونص تزوجت وانا صغيره كنت بأول ثانوي كانت رغبتي ماحد جبرني على شي اهلي كانوا معارضين لكن انا اصريت وتزوجت هالانسان
كل شي يبغاه بمزاجه حقوقي آخذها بالغصب وبالمن يعايرني بكل شي اكل شرب لبس اي شي يصرفه يذكرني فيه لحد ماحس انه بيطلعه من عيوني طبعا ماوصلت معاه لهذا الحد على طول
كل شي صار بالتدريج بالاول كانت حياتي معاه حلوه طبعا ايام الخطوبه بس قرب الزواج بدأت المشاكل صار يدخل اهله بكل شي واي موضوع بينا يقوله ﻷمه وخواته حتى الاشياء اللي اتفقنا عليها في امور الزواج والامور الماديه تدخلوا اهله فيها
تعديت هالشي وبدينا بموضوع السكن كنا متفقين على شقه لها مدخل مستقل ودرج منفصل او شقه ايجار
صار السكن عند اهله مكان جدا ضيق والمدخل والدرج في وسط البيت ومافي راحه ابد هالشي مارضيت فيه الا مؤقت
بعدين تغير كلامه وصار هذا سكني وممنوع افتح موضوع السكن لانه يعصب ويصرخ
صارت مشاكل من اهله انا الله الشاهد علي حرف ماسمعوا مني امه الله لايسامحها تتدخل بالاكل والشرب والمصاريف ومشاويري مع ولدها نكدت علي حياتي وخواته ألعن يعلمونه فن الادخار والتغشف واهم عايشين بالطول وبالعرض وصلت سوالف
اهله لأهلي صاروا يتهمون اهلي بأنهم مستغلين زوجي وطمعانين فيه عشان طلعة يوم الخميس اللي نروحها انا وزوجي واهلي يا إما بحر او بر فصارت امه تطلب منه يوم الخميس بالذات يوصلها مشاوير عزاء زواج بتتقضى للبيت بتزور اختها وتبي زوجي معاها تبيه يوصل خواته السوق ويفتر معاهم لانهم يوثقون بذوقه ويبونه اهو اللي يختار لهم
وصارت امور كثيره بس مستحيل اقدر اذكرها كلها اخر مشكله صارت مع اهله قبل سنه امه قامت تغلط وتتحسب تقول اكلتي خير ولدي وسلبتي فلوسه وهالكلام صار قدام زوجي ولا حرك ساكن وقف مع امه حاولت معاه انو يطلعنا بشقه ايجار بعيد عن المشاكل رفض وصار بصف امه ويقول صادقه بكلامها انا ابي آكل خيره واضيع فلوسه على ايجار كبر الموضوع رحت لاهلي وضليت3شهور ابي سكن بعيد عن اهله ومارد علي ودخلوا اهلي وصاروا يقولون ان امي اهي اللي تشيشني على موضوع السكن وان اهلي يبون مصالح واهلي بعد اللي سمعوه منه ومن أمه قالوا خلاص مالنا علاقه فيهم ولا نبي حتى كلام معاهم وبعد فتره رجعت لزوجي وبدون حل
عشان بس الاطفال اللي بينا واهلي مقاطعين زيارتي هنا وحالفين مايدخلون هالبيت وهالشي مضايقني
بس ما الومهم اللي قالته امه ماينقال والحين مشكلتي الاكبر زوجي يعاملني معامله زفت ودايما يعلي صوته علي والاسباب تافهه حاولت اتفاهم معاه مايبغى تفاهم دايم يصرخ ويفشلني اهله يسمعون صوته وصراخه علي وعادي عنده صار يرمي مسؤولية الاطفال كلها علي ويتحجج بالدوام ولما يرجع يبي ياكل وينام ويوم اجازته يجلس مثل العدو بس يبي واحد من الاطفال يتحرك او يسوي اي حركه عشان يضربه والضرب على الوجه او الراس او يدفعهم بقوه واذا تكلمت وقلت حرام عليك يقولي لاتتدخلين بيني وبين اولادي ان شاء الله اذبحهم مالك دخل اقوله حرام تضربهم كذا يقول لا هذا تأذيب طبعا بس يجلس معانا كأنه يتصيد علي وطول الخط ينتقدني ليش حاطه الفوطه هنا وليش الدولاب مو مرتب تخيلو اللي يقهر انه اهو اللي يبهدل الدولاب فوق تحت ويبيني ارتبه كل يوم والفطور والغداء والعشاء والمشروبات الساخنه رايح جاي ابي ينسون ابي شاي ابي زنجبيل جالس كأنه سي السيد يتأمر ومايبي نفس من الاطفال الحين انا حامل وبالشهر التاسع وبرضوا موحاس فيني لو شافني تمددت على الكنب يقول اهمال وتقصير ويجيب لي شغل من تحت الارض نظفي ألحمام اكوي الملابس اذا حاولت احنن قلبه علي اقوله يابو فلان انا حامل بولدك وهذا اخر شهر ارحمني شوي لاتصرخ ترى ما اقدر ظهري يعورني رجلي مو شايلتني يقول حتى القطاوه في الشارع يحملون
حرارتي مرتفعه هاليومين وماسكه فيني كحه تموت احس بمغص اسفل بطني مع الكحه واحس بمويه تنزل كل ماكحيت ويشوفني اكح ولا همه ولاقال بوديك مستشفى بالعكس مزودها بالطلبات والانتقادات
طلبت منه يوديني المستشفى وحممت ولدي وانا طول الخط اكح وانا البسه ملابسه جاني الغرفه وجلس يشم الولد ويقول مافي ريحة شامبو بشعره قلت له حطيت له شامبو يقول لا رجعيه الحمام وحمميه زين
تنرفزت وقلت له خذه انت وحممه على كيفك
انا تعبانه خلاص
قام يصرخ علي ويقولي يالمريضه هذا كله عشان شوية كحه ترى حتى الاطفال تجيهم كحه وانتي ماتفهمين وماعندك نظام ولاترتيب انه اذا حاولت احنن قلبه علي اقوله يابو فلان انا حامل بولدك وهذا اخر شهر ارحمني شوي خف علي لاتصرخ ترى ما اقدر على كل هذا ظهري يعورني رجلي مو شايلتني يقول حتى القطاوه في الشارع يحملون ويولدون
حرارتي مرتفعه هاليومين وماسكه فيني كحه مو طبيعيه تموت احس بمغص اسفل بطني مع الكحه واحس بمويه تنزل كل ماكحيت ويشوفني اكح ولا همه ولا نطق وقال بوديك مستشفى بالعكس مزودها بالطلبات والانتقادات
طلبت منه يوديني المستشفى وحممت ولدي وانا طول الخط اكح وانا البسه ملابسه جاني الغرفه وجلس يشم الولد ويقول مافي ريحة شامبو بشعره قلت له حطيت له شامبو يقول لا رجعيه الحمام
وحمميه زين
تنرفزت وقلت له خذه انت وحممه على كيفك
انا تعبانه خلاص
قام يصرخ علي ويقولي يالجاهله كل هذا عشان كحه ترى حتى الاطفال تجيهم كحه وانتي مريضه وانتي ماتفهمين وماعندك نظام ولاترتيب ويصرخ ويسب وانا ساكته دخلت الغرفه وسكرت النور وتمددت على السرير وجاني يقول مابتروحين المستشفى قلت له لا
رجع يصرخ يالمريضه انتي ماتستاهلين وبالطقاق يطقك وطلع
وبعدها بساعه جاني مغص ببطني ودقيت عليه ورحت المستشفى وطلع الرحم مفتوح من قوة الكحه والمويه تبع البيبي مبديه تنزل بس خفيف مش كثير ومعاي طلق خفيف
يوم قالت له الدكتوره معاها طلق والرحم مفتوح والمويه تنزل يقول لا مافيها شي ماعليك منها
تقوله الدكتوره ما امزح معك الحرمه معاها طلق
وعطوني ابره مسكن وعطتني دواء للكحه وقالت لي اجيها بكره
والله يستر مابي اولد لاني ماكملت 36اسبوع لسه باقي عليه يومين
بنات انا قلت لكم كل السالفه عشان تحكمون على الوضع وتفيدوني
شلون اتصرف مع هالانسان
دايما مشاكل وانا ماسويت شي مايحس فيني لابمرضي ولابصحتي ولابحملي ودايما يشوفني ماافهم وجاهله مع ان والله قايمه بكل شي طبخ تنظيف غسيل واطفالي حلوين ومرتبين وأذكياء ولدي عمره سنتين حافظ قرآن ويعد للعشره ويعرف اسمه كامل ويسولف كأنه رجال كبير الله يخليه لي وبنتي 4سنوات تجنن وفوق هذا انا طالبه سنه ثانيه بالجامعه ومثقفه واعرف اشياء اكثر منه اهو دارس للثنوي بس
شكلي حلو ومهتمه بنفسي وهالموضوع مسبب مشكله بعد يشك فيني ودايما يقول لو اكتشف تسوين شي من وراي أذبحك ولو اكتشف حاجه وسخه تسوينها بتندمين وبتتمنين الموت ويعلق على مشيتي يقول مشية وحده وسخه ولازم امشي مستقيمه وكل اسبوع يجيبلي عبايه واسعه اوسع من اللي علي ويقول لبسيها ويطلع معاي مره او مرتين ويقول شكلك يلفت النظرويشتري عبايه ثانيه وغير كذا مانعني من صديقاتي ومن الكل اهلي خوالي عمامي ما اشوفهم الا بالمناسبات ممنوع ازور احد ماعدا بيت اهلي واوقات اطول لشهر ما اروح واهو كل يوم لازم يجلس مع اهله
اتمنى ألقى حل لاني بجد مو شايفه فيني حاجه او شايفه نفسي مقصره معاه
جالسه اجهد نفسي عشان ألبي كل طلباته ومع هذا مو نافع معاه
اذا عندكم اي نصيحه لي قولوها يمكن تنفع مع هالأدمي
اتمنى من الاداره تنزل موضوعي
مهمومه كثير ..

>>>>> ردود الأعضـــــــــــــــــــاء على الموضوع <<<<<
==================================

حبيبتي مشكلتك تقطع القلب ياه عاوزة أسالك حبيبتي كيف انت مع ربك ؟ اين انت من عبادتك لا اضن انك اذا شكيت له وبكيت ودعيت وسالتي والححتي لن يتركك ولن يسد بابه في وجهك
اسال الله ان يفرج همك ويسعدك ويسخر لك زوجك وان شاء الله تولدي وتقومي بالسلامة انت والبيبي

__________________________________________________ __________

الله يهدي زوجك ويحنن قلبه عليك ويبعد وسوسة اهله عنك ولو انك كان لازم تتقربي من اهله وتكسبيهم لصفك باي طريقة عشان تنالي رضى زوجك وباين انه بيغير عليكي وهذه نعمة تخليكي تحسي بانوثتك وقيمتك عنده لانه لو كان مابيحبك ماكان همه لبسك ولكان طلقك عزيزتي مشكلتك ممكن تصير باي بيت انت بس مو قادرة تتحملي عشان شلت المسؤولية بسن صغير وهذا كان اختيارك فعليك تحمل نتائجه الزواج ليس عسل على طول وانت مرت فنرة زواجك ببدايتها هادئة كما ورد في مشكلتك
ومثل ماقلتلك حاولي جاهدة تكسبي اهله وتتقربي منهم حتى لو كان قلبك شايل منهم دام انه بيتاثر بكلامهم لانو هالشي هو المفتاح لحل مشكلتك مع زوجك وادعي الله كثيرا له بالهداية في صلاتك صدقيني سحابة صيف وبتعدي والله يهدي سركم ويسخركم لبعض ويقومك بالسلامة

__________________________________________________ __________

اختي~
بقولك قصه قصيره واتمنى تستفيدين منها (كان في زوجه كل ما تتهاوش مع زوجها ويطلع من عندها مايقدر يطلع برا العماره بسرعه يروح ويستسمح منها حتى لو هي غلطانه ومره سألها قال :انا كل مااطلع من عندك وانا زعلان منك في شي قوي فداخلي يخليني ارجع غصب عني واعتذر لك تكفين قولي لي وش تسوين لما اطلع ..تدرين وش قالت ؟!قالت انا كل ما تطلع من عندي اقعد استغفر ربي لين ماترجع لي)
وانتي حاولي تحسنين علاقتك مع الله سبحانه وتعالى وألزمي الأستغفار لاتستعجلين كم شهر وشوفي النتيجه ولاتنسين امه ودايما حطي فبالك ان كل كلمه منك لها بتنقال لأمك انتي من زوجه أخوك بقولك قصه رائعه(مره وحده تكره ام زوجها لانها دايم تسبب مشاكل بينها وبين زوجها وتتدخل بينهم المهم راحت لصديقها صيدلي وقالت عطني سم بحطه لها ابي افتك منها خلاااص تعبت وعطاها صديقها اللي طلبت بس قال ششرط لازم تعاملينها زي امك عششان ماتشك بشي ونفذت كل اللي قاله ومع الايام حسست ان معاملة ام زوجها تغيرت وصارت تحبها وندمت على الشي اللي سوته وراحت لصديقها تبكي تقول خلاص ابي شي يلغي مفعول السم قال اللي عطيتك مو سم هذا بس مويه لاني عارف انك لو غيرتي المعامله رح تتغير حياتك كلهاا )وبس اسسفه عالاطاله اتمنى تتغير اوضاعك للاحسسن يارب.

__________________________________________________ __________

الله يهديه ويصلحه ..مالك الا التطنيش والدعاء ودائم قولي له الله يحنن قلبك علي ..سبحان الله وبحمده

__________________________________________________ __________

وليش تحملي من هالبني ادم يختي بكفي ولاد
رايي تحاولي تكسبي امه وتحببيها فيكي باي طريقة كانت وكمان ماتبيني ضعف شخصيتك قدامه
معظم الزواج المبكر فاشل