مشكلة امي وانانيتها -لصحتك
عنوان الموضوع : مشكلة امي وانانيتها -لصحتك
مقدم من طرف منتديات نساء الجزائر
مشكلة امي وانانيتها
قصتي تبدا مع أمي من الطفولة وكنت احس ان أمي جافة وطبعها قاسي وأنانية تفكر بنفسها وبس ماعشت طفولة زي بقية الاطفال بسبب ان أمي تمنعني اني حتى أتحرك او اصرخ او العب كل شي ممنوع كأني أعيش في قفص .. وطبعا الأطفال معروفين بالحركة وأنهم يوسخو المكان ... انا لو وسخت لازم انضرب واتهان عشان هي مو واعية ان هذي حركات كل الأطفال اللي في سني ... نجي لمرحلة المدرسة كانت هي تدرسني وبعض الأحيان ماكنت افهم لشرحها وهي تعصب وتصمم اني أخد الدرجة كاملة عشان تعبتها ماتروح على الفاضي المهم اني رجعت مرة من المدرسة وناقصة درجتين ضرب واهانة شقت ملابسي وسحلتني من شعري قدام اخواني الصغارواخواني كلهم مرعوبين و ركبت فوقي وفطستني وتقولي موتيي احسن تعبتي في تدريسك على الفاضي وانا اصيح بكاء هيستيري من الخوف واستفرغ
وممنوع اني اروح لصحباتي او يجو لي لدرجة ان ماصار لي علاقة بأي مخلوقة
وفي مرة بنت خالي جت لي البيت فكنا نلعب جت أمي ضربتني قدام بنت خالي بسلك كهرباء وتنتف لحمي وطلع دم والسبب انتو ليش تعفسون المكان بالعابكم
ولما نروح بيت جدتي انا واخواني الصغار نجوع نقول لها يمة نبي عشاء حطي لنا وهي تكون تتكلم مع خالاتي تقوم تعطينا كفوف وفي مرات مو بس كفوف تقوم ترفس في بطني وعيوني تذرف دموع وقلبي ينكسر ان انا ايش سويت عشان استاهل كل هذا ليش لييش احنا صغار مانعرف نحط أكل بنفسنا
حتى اني جربت مرات أشوفها مع خالاتي ما تتكلم فاستغل الفرصة اطلب منها تحط لنا اكل بهذا الوقت عشان مااقاطعها ونفسسس ردة الفعل كفوف وشتايم وإهانة قدام خالاتي وخالاتي ساكتين يتفرجون
واشوف بنات خالاتي بكل أريحية يروحو لأمهم ماما نبي عشاء وتقوم تحط لهم وتاكلهم بايدها بعد
انا كنت غير عن الاطفال كنت مرة مسكينة ومسالمة وانا من كثر ماكنت مسكينة كانو خالاتي يستغلو طيبتي في ذاك الوقت يخلو بناتهم اللي في سني مرتاحين وانا يتأمرو علي روحي جيبي الشي الفلاني روحي حطي صرت خدامتهم وانا بعدني في ثاني ابتدائي وأمي عارفة ومو مهتمة
يوم من الايام تعبت في المدرسة وامرض واسخن وترجيع فالمدرسة المديرة والناس شفقو علي شكلي يحززن قالو لي اتصلي في أمك تيجي تاخدك اتصلت فيها أقول لها يمه انا مريضة .. قالت حسبي الله عليكي وجت أخذتني ورجعت البيت وراحت تضربني وتخنقني بسلك الراديو وتجيب الراديو تضربه فوق راسي وتقول لي اذا مرضتي مرة ثانية لاتتصلين فيني سامعة انا ماراح أجيكي ثاني
المهم انا كبرت ياجماعة صار عمري 21 سنة خطبت وكان خطيبي حنون جداً وكريم الله يحفظه وعوضني عن كل لحظة حزن وألم الحمدلله يارب
وكان كل بين فترة وفترة يجيب لي هدايا وورد هي لما تشوف كدا ماتفرح مو زي باقي الأمهات مثلا تقول الله يهنيكي
لا بتقول الهدية بفلوسه ولا بفلوسك ؟ وبعدين تقول وااال كل دا ...ومن غير ماشاءالله ولعلم انا كدا مرة اقول لها قولي ماشاءالله بس ماتقول
صارت تطلب اشياء كتيرة وتطمع في الطلبات من أهل خطيبي احرجتني قدامهم صارو يقولو ان احنا ماديين
ولما قرب وقت العرس أظن مافي بنت الا أمها قلقانة عليها
انا حتى على الاقل ماسالت شفتي فستان ولا لا
جهزتي اغراضك ايش باقيلك ؟
الإسالة الروتينية اللي كل الناس تسالني وهي مو هامها اصلا
كان كل همها انا ايش البس ؟ فستاني حلو ولا لا؟
ولما استلمت فستان الزفاف قلت لها تعالي شوفيه قالت مش لازم تخيلو كيف البرود في المشاعر؟؟؟
تخيلو وقت العرس جت متاخرة تقول ليش اجي بدري تخيلووووو؟
تدرون لما حضنتها في العرس مانزلت مني ولا دمعة ولا دمعةةةة .. وهي كانت تحضني حضن بس حق تصوير والسلام مافي اي عاطفة وانا قلبي يعتصر واسال نفسي معقول هذي ام ؟
والله كل بنت تصيح في عرسها الا انا بالرغم اني انسانة عاطفية جدااااا لما اشوف بس هالمنظر ابكي
ولما استلمت البوم صوري أقول لها يمه تعالي شوفيه قالت طيب وماهتمت لصور طول الوقت ساكتة مافي اي دعوة من دعوات الأمهات الله يسعدكم او شي من هالقبيل سااااكتة .. ولما حطيت الصور اللي طلعت فيها قالت هذي انا ماشاءالله حلوة وعلى فكرة هي دااايما مغرومة بجمالها وتمدح في نفسها على طووووول تقول انا جميلة وانا الكل يغار من جمالي ... انا مااحس بهيبة ام لان تفكير الأمهات اللي في سنها مو كدا
انا من فترة لمحت لها ان ابغاها تساعدني اذا حملت وولدت قالت لي بالعربي الفصيح انا مااعرف اربي ،أدعو لي يابنات انا نفسيتي تعبانة وعلى فكرة أبوي الله يحفظه ماله اي دور وابرد منها مشاعرا حتى لما اشتكي له من امي مافي فائدة يعني انا من الناحيتين ضايعة
اسفة على تطويل الموضوع
>>>>> ردود الأعضـــــــــــــــــــاء على الموضوع <<<<<
==================================
المهم من كل هذا عندك زوجك يحبك وعوضك عن الحنان الي كنتي فاقديتها
الحمدالله على كل حال
الله يوفقك ولا تنسين الام راح تظل الام
__________________________________________________ __________
الله يعوضك خير يا رب
__________________________________________________ __________
حبيبتي الله عوضك بزوج يحبك ويخاف عليك
اهدي لها هدايا وبريها لتنالي رضاها ورضى الله
__________________________________________________ __________
لَا تنسين آنها حملتگ في بطنها تسعة آشهر و ربتگ و سهرت عليگ و آرهقتيها بطفولتگ و في فترة حملها گنتي تتغذين منها و من جسدها
و بالرغم من ذلگ لا تشگو الآلـم و لا تتذمر و لا تحزن .. بل تقدم آنواع الحنان و العطف لآبنها
عزيزتـي تذگري مهما قاسيتي من محن مع أمگ ستبقى آم يوصيها عليگ الله و رسوله عند قول الرسول (ص) : أمگ ثم أمگ ثم أمگ
و لَا تنسين آنگ لن تشمين رائحة الجنـة إلا برضاها .. فلماذا لا تگرسين لرضاها و تنسين آفعالها
آيعقل آن تترگين الجنـة والنعيـم من آجل شيء گهذا .. الا تعلمين آن الله إذا آحب عبده آبتـلاه و عوضـه بشيء آخر
عزيزتـي فگري ألف مرة و مرة قبل آتخاذ القرارات ، قال الله تعالى : ( ولآ تقل لهما آفٍ و لا تنهرهما و قل لهما قولاً كريما )
لَا تستآئين من شيء و تذگري آن هذه الدنيـا حلم و آختبار للمؤمن .. فهل ستأخذين علامة غير مقبولة في آخرتگِ ؟!
قدمي لها الهدايا و زوريها يوميا و آهتمي بها واگسبي رضاها و الجنـة و الفردوس آن شـاء الله
.
.
.
__________________________________________________ __________
يا أختي المهم الله عوضك بزوجك
اعملي الي عليكي وزوريها وكوني رسمية واهديها بالمناسبات وانتهينا والقلوب الله عالم فيها
وبالنسبة لما تولدي جيبيلك خدامة واولدي ببيتك احسنلك حتى أريح لنفسيتك وما بدك منية من احد
بعض أمهات بيعملوا العمايل وما بفكروا انه أولادهم وبناتهم بحسوا وبتذكروا وبنسوا انه الدنيا دوارة وأنهم بيوم من الأيام راح يكونوا ضعاف متل ما كانوا أولادهم ضعاف وهمة أطفال
رد مع اقتباس
