عنوان الموضوع : العاده السريه وغشاء البكاره مهم جدا -تم الاجابة
مقدم من طرف منتديات نساء الجزائر

العاده السريه وغشاء البكاره مهم جدا



السلام عليكم ورحمة الله وبركاته

الاداره الكريمه ارجوكم اطرحو موضوعي

طبعا نشوف كثير هنا بنات ينزلون عن مشكلتهم مع العاده السريه و مشاكل غشاء البكاره

واشوف كثير بنات يستغربون من كثرة هالمواضيع وبحاول اتكلم عن هالموضوع بلغه بسيطه

يابنات لا تستغربون العاده السريه نسبه لا باس بها تمارسها وهي لاتدري ان الي تسويه حرام وبعد ما تعرف ان الي تسويه حرام تنصدم وتبي مساعده لكن بسبب الخوف و عدم التقبل البنت تخاف تصارح اهلها فتجي هنا تفضفض لذلك كونو متعاونات مع هالبنات

لو نجي نتكلم عن اسباب العاده السريه
اولا الفراغ العاطفي والاهمال فيه اطفال اذا اهلهم ما اهتمو فيهم و ما علموهم يتولد عند الطفل شعور باللجوء الى جسده فاذا لامس منطقته الحساسه يبي يعرف وش هاذي المنطقه
يتولد عنده شعور ما حس فيه من قبل فبتالي يبدا يمارس العاده السريه وهو مايدري عشان يحس بالشعور الغريب الي يجيه
ثانيا عادة الام في تنظيف الطفل والعنايه فيه يعني بعض الامهات تسوي مساج بكريم او زيت لطفل في هاذي المناطق عشان تحميه من التسلخات او غيرها وطول وهذا اكبر خطا لان الطفل يحس بشي يستمتع منه طبعا هو ما يكون فاهم وش هاذي المتعه وبتقولون طفل وش يفهمه وش يدريه طبعا هو مايدري بس هو يحس بشعور حلو بالنسبه له يكون سبب في بداية ممارسة العاده
ثالثا الاهل الي ما يكون في بيتهم خصوصيه او يمارسون اشياء قدام الاطفال بحجة ان الطفل مايفهم مثلا الاب يلامس الام في اماكنها قدام الطفل فالطفل هنا يقلد وهو مايدري

رابعا الافلام يعني اذا كنت تشوفي فيلم وجت لقطه مو كويسه لازم تشيلي عنها لا تقولين طفل ما يفهم لان هالعباره هي الي دمرت اغلب الاطفال لان حتى لو الطفل ما يفهم يقلد واذا شافك ساكته وما علقتي ان هذا غلط او عيب فهو خلاص يشوف ان هالشي عادي

خامسا التحرش الجنسي وهذا له دور كبير ان الطفل يمارس العاده خاصه لو كان التحرش من المحارم والعياذ بالله

سادسا المحيط الي حول الطفل يعني الطفل ممكن يشوف صاحبه يسوي هالشي او احد اكبر منه ويقلد

هذه اهم ست اسباب شائعه تخلي الطفل يمارس العاده السريه وهو مايدري هذا الي يسويه حرام وما يصير

لذلك ارجو من كل ام تنتبه على اطفالها و تبدا تعلمهم من سن الخمس سنوات ان المناطق الحساسه و الفم والصدر والخد ما احد يلمسها وانك انت بس الي تقدري تلمسيه لانك تبين تغيرين ملابسه او تنظيفيه وغيرك مممنوع واذا احد لمس هالمناطق بذات المنطقه الحساسه يجي يخبرك ومايخاف من احد خليه يعرف ان هالمناطق خط احمر ممنوع اللمس وتعلميه كيف ينظف نفسه بعد ما يستخدم الحمام ومايدخل اصابعه باي شي لان فيه اطفال عندهم فضول من وين تطلع فضلاتهم وانتو بكرامه

و عشان تتخلصي من العاده السريه اول شي لازم تنوي انك تتخلصي منها و اول خطوه هي الصلاه التزمي بالصلاه فيه ناس تقول اني اصلي بس امارسها اقولك انك انت فصلتي الصلاه عن حياتك فعشان كذا تصلي و تمارسي العاده السريه لذلك حطي في بالك ان الصلاه تنهى عن الفحشاء والمنكر وانها رح تنهاك ان شاء الله عن العاده
ثاني شي الوضوء والاستغفار كل ما جى في بالك وسوس لك الشيطان بالعاده السريه توضي استغفري على طول اقري قران و غير كذا ادخلي دورة المياه وانتو بكرامه و اسكبي على منطقتك الحساسه ماء بارد لان معروف الماء البارد يوقف هالامور وجاهدي نفسك وتذكري ان الله يراك وتذكري الامراض والمشاكل الي بتصير لك لو استمرتي تمارسيها
وثالثا والمهم جدا تبعدي عن اي شيء ممكن يشجعك عليها عن المقاطع الاباحيه الصور الاصدقاء الي يتكلمون بهالمواضيع واي شي من هالقبيل
رابعا ياليت الامهات من سن 9 سنوات تبدا تشرح لبنتها عن العاده السريه والدوره وغشاء البكاره
لان والله الى الان رغم التفتح وسهولة وصول اي شيء نلقى ناس تجهل موضوع العاده السريه وغشاء البكاره والدليل المواضيع الي نشوفها لا تقولين هي بتعرف لحالها طيب انت تضمني انها اذا عرفت لحالها تعرف صح ؟
لازم البنت اذا صارت تسع سنوات ليه اقولكم تسع سنوات لانه السن الي تبدا تبلغ منه البنت تسمكي بنتك وتشرحي لها عن جسمها وحقوقها وتوعيها و تتكلمي معها عن العاده السريه لاتقولي بفتح عيونها بالعكس انت كذا وعيتها يمكن تكون تمارسها وبعد ماتسمع كلامك توقف وطبعا اذا انت تعرفي ان بنتك تمارسها ماينفع تجي تقولي لها كذا بوجها انت تسوي عيب وحرام وياوسخه ومن هالالفاظ او تروحي تقولي قدام خواتك واهلك عن بنتك لانك هنا تعرضيها لاهانه وجرح مارح تنساه وممكن تحقد عليك بسببه لذلك لازم تهتمي فيها اكثر وتخليها تلتهي بامور تعليميه وتعلميها مو تخليها بين الالعاب ومره عند اهلك ومره عند الجيران
لازم بعد تكلميها عن غشاء البكاره واهميته وكيف تحافظ على نفسها وماتسمح لاحد يقرب منها شوفو كيف بنات كثير بسبب عدم التوعيه ينزلون مواضيع عن غشاء البكاره وكيف عنددهم خوف وصار هوسهم وكمية الدم بسبب الافلام وبسبب الاخطاء المنتشره عنه
ولازم كل ام تفهم بنتها الي مقبله على الزواج وولدها ان البنت مو لازم تنزف عشان تكون عذراء ممكن البنت ماينزل منها دم من شدة الخوف او لان غشائها مطاط وكل الدم الي ينزل من هالغشاء قطره او قطرتين والي ينزل منها دم كثير ممكن بعد من شدة الخوف او لان الزوج كان دفش في المعاشره وان مو بس الغشاء الدليل على العذريه ضيق المكان له دور طبعا العذراء تفرق عن الي لها علاقات والي لها سوالف او المتزوجه تكون ضيقه
لذلك ارجو منكم تعلمو بناتكم واولادكم وتوعو و لو بنتك جت وقالت لك انا ابي اكشف على نفسي لان نزل مني دم لا تقعدي تطلمي وتسبي وتصارخي وتضربيها او تفكري تقتليها اذا ما انت الي ساعدتيها وسمعتي لها من يساعدها صح الشي صعب وقوي لكن اسمعي لها كوني صندوق اسرارها وصاحبتها ومساعدتها وكل شي لها شوفو كيف هالبنات يدخلون ضايعين لا ام تعلم ولاتنصح والبنت حالتها حالها

واذا بنت طرحت مشكله عن العذريه او العاده السريه ساعدوها لا تقولون لها انت وسخه وانت عاجبك الموضوع ترى الله يبتلي مو شرط فيك يمكن ربي يبتليك باختك بنتك لذلك كونو رحيمات فيهن وارجع اقول لاتقولي امي ماعلمتني انا عرفت من نفسي
شوفي كيف المشاكل الي صارت لك لان امك ماعلمتك شوفي كيف كنت تحتاجي تكلمي احد وتفضفضي عن مشاكلك وتغيرات جسدك وماتقدري تكلمي امك خوفا منها لذلك عطو بناتكم الامان كم بنت ضاعت لان امها ماساعدتها والاسمعت لها لا تقولين استحي لا حياء في الدين اذا تستحين تقولين لها اشتري كتاب يشرح الامور بطريقه صحيحه سمليه وقولي لها اذا مافهمتي اسأليني لا تخلينها تروح تفتش وتشوف مصادر يمكن تعلمها بلاوي واشياء غلط

ام المؤمنين عائشه رضي الله عنها علمت كل نساء الامه وكانت تسأل الرسول لهم في الاحكام فكيف انت ما تعملي بنتك وتساعديها ؟؟؟

>>>>> ردود الأعضـــــــــــــــــــاء على الموضوع <<<<<
==================================


الله يجزيكي الف خير يا اختي

ويجعلها في ميزان حسناتك

موفقة


__________________________________________________ __________

جزيت خيرا


__________________________________________________ __________

مشكوورة على الموضوع ذا...الله يبارك فيكي...مشكورة جزيل الشكر


__________________________________________________ __________

مشكورة


__________________________________________________ __________

بارك الله فيج وان شاءالله موازين حسناتج اااااميييين