عنوان الموضوع : مشكلتي اريد الطلاق من زوجي الطبيب يجيب
مقدم من طرف منتديات نساء الجزائر

مشكلتي اريد الطلاق من زوجي



السلام عليكم ورحمة الله و بركاته

اريد اقولكم مشكلتي الي مسببه لي ضغوط نفسيه و عدم الشعور بالراحه النفسيه ابدا يمكن تكون اسبابي مش مقنعه لكن هذا شعوري
المهم قبل الزواج وعدني زوجي ان نسافر شهر عسل و ننبسط و نغير جو ونرجع و الي حصل العكس تماما و ما سافرنا بحجة ان ما عند فلوس و كذا وما اعترضت على هالشي على اساس نسافر بعد فتره
المهم بعد تقريبا اسبوع من الزواج بدأ يأمرني اغسلي كذا اكوي الثوب الفلاني نظفي كذا ولا كأنني عروس جديده على الاقل شهر نستانس فيه لكن مافيه
و بعدها صرت افعل كل شي بنفسي من تنظيف و كوي و ترتيب و ما الى ذالك و فالليل يأتي بعد ما سهر مع اصحابه و يطلب مني حقه الشرعي و لا يهتم بالتعب الذي يصيبني ولكنني اعطيه ما يريد كل مره
تعبت تعبت بشكل غير طبيعي وعندما طلبت منه ان يحضر لي خادمه قال انه لا يريد ان يخسر مبلغ وقدره على خادمه و يقول لي يجب ان تخدمي والدتي وان لا ترفضي لها طلب مع العلم ان لديها بنات و خادمه ايضا لا ادري لكن شي يفقع الكبد يعني و فوق هذا كله ما يعطيني مصروف منتظم و اذا طلبت منه شي ضروري للبيت يذلني عليه و يجيبه بعد اسبوع اسبوعين على حسب مزاجه حتى اشياءي الخصوصيه ما يخليني اخذها على اساس شي مب ضروري بنظره ولكنني احتاجه كثيرا و اذا قلت له بطلع اي مكان يقول ساعتين و لا تتأخرين والا مافي طلعه مره ثانيه ماغير اطبخ وانفخ واغسل واكوي ولا يبين في عينه و ابسط حقوقي ما يعطيني اياها و يقول يبي يسوي مشروع ولازم اني اساعده فيه بمبلغ للعلم اني غير موظفه بس لمح لي انه يبي يبيع من الذهب يعني غصب يرجع الفلوس الي دفعها فيني فالعرس
و بعد ما كملنا شهرين على اول زواجنا قال ليش لين الحين ماحملتي خلينا نروح نسوي فحوصات يعني فحوصات لي انا بس على اساس انا فيني عله و رحت المستشفى بس عشان يسكر على هالموضوع و فحصت وطلعت سليمه و بعدين خليته هو يسوي الفحص و طلع منه الخلل و فوق هذا كله يرجع يقول لا انتي فيك بلا ومهمل مهمل بشكل مقرف في نظافته الشخصيه و على طول ريحته دخان بس اذا يبي يطلع ما تقولون هذا هو نفسه الي قبل شوي ريحته مقرفه ابد مع انه كان عنده هوس فالنظافه قبل الزواج مدري شو الي تغير
ماعمري رفضت له طلب او زعلت عليه على كثر الي يسويه فيني
وكل مره اسوي شي جديد اقول يمكن يعني يستانس و يسويلي شي فالمقابل يخليني استانس لكن مافيه فايده
احس اني خلاص صرت ماطيقه ماريده اكرهه
ودي اتطلق منه بس ماعرف كيف خلاص صبري
مليييييييييييت اريد ارجع لحياتي الي كنت مستانسه و فرحانه فيها واهم شي مرتاحه نفسيا

عطوووني حل شسوي

>>>>> ردود الأعضـــــــــــــــــــاء على الموضوع <<<<<
==================================


الحل وعن تجربه اصلحي علاقتك مع الله ولاتتركي الاستغفار ولا تملي ودائما رددي هذا الدعاء (اللهم اني اعوذ بك من الهم والحزن واعوذ بك من العجز والكسل واعوذ بك من الجبن والبخل ومن غلبة الدين وقهر الرجال)وطبعا في ادعيه كتير غير هذا الدعاء روووعه بتصلح حياتك مش بس مع زوجك مع الدنيا كلها


__________________________________________________ __________

استخيري واللي يريح قلبك اعمليه


__________________________________________________ __________

مشكل بسيط و انت مكبرة الموضوع

شغل البيت متنفس للمرأة و اذا جبتي شغالة ماذا تفعلين انت

استهدي بالله باين عليك تزوجتي على أساس تلقاي حياتك مثل المسلسلات التركي

و هذه مشكلة غالبية النساء


__________________________________________________ __________

الله يعينك


__________________________________________________ __________

حبيبتي لازم تتتحجين معاه وتشوفين حل !!!
الله يعينج ان شاءالله ويسهل اموركم يارب العالمين