عنوان الموضوع : اكره الدراسه مجابة
مقدم من طرف منتديات نساء الجزائر

اكره الدراسه



السلام عليكم
ابسالكم كم سؤال وياليت تساعدوني وتجاوبوني عليها
انا في الفصل الدراسي الاول جبت نسبه66علمان باني ثالث ثنوي هل لو اجتهد في الفصل هذا اقدر أجيب نسبه وادخل الجامعة؟علما بان نسبتي في القدرات بعد59):
احيانن اقول ماني داخله الجامعة لأني انا إنسانه انطوائيه والجامعة فيها بنات واجد وأخاف منهم وسذا مدري ليش
ثانين لأني اكرههه الدراسة بشكل مؤ طبيعي! هل اجتهد ولا أريح راسي
علما باني في مادةeبـح ولا فيه احد يشرح لــي فأقول لنفسي لو اجتهد في النجليزي أكيد ماراح أجيب نسبه وأكيد نسبتي بتطلع طايحه
فقولوا لــي وش اسوي وهل اقدر أجيب نسبه؟ وفي القدرات 59 تدخل ف الجامعة ولا وكيف اقدر أجيب نسبه مررره عاليه في القدرات
السؤال الثاني انا اذا رحت للمدرسه أصير ع الصامت وما أتكلم مع احد ابد مدري ليه احس اني مؤ قادره اسولف مع احد مع العلم ان البنات الــي بفصلي هن أدرسن معي ابتدائي ومتوسط وحالين ثنوي ومع ذالك ما اقدر أتكلم ولا انطق بالمدرسة قسم احس اني صماء لما ادخل المدرسه !!!
ثالثا انا اعرف شلة بنات وهن مره طيبات ودينات اجلس معهن بس اتحاشا السواليف معهن وهذي اخر سنه لــي بالثنوي واانا من النوع الــي يفقد الناس حيل اذا كانوا مؤ موجودين معي وخايفه اذا خلصت الثنوي افقدهم احيانن اقول عادي ماهمني واحيانن اقول أخاف اذا خلصت الثنوي افقدهم حيل وودي لو أخذ أرقامهن بس مستحيه لأنهم هن مره شطرات وانا مره كسلانه بس وربي مؤ بيدي غصبن عني وهن فصلي كلهن ويعرفن اني كسوله حيل بس هن طيبات ودينات بس انا مستحيه منهم وفي نفس الوقت خايفه افقدهم وثانين انا معرف اسولف مع البنات بالجوال سواء بالرسائل او بالاتصال وكل ما سولفت مع وحده تقول انتي نفسيه وبنت عمي كل شوي تقول حطي الواتس اب عشان بسولف معك انا اطلع عذر عشان اخاف احط واضيفها وبعدها لاسولفت معها في الواتس تقول اني نفسيه وقبل كنت اعرف بنت مره طيــــبهـ وكانت تدق علي وكنت اسولف معها سواليف بايخه لأني معرف اسولف وفي المدرسه احاول اتحاشاه مدري ليه مع انها طيــــبهـ وكنا نسولف في الفصل مع بعض بس الحين هي صارت في فصل غير وسرت ما اسولف معها وهي كانت تحاول كل شوي تسولف معي حتى اختي تقول هي تحبك بس وانا احاول اتجنباها لــين سارت ما تجلس معي بس لاشافتني تجي تسلم علي وشوي شوي لين صارت تتعدى جنبي حتى ماتسلم؟!
الحل تكفون مع الانطوائيه وهالسكوت الــي يجيني فجأه والخجل الزايـد مع اني بالبيت اسولف عادي بس مع صحباتي النطوائيه والوحدة خلتهم يتجنبوني!!!!

>>>>> ردود الأعضـــــــــــــــــــاء على الموضوع <<<<<
==================================


هاذا مشكله مو مشكله هاذا انك انتي تعودتي على الصمت تكلمي اول شئ من قريبتتك بنات عمك وكذا وسولفي معهم وادخلي بسوالف البنات اقري اشياء مفيده عشان لاجلستي تتكلمين تابعي شئ بعدين سولفي عنه بين البنات ترآ انتي بنفسك انك تقولين بغير بنفسي يعني صراحه سمعت بقانون الجذب مدري وش بس انك تسترخين وتكلمين ضميرك بأشياء انتي متقدرين تسوينها مثلا تقولين انا رااح اشد حيلي واجيب نسبه هاذا شئ مو صعب وسهل احيانا ضميرك يأنبك ان ماتقدرين عيدي هالكلام بنفسك مره مرتين ثلاثه لين ماتقتنعين ان مافي شئ صعب بهالدنيا وكل الدروس احفظ كلام وافهم وشئ سهل ان شاء الله يعني يسري لنفسك دايما قولي انا احسن من غيري فيأشياء وشوفي الاشياء الايجابيه احيانا بداخلك تقولين مافيني ولا ايجابيه وحده بس فكري ترى فيك ايجابيات اكثر من حولك وقرئي كثير واهتمي بنفسك ظاهريا عشان تكوني واثقه الثقه تخليك تتكلمين ....الخ
اتمنى افدتك وانتي شدي حيلك وبأذن الله راح تجيبين نسبه انا العام 2 ثانوي الفثل الاول جبت 91 وماعجبتني لان الجامعه الي بدخلها مدري يمكن تقبل اكثر شديتت حيلي وجبت 94 فاصله مدري كم يعني قدرت لاني دخلت براسي ان مافي شئ مستحييييل ^-^
بتوفيق
دعواتك لي


__________________________________________________ __________

الله يعينك

رفع


__________________________________________________ __________


__________________________________________________ __________


__________________________________________________ __________