عنوان الموضوع : ابي حل لمشكلتي مجابة
مقدم من طرف منتديات نساء الجزائر

ابي حل لمشكلتي



السلام عليكم ورحمته الله وبركاته
انا عمري 30سنه وزوجي اصغرمني بسنه يعني عمره 29سنه
انا من قبيله وهو من قبيله غير تقدم لي عن طريق وحده من جماعتهم تدرس معي المهم قبل كل شي قلت لها عن عمري وعن كل شي يخصني وقالو خلاص موافقين مايهم العمراهم شي الاخلاق وتكون طيبه تزوجنا بعد زواجنا بشهرصار يدق بالكلام يعني يتكلم عن العمر يقول صديقي بيتزوج بس زوجته تدرس بالثانوي صغيره ويقول صديقي فلان يقول انا اخاف على زوجتي اخليها لحالها لان عمرها19 صغيره وصصديقي عمره 29
والله حسسني ان عمري 50 سنه
قسم بالله يابنات اني احبه ومخلصه له واني ماقدجرحته بشي ولاقد شفت احد غيره ولافضلت احد عليه هوالكبيربعيني وبقلبي قسم بالله اني اجيب اغراضه لحدعنده الصباح اقومه للدوام تكون ملابسه جاهزه اطلعها من الدولاب واحطها له ع السرير وارتب بوكه حق فلوسه وبطاقاته الخااصه حتى مفتاح السياره اجيبه له اغرااضه اجمعها له واحطها في ملابسه والمويه اجيبها له حتى جواله احطه له بالشااحن يعني كل شي يبيه اجيبه له
الشي اللي يقهرني فيه انه يكررسالفه العمر انا ابيه يقولي بصوره مباشره انت عمرك كذا وانتي اكبر مني بس هو مايتكلم بس ينغز بالكلام فلانه كم عمرها وفلانه صغيره حتى الافلام لما يتابعها يقولي كم تتوقعين عمرها تتوقعين انها صغيره وكذا
حتى لما اسولف له عن سالفه ويكون فيها بنات والا حريم يسال كم عمرها صغيره والا لا
ويقول انتي ليش سمرا طبعاا انا حنطيه وهو ابيض عشان كذا هو يقول انتي ليش لونك كذا ليش ماتستخدمين ابرالتبييض قلت هذا لوني واهو عاجبني
اذا شاف فنانه او ممثله قال ذي هذا لونها او مكياج هذا شكله او عمليات تجميل قلت له لا اكيد شكلها قال لا وييين شكلها اكيد تجميل عشان كذا هي جميله قلت الله اللي خلقها موهي تخلق نفسها
والله جنني حسسني اني عجوز واني جيكرررره وربي اني قبل لاانام اني اتذكركلامه وابكي الين انام ماادري بنفسي المشكله انه كل يوم يقول لي نفس الكلام عن العمرعن الجمال عن البشرررره
ولا يحترمني كل شوي مشكله ويزعل باليومين والثلاث ومايكلمني واذا قلت له خلنا نطلع نتمشى يجيب اعذار انا تعبان انا فيني نوم واذا اتصل عليه احد من زملاءه ع طول يفز له ويطلع
انا اللي اهتم فيه وهو مايعطيني وجه

تكفووون قولوولي وش اسووووووي

>>>>> ردود الأعضـــــــــــــــــــاء على الموضوع <<<<<
==================================


اذا دقك بالكلام..قولي انت اللي رضيت بعمري ماضربت على يدك وقلت تعال خذني..صراحه زوجك مره ينرفز..الله يعينك عليه
والا اقولك احسن شي طنشيه والله ليتعدل..


__________________________________________________ __________

قوليله الكلام الصريح افضل من الالغاز وعرفيه انه وافق قبل الجواز


__________________________________________________ __________

وربي مثلك ياعمري تعالي خاص للاهمية


__________________________________________________ __________

المشاركة الأصلية كتبت بواسطة فرح.
اذا دقك بالكلام..قولي انت اللي رضيت بعمري ماضربت على يدك وقلت تعال خذني..صراحه زوجك مره ينرفز..الله يعينك عليه
والا اقولك احسن شي طنشيه والله ليتعدل..

كلامها صحقولي محد جبرك،،الله يسخره لك


__________________________________________________ __________

اذا كرر الكلام يلي تحكي
احكيله انت مين ضربك على ايدك تزوجني وانت تتكلم وكأنك مغصوب علي
وانتي لا تتنازلي له كثير والله يبطل عندكم كرامه ويبطل يحترمك
خليكي ثقيله عليه خصوصا لما يكلمك كلام ما يعجبك ازعلي وخلي يعرف غلطك ويراضيكي
واحرميه خليه يعرف فضلك عليه