بنتي عنيده -تم الاجابة

[aksachli]

عنوان الموضوع : بنتي عنيده -تم الاجابة
مقدم من طرف منتديات نساء الجزائر

بنتي عنيده



السلام عليكم ورحمة الله وبركاته
أبي منكم الفزعه خواتي والله ثم والله اني اكتب لكم وانا ابكي
من القهر الي داخلي انا على خلاف كبير
مع زوجي وطالبه الطلاق منه واهو رافض الطلاق
واانا حاليا عند اهلي وعندي منه بنت عمرها
ثلاث سنوات وحامل مشكلتي ان بنتي صارت
عنيده عنيده بالمره ولاتسمع كلامي حتى وان ناديتها
ماتستمع لي ولالأحد تتعمد أنها تسكت خاصمتها علمتها
مافيه فايده واللحين اذا عاقبتها تحاول تدور على
امي او أبوي او أخوي عشان يراضونها ويخاصموني
وهم يترضونها ويخاصموني عشانها ماخلو لي كلمه على
بنتي انا نفسيتي بالمره تعبانه منها ساعات ادعي عليه انا وعيالي بالموت
عشان لايفقدوني ولاافقدهم وارتاح من العناء الي انا فيه
لان وجودنا ماله داعي مهمشين مالنا قيمه احس عند اهلي كني شغاله
بس يبغوني اشتغل واقوم بامي وابويه لااقول شي حتى بنتي تعتبرني
صفر على الشمال ماتبغاني الا وقت اللزوم قلبي قسي من ناحيتها
تكفون عطوني حل لاني احس اني كل مالي انهار واحس اني بس كاني شغاله لاقيمه لي عند اهلي وودي بالموت أريح لي من حياة الشقاء
وحتى صرت اطبخ وأبيع عشان اصرف على نفسي وعلى عيالي من فين
اصرف عليهم ماعندي دخل شهري وواحد من اخواني يعطيني بين كل فتره وفتره وأمي كمان تعطيني بس ماابغى أحسس احد أننا محتاجين صرت
اضغط على نفسي وأبيع أبغى أكون مثل الي حوالينا ماينقص علينا شي
وأحاول أوفر لبنتي كل الي تبغى بس اللحين مع زيادة عنادها قسيت عليها
وصرت احرمها من الطلعه او من الايباد او من الملاهي وحتى من الحلويات
واعاقبها في كرسي بس مااحس فيه نتيجه لان غيري يترضاها
عطوني حل لأني وصلت لمرحلة الجنون لاتقولون ارجع لزوجي لانه مستحيل
ماتركته من النعيم ماتركته الا من الجحيم وتركه الصلاه والصيام

>>>>> ردود الأعضـــــــــــــــــــاء على الموضوع <<<<<
==================================

اممممممممممممممممممممممممممممم *.*
عناد بنتج يمكن بسبب اسلوبج وياها والدليل انها تروح لامج و ابوج واخوج
حاولي تكسبيها بالترغيب مب بالترهيب والتخويف يعني باختصار غيري اسلوبج وياها
يمكن بسبب الوضع اللي تمرين فيه ما تكوني منتبهة على تصرفاتج وياها واسلوبج معاها
وثاني شي تضايجين لانج تخدمين وتقومين بأمج وابوج !!!!
ليش ما تخدميهم مثل ما انتي تبي بنتج تخدمج بالمستقبل
ما فيها شي اذا خدمتيهم و بتكسبين من ورا هالشي اجر عظيم
ونضرتج لنفسج لازم تتغير انتي لج قيمة وعيالج لهم قيمة
وبالاخير ما هو عيب ولا حرام لو اشتغلتي عشان تصرفي على نفسج وعيالج
ربي يريح قلبج ويفرج همج ويرزقج
موفقة

استغفر الله العظيم الذي لا إله إلا هو الحي القيوم و أتوب إليه

__________________________________________________ __________

المشاركة الأصلية كتبت بواسطة غرام طفلة اممممممممممممممممممممممممممممم *.* عناد بنتج يمكن بسبب اسلوبج وياها والدليل انها تروح لامج و ابوج واخوج حاولي تكسبيها بالترغيب مب بالترهيب والتخويف يعني باختصار غيري اسلوبج وياها يمكن بسبب الوضع اللي تمرين فيه ما تكوني منتبهة على تصرفاتج وياها واسلوبج معاها وثاني شي تضايجين لانج تخدمين وتقومين بأمج وابوج !!!! ليش ما تخدميهم مثل ما انتي تبي بنتج تخدمج بالمستقبل ما فيها شي اذا خدمتيهم و بتكسبين من ورا هالشي اجر عظيم ونضرتج لنفسج لازم تتغير انتي لج قيمة وعيالج لهم قيمة وبالاخير ما هو عيب ولا حرام لو اشتغلتي عشان تصرفي على نفسج وعيالج ربي يريح قلبج ويفرج همج ويرزقج موفقة استغفر الله العظيم الذي لا إله إلا هو الحي القيوم و أتوب إليه

اجابة كافية ووافية بورك فيك

__________________________________________________ __________

اطلبي من اهلك يوقفوا معك ويساعدونك في بنتك
وبنتك خلي اسلوبك معها مابين الشده واللين...
ومساعدتك لاهلك مافيها شي بالعكس تؤجرين عليها
وبالنسبه لزوجك اذا فيه امل ينصلح حاله ارجعي له
وادعي ربي يصلح زوجك ويهديه وترجعون لبعض
وتقدرين تربين بنتك بكيفك...ويتربوا اولادك بينكم

بالتوفيييييق

__________________________________________________ __________

ارجعي لزوجك
الحل الوحيد

__________________________________________________ __________

انا مع الخت غرام طفلة هي وفت في إجابتها وأنا اايدها وأضيف يجب عليك تغيير التي تعاملينا بها بنتك لان بها الطريقة راح يزيد عنادها وتكرهك وأنا بنصحك تبحثي في gogel عن تربية الأبناء وكمان هناك سلسلة من الدروس كتير حلوة ومفيدة في يوتوب لشيخ محمد يعقوب كتير حلوة وتكلم فيها عن العناد أيضاً راح تفيدك وربنا يفرج همك ويصلح بنتك