عنوان الموضوع : مواقع الزواج -تم الاجابة
مقدم من طرف منتديات نساء الجزائر

مواقع الزواج



السلام عليكم
الكتاب باين من عنوانه احد جرب موقع الزواج سابقا وهل تنصحوني اني اجرب؟
لاني اريد ان احمي نفسي افيدوني

>>>>> ردود الأعضـــــــــــــــــــاء على الموضوع <<<<<
==================================


الاخوات يفيدوكي


__________________________________________________ __________

_

والله صديقه اختي جربت موقع العفاف لانه زي ماقالت موقع ثقه بس الي فيه موب ثقه
عمرها 30 وتزوجت منه وهي وياه الحين في المحاكم
تبي تطلق لانه رجل شاذ وهو رافض يطلقها الا لمن تدفع له فلوس
تقول لجئ للمواقع لان ما احد وافق عليه من معارفه وجماعته
وطاحت فيه خوية اختي الله يفرج همها
وهي من اول شهر زواج راحت لبيت اهلها قالت عنه كلام ماينقال
تقول راعي علاقات وعاهرات وتقول مره دخلت حسابه بتويتر والله وبالله كلهم بنات ليل وباعات الجنس
يدفع لهم علشان ينام معاهم وشاذ ويضربها وسيئ العشره
وتقول خدعها بكلامه بالموقع انه رجل ويخاف الله ويحلف لها انه مظلوم وان الناس مايحبونه لانه متشدد في الدين ويغار على محارمه و و و
لمن صدقته وعطته رقم ابوها وقالت لابوها انه من طرف صديقتي
وهو قال لهم دلوني الناس عليكم وخطبها وتمت الخطوبه والزواج
والحين كشف سرها بعد ماطلبت الطلاق وقال اني عرفت بنتكم من الموقع الفلاني
واني بفظحكم وافضحها اذا مارجعت او تعطوني فلوس علشان اطلقها
وتقول صارت تنحرج من ابوها واخوانها ماعاد صارت تقدر تحط عينها بعيونهم
بس والله هذا نصيبها وقدرها من الله

ادعي لها يا اختي قسم بالله انها تكسر الخاطر
نفسيتها زفت ضيعت نفسها وعمرها
حسبي الله عليه ونعم الوكيل ولد الحرام الي مايخاف الله

ما انصحك فيها يا اختي وربي هي صح ثقه بس الي فيها ناس ما تخاف الله
ادعي ربك وتصدقي , والزواج صح ستر واستقرار بس اذا ربي ما رزقنا لحكمه من عنده نروح نعانده
وندور نصيبنا بـ أنفسنا ولا نتوكل على الله وهو سيختار لنا الافضل والرجل الكفؤ
موب نضيع عمرنا ونروح ندور ناس بدل ما يصونون عشرتنا يبهذلونا كذا
تكفين لاتضيعين عمرك فيها تكفين والله ما منها الا الفضايح والمصايب

أسال الله بمنه وكرمه ان يفرج همك وينفس كربك
ويرزقك بالزوج الصالح الي تكوني قرة عينه ويكون قرة عينك
ويغنيك بحلاله عن حرامه




_


__________________________________________________ __________

وعليكم السلام ورحمة الله وبركاته
طبعاً انا م جربت هالمواقع بس م انصحك تدخلينه .. واذا عزمتي تدخلين هالمواقع صلي الاستخارة ... الله معك


__________________________________________________ __________

صراحهة ماعندي فكره عنه الموقع
بس اسمع انه فيه ناس ثقه واسمع ان الي فيه بعضهم اﻻزين والشين
بس ادعي وقومي الليل وتصدقي وربك كريم


__________________________________________________ __________

راسليني خاص ربي يكتب مافيه خير.