عنوان الموضوع : خالتي المسكينه مجابة
مقدم من طرف منتديات نساء الجزائر

خالتي المسكينه



المشكله مو مشكلتي هي مشكله خالتي

تزوجت وعمرها تقريبا في نهايه العشرين او بدايه الثلاثين
من واحد متزوج ومرته مريضه مقعده الله يشافيها
في بدايه الايام سكنت وياه بنفس البيت ويشهد الله انها حتى لما ولدت خالتي وعندها بنتين تاخدهم وخالتي تطلع وتروح كل مكان طبعا برضا الثانيه تاخذهم منها ومن نفسها و بنتها اللي هي اخت بنات خالتي

بعد مرور اربع لو خمس سنوات تقريبا خوات ضرتها قامو يعاملون خالتي معاملة سيئه لما يزورون اختهم
ومرات يفتروا ان خالتي تراقبهم وتسمع كلامهم
و طبعا اهل زوجها ساكنين بالدور الاول ما اقول انهم مايحبوا خالتي بس يحبون الثانية اكثر ويغيضون خالتي احيانا بحركاتهم
خالتي ماقدرت تصبر على همها وانها فوق ذا ساكنه بشقه صغيره الضيوف يجوها بغرفه نومها و مطبخها ممر الصاله و الحمام اكبر من الغرفه نفسها

انتقلت لشقه لوحدها بنفس المنطقه وصار يروح لكل وحده يوم وترك
لما ولدت بالصبي زوجها قام يكرهها ماتدري وش السبب الشقه الجديده او الصبي قامت توصل للضرب و احيانا الشتم مع انه متدين ومعروف بالتدين
و هي مستغربه ان لما تروح بيت اهل زوجها يمزحون ويتكلمون يقولون لزوجها خذتك الثانيه اللي هي خالتي و يشوفون ان ولدهم يعشق خالتي وماخذته مادروا باللي في نفس البيت

من لما انتقلت للشقه الجديده والمشكال وراها صادها هبوط في الرحم ومثبتينه بشي صغير واقترحوا عليها تسوي ترفيع للرحم وهم خبروها باضراره
وبنتها الكبيرة قامت تصر انها تبات في بيت خالتها زوجه ابوها وماتشوف امها بالاسبوووووع احيانا وزوجها عادي عنده الوضع ولما تتكلم توصل للضرب
والله انها تكسر الخاطر حتى لما تطلع معاه بالغصب على بحر لازم القعده تخترب
مثل مرة بنته من زوجته الاولى كانو قاعدين بحديقه اتصلت لابوها تبي سندويتشات من مطعم قريب للبيت مقابله قام وشتم خالتي و بسرعه يبي يشتريلها مع ان عمامها بالبيت وجالسين خارجقبال المطعم ماقلت لهم

وهي من همها صار وجهها اصفر شاحب جسمها مترهل تلبس مية حاجه تخاف يطيح رحمها ماتتهنى جيتها بيت جدي من حركات اولادها


وش الحل ؟
ليش يصير معاها جدي ؟
تتوقعون ليش ؟


ساعدوني اخواتي ابي اساعدها المسكينه

مشرفات تكفون نزلوا الموضوع وردووو

>>>>> ردود الأعضـــــــــــــــــــاء على الموضوع <<<<<
==================================


رفع


__________________________________________________ __________

الله يفرج همها و يسخرله زوجها
مالها إلا الصبر ..في كتير رجال ما بيحسوا بقيمة زوجتهم إلا لما يفقدوها ..
خليها ببيت جدك لحتى الله يهديه و لازم انتو ما تتركوها ابدا خليها تستأنس فيكم و تحس انو في ناس معاها على طول ..ربي يهدي سرها و يوسع صدرها و يفرجها عليها


__________________________________________________ __________

انا اعرف وحده تشبه لقصه خالتك بس ماوصلت لمواصيل خالتك يعني اشوا منها بس زوجها تزوج عليهآ وراحت لبيت آهلهآ وعيالها يتملعنون عليها مرا معها مرا ضدها بس كل ماصاروا ضدها رجعولها بالاخير لانها ماتعطيهم وجه ولاتعطي زوجها وجه ومبسوطه ببيت ابوها ومعززه ومكرمه مابقول خلي خالتك تطلق على انه الصح انها تطلق بس دامها صبرت كل هالصبر اكيد ماببالها فكره الطلاق بس احسن حل لها تروح لبيت اهلهاا تكسب صحتها اقل شي وعيالها اذا يبغونها الله لايهينهم اذا افتكروا ان عندهم ام يجون لبيت جدانهم ويسلمون عليها اما تقعد تضحي بصحتها وبايام عمرها لعيالها اللي ماقدروها وقلبوا حياتها لجحيم ووقفوا ضدها وهم المفروض يوقفون معها برايي تروح لبيت اهلهاا حتى لو ماتطلق بس تروح لهم عشان ترتاح ويمكن زوجها يحس بغلطه الحين السالفه مو عن ان زوجها ملعون والا عيالها يقهرونها السالفه الحين بصحتها يمكن تخسر صحتها مثل ماخسرت ايام عمرها مع زوج مايستاهل لازم ترتااح وتعيش حياتها بعيد عن هالاجواء الحاليه لازم تعلم اهلها بكل شي وتروح تقعد عندهم لو شهر اقل شي كذا بتدمر صحتها ويمكن يجيها اخطر الامراض بسبب النفسيه اللي فيها كل شي ضدهاا عيالها وزوجها وحتى صحتها بدت تخسرها تدريجياا خلي امك تكلمهاا لاتسكتون عن حالها كذا بكرا بتندمون لو صار لها شي بسبب زوجها وعيالها حسبي الله ونعم الوكيل وبعدين زوجها وين متدين ويخاف الله ؟ حسبي الله على امثاله ربي فوقه واذا هو متدين ويفهم بالدين بيفهم جزااته وانتقام ربي منه على اللي يسويه ب هالمسكينه


__________________________________________________ __________

لاحول ولاقوة الا بالله العلي العظيم

انا حاسه في شي بالموضوع مو واضح ابدا
حاولو انكم تستضيفون خالتكم كم يوم عندكم ترتاح نفسيا
وعليها ان تعمل رقيه شرعيه نعم قد يكون نفوس حسوده لنفسها وبيتها
وتنتبه لنفسها طبيبا
واذا فيه احد كبير يكلمه من اهلها ان مايضربها وهي مريضه
وعليه الدعاء والاستغفار وتشرب ماء زمزم ونيتها ان الله يصلح امرها (ماء زمزم لما شرب له)
والله يكون في عونها
ولاحول ولاقوه الا بالله العلي العظيم


__________________________________________________ __________

الله يبصرها يارب ويعوضها خير