عنوان الموضوع : ابي اعيش مرحلة المراهقة بدون حب وخرابيط !! -لصحتك
مقدم من طرف منتديات نساء الجزائر

ابي اعيش مرحلة المراهقة بدون حب وخرابيط !!



السلام عليكم ورحمة الله وبركاته
اهلين بنات وسيدات المنتدى ..
اممم مشكلتي او تقدرون تقولون فضفضتي يمكن تكون معقدة بس اتمنى من كل قلبي تساعدوني الله يوفقكم ..

انا انسانة م اعترف بالحب قبل الزواج ابدا ابدا واصلا انا لسا صغيرة ع الحب وماعمري توقعت اني بنزل موضوع زي كذا بس ب_ب محتاجة رايكم .. المهم انا لما كنت صف رابع مدري صف ثالث كان اول مرة مدري ثاني مرة اسافر بلدي وطبعا تعرفت ع عيلتي وحبيتهم الحمد لله الزبدة انا كل ما اروح عند خالي او ولد خالي يجي عندنا كنت اروح اقعد معاهم بحكم اني لحين ماتحجبت وكنت صغيرة المهم **هاذا ابن خالي شي عجيييب !! اخلاقه ، شكله ، استهباله ، ضحكته ، حتى ماشاء الله حافظ قرآن كل شي فيه عجييييب .. وكنت احبه اكثر واحد ف العيلة وكان حبي له بريء يعني بس لانه حبوب وكذا يعني المهم لما خلصت الاجازة رجعت وعقب بعد كم سنة سافرت مرة ثانية بس كنت البس حجاب وعباية ماتنقبت لسا وكنت نفس الحكاية احب اشوفه بس ماصرت اقعد معاهم لاني تحجبت وصرت احببه بجنون اكثر من اول بس ما كنت اعترف بالحب كنت اقول هذا مجرد اعجاب .. واتمنى انه يكون زوجي المستقبلي .. وحتى كنت ادعي ف صلاتي المهم بعدين رجعنا الخليج وبعده بفتره هو جا البلد اللي انا عايشة فيه عشان جاته بعثه للدراسة تدرون عاد ايش اول شي خطر ع بالي !!! انه هذا شي يساعد ع انه يتزوجني لما نكبر ههههههه ادري اني هبلة بس الله يعيني المهم اكمل لكم ولد خالي يوم جا كنت خلاص تحجبت عدل وما اطلع ع الرجال وحتى ابن خالي وابناء عمومي المهم هو يسكن ف السكن حقت المدرسة وكل ما يجي بيتنا يزورنا يوسوس لي الشيطان استغفر الله .. اتعمد ارفع صوتي وانا اسولف مع خواتي او امي >> مدري ليه يعني بحبني من صوتي مثلا !! << **.. اتعمد اقرا قران بصوت عالي لان الحمد لله صوتي حلو .. وعقب اندم لاني سويت هالشي لان صوت المرأة عورة .. واحنا ماعندنا زواج من العايلة يعني مافي حد من عيلتي متزوج من العايلة والصراحة مدري ليش .. وما اتوقع امي وابوي متمسكين بهالعادات المتخلفة .. يعني ممكن لو كبرنا وتقدم لي يوافقون .. المهم انا كتبت هالكلام الطويييل لاني ابي نصايحكم كيف انسااااه او مو شرط انساه لانه من العيلة يعني دايما بشوفه بس يعني مابي احبه ابي يكون قلبي فاضي لان لو ماحصل نصيب مابي اخون زوجي المستقبلي وثاني شي شلون امسك نفسي واخلي الشيطان ما يوسوس لي وما ارفع صوتي
صار لي فوق 3 سنوات اعاني من هالمشكله**
واسفه اذا كان كلامي وقح او جريء وربي مب قصدي بس استحي اقول لاحد ولقيت انه هالمنتدى جزاهم الله خير يكتبون المشكله بدون ذكر اسامي ف طرحت مشكلتي ووومعلومة اخيرة انا عمري **14 وممكن من الحلول اللي بتعطوني اني اشغل نفسي بقراءة القرآن او الدراسة انا بقولكم الحمد لله انا عندي ورد يومي ومهتمة بدراستي نوعا ما واكثر شي افكر ف ولد خالي وقت النووم ب_ب .....

وكل كلمة كتبتها انا صااادقة فيه


تكفوووون مابي ردود تجرحني او تسب ف تربيتي الحمد لله اهلي مربيني احسن تربية

اعتذر ع الاطالة

في امان الله

انتظر ردودكم

>>>>> ردود الأعضـــــــــــــــــــاء على الموضوع <<<<<
==================================



14
حبيبتي هذا شعور مراهقات ويزول مع الايام.,
عيشي حياتك وطفولتك الان.,
ولاتهتمي بوجوده.,
لأن تصرفاتك من الصوت العالي وغيرها راح تجذبة
لكن ماالفكرة التي سأخذها عنك؟



المهم رددي (اللهم لاتعلق قلبي بشيء ليس لي)


__________________________________________________ __________

والله يرزقك الزوج الصالح
وان كان هذا الشخص سيسعدك
يارب يكون من نصيبك


__________________________________________________ __________

القلوب مو بأمرنا و الحب ما هو حرام اذا ضل بالقلب
دائما اتذكري انو ما رح تاخدي الى نصيبك حاولي ما ترفعي صوتك وما تقربي منه
فكري انو بجوز يفهم حركاتك ويعتبرك مو منيحة
خلي مسافة بينك وبينه
والله يقدم اللي فيه الخير


__________________________________________________ __________

بعدك صغيرة ياعمري .. هذي بس تفكير مراهقة.. بكرا تكبري وتشغلك امور اخرى ومسؤوليات

الله يوفقك


__________________________________________________ __________

حبيبتي لازم نعيش كل مرحلة ومرحلتها بس لازم نعرف كيف نعيشها بدون اخطاء ولا خرابيط وهذا الشيء احنا نتحكم فيه وحتى لو كان فيه اخطاء لازم تكون اخطاء بسيطة يتغفر عنها.