عنوان الموضوع : آآخ زوجي يخوني بكل برود مجابة
مقدم من طرف منتديات نساء الجزائر

آآخ زوجي يخوني بكل برود



سلام عليكم ورحمه الله وبركاته

انه فتاه ابلغ من العمر 20 سنه متزوجه لمده سنه والبيبي جاي في الطريق

مشكلتي هي زوجي الله يهداه

البارحه كنت تعبانه رجعت من بيت امي ودخات غرفتي عشان انام

كان هو يطالع تلفزيون مره وحده طلع من الغرفه تأخر شوي
وعقب رد رجع وطالع شوي ورد طلع

عقب رجع ورد طلع مره اخرى

وانه ماكنت حاطه بالي لان تعبانه
عقب جاني الهام قال لي قومي جوفي تلفونه هني او لا

اكتلشفت ان تلفونه مو في الغرفه يعني شلون واحد بدور في بيتهم والتلفون معاه !!

عقب رحت الحمام وانتو بكرامه الى هو داش وعليه الفانيله مالته

بس ماكان عليه فانيله !! اهو يمشي في البيت بدون الفانيله ليش لبسها اكيد بيطلع بره !!

الى اقوله من شوي ماكنت لابس الفانيله شلون لبستها الحين قال احس ابروده !!
لكن قلبي كان قارصني اخذت التلفون بالحيله من عنده لان ماكان راضي يعطيني اياه على اساس ان بدز لي رنات

وقام اهوو فز من النوم وقعد يدور متوتر !!

قمت على اساس اني محتاجه ادش الحمام وانتو بكرامه دشيت الحمام وعلى طول دشيت السجل مال التلفون
وجفت رقم ومسجات متكرره فتحته بجوف التاريخ طلع انو توه متصل لهم من شوي

اخذت الرقم وسجلته في تلفوني واتصلت عليه من تلفونه الى بنيه تقول الووو الووو الووو الوو

وتجييييني الصاعقه ماعرفت شسوي

وطلعت وفلت الهاتف في وجهو وقلت له انت ماتستحي بتكلم بنات

وهذي مو اول مره اصيده !! بس كان دايما يطلع نفسه !!

انه اعرف ان يحبني ويموت فيني بس مادري ليش يسوي جذي

قام يكذب ويقول ان هذي محد ومادري شنو عقب انه عصبت وقمت اضرب في نفسي ومع العلم كنت حامل فهو خاف علي وقام يبكي ويقول لا تسوين في روحج كذه انه بقولك كل شي

قال انها متصله بالغلط واتصل لها عشان يعرف شتبي

عاد انه ماصدقت لاني مو هبله وقلت له ه كلمها وقام يكلمها وهو كان على السماعه الخارجيه
وكان يستهبل يقول لها شفيك تتصلي ومادري ايش
عقب قلت له من كلامك يبين كذاب

وخذيت التلفون واتصلت لها قدامه وخليته ع السبيكر وقلت لها ليش تتصلي على هالرقم قالت اهو الي متصل مو انه قلت له جفت شلون !! وكان هي على الخط وعقب قامت تحكي وقالت اهو يطرش لي مسجات وغيره وكنت متصله بالغلط بس اهو يبي يتعرف علي قمت ابكي في التلفون وقلت لها ان هو متزوج انصدمت وقالت لي اهو قال لي مطلق ومحتاج مو متزوج

قام اهو اخذ التلفون وقال لها لاتنكرين انه ماقلت لج كذا

وعقب قطعته في وجهه وقمت اكلمه وصارحني وقال انه اهي متصله بالغلط لكن مايدري شصار فيه وقام يكلمها لمده يومين فقط وقام يحلف على القرآن

وقلت له انت ماخفت من الله وذكرته بدينه وقام يبكي وذكرته انه شذنبي تخوني قلت له فيني شي ناقص قام يقول والله احبك ومافيك شي ناقص

بس انه فيني شي ماعرف شلي يخليني اسوي كذا معني احبك بس مادري شلي يخليني اواصل على كذا

وقلت له بنعيش حياتنه تمثيليه لاني تعبت منك مجرد بنعيش العشره بحكم انه انه حامل الحين وماقدر اخليه !!
ولا اقدر ارجع بيت امي لان عندهم مشكله والوالد مريض مابيه يمرض اكثر !!

تعبت والله تعبت منه مادري شسوي كل يوم ابكي وابكي وابكي ماعندي حل غير هالشي

وهو دايم يبكي ويقول لي سامحيني بس انه ما اثق فيه واحس اني اكرهه واحبه بحكم العشره الي بينه لا غير !!

قلت له هاي كلها زهوات او وصخ الدنيا ومو انه بحاسبك الله هو الي بيحاسبك

وحاليا مو عارفه شسوي ساعدوني الله يرحم والديكم

>>>>> ردود الأعضـــــــــــــــــــاء على الموضوع <<<<<
==================================


االله يعينك حبيبتي والمشكلة البيبي في الطريق لازم تخليه يغير رقمه ويغير معاملته معاك قبل لا يجي المولود ..الله يخليه لكم .قولي له ان كررتها راح اشكيك على اهلك وماعاد في تفاهم ...اتمنى لكي حياة سعيدة شكل زوجك يستهبل من اولها ..الله يستر عليكي ..تحياتي ,


__________________________________________________ __________

الله يعينك يا قلبي
خلاص عطيه فرصه بس عشان البيبي وخليه يوعدك انه ما يعيدها واذا كان يحبك فراح يرضى


تحياتي


__________________________________________________ __________

استغفري وااااااااااااااااااااااايد
و ربي بيفرج همج


__________________________________________________ __________

حبيبتي انا مريت بنفس مشكلتك وكنت حامل 6 شهور والله حاسه فيكي بس انا صبرت وطولت بالي لأني بحبه وما تركتو يروح من ايدي لأنو معدنو طيب اذا انتي بتحبي تمسكي في ولا تتركي لوحده غيرك بس لازم اتعاقبيه انا منزله موضوع الي بعنوان ......مشكلتي ما كسرتني خلتني اقوى ........اقرأي موضوعي وكوني متلي قويه انا صبرت ونلت وهلا عندي 3 اولاد وصارلي 10 سنولت متزوجه والحمد لله كتيييييييييييييييير مبسوطه والله يصبرك حبيبتي


__________________________________________________ __________

شوفي بقولك شي واضح وصريح ويمكن يكون كلامي دفش اشوي
اي اتنين متزوجين لازم ايمروا باللي انتي اتمرين فيه الحين ومو تقولين اني اصغر السالفه بس مابيك تنكدين علي روحك وانت حامل ..
عطيه فرصه تانيه علشانك لانك انتي اللي تبكين وضايق صدرك ولانه لو مايحبك ماحس بالندم واحد غيره كان مااهتم وقالك بالطقاق ولان الحياه بينكم ماراح توقف عند هالموقف ولا تخلين للشيطان وبنات السؤء ثغره لانه مافي احد بيخسر غيرك ...
عسا ربي يهديه ويسخره لك