تفكيري مشتت .. احكمو بنفسكم مجابة

[aksachli]

عنوان الموضوع : تفكيري مشتت .. احكمو بنفسكم مجابة
مقدم من طرف منتديات نساء الجزائر

تفكيري مشتت .. احكمو بنفسكم



السلام عليكم

بدخل بالموضوع على طول قبل شهرين تقدم لخطبتي شاب عن طريق وحده من قرايبي
كنت متردده بمسألة العمر بالبدايه لاني سمعت انه اصغر مني بسنه لكن على اساس مواصفاته
وافقت امي يجون يزورونا وقالت شوفيهم ..دعيت ربي بنفس اليوم انه يطلع اكبر مني وفعلا يوم جو خواته
قالت وحده منهم انه اكبر وكانت ملخبطه بمسالة العمر
وحمدددت ربي حسيت انه نصيبي لان دعوتي استجابت ومواصفاته ماتتفوت وماحطيت في بالي ان بيجيني واحد زي كذا
اعجبو فيني وقالو ضروري الشوفه تكون بعد بكره لان اخوي مستعجل لانه مبتعث وباقي له شهرين ويسافر واهلي اعذروهم ووافقو ان الشوفه تتم بهالسرعه

شافنا بعض ارتحت له وارتاح لي
واليوم اللي بعده على طول ردو لنا بالموافقه وكانو يترجون اننا نوافق ويمدحون فينا
اهله كلمو قريبتي اللي جو عن طريقها وقالو لها لو صارت مهرها بيكون 80 الف والذهب وكل شي علينا

من سمعت هالكلام فرحت حسيت انهم فعلا شاريني وانا والله ماتهمني الشكليات
جى اليوم اللي بعده الولد اخذ موعد للتحليل كل ذا على اساس استعجاله على البعثه
وهالفتره ابوي كلم اصدقاء الولد مدحوه وواحد منهم استغرب ان عنده بعثه وهو صديقه
ماهتميت للموضوع قلنا يمكن مايدري وسوينا تحليل
وطلعت النتايج سليمه وخذو موعد هم علشان يجون يخطبون رسمي
ويحددون الملكه
بهذا اليوم قلت لااتفقو على كل شي كنت استنى اعلن لقرايبي الخطوبه كنت ابغى يفرحون لي
جونا البيت
لما طلعو ابوي حسيته خاب امله فيهم يقول مااخذت منهم لا حق ولا باطل كل شي يمكن ويمكن
واكتشف ان ماعنده بعثه اساسا اخته تبغى تقدم على حسابها ويمكن يروح معها ويمكن لا طيب ليه ماكانو واضحين وقالو هالكلام
والولد مو مكون نفسه تخرج وتقدم
توظف بعد الخطوبه براتب بسيط
ولا عنده شقه وهو كان قايل لاابوي عندي
كان يقصد شقت الحكومه تبع اخوه
او شقة واحد من اخوانه المطلقين
والمهر كان يساوم اخوي على مهر زهيد مايكفي اسوي به شي اخوي من هنا قال لي ماعجبني ماطلعت منه كلمه حلوه ع الاقل لو يقول تستاهل اكثر بس انا مايتوفر لي لكني شاريكم يعني من هالكلام المنمق ..كان حنا اللي نساعده مو يساوم فيني كأني بضاعه قهرنا تصرفه ورغم الكلام اللي سمعناه من اخته شي ثاني بخصوص المهر
اخر شي اخته كلمت امي وقالت هذا اللي عندنا المهر الفلاني وتشترون شاب طموح !
بنو لنا احلام وامال واستبشرنا فيهم خير واخرتها كذا ماطلبنا منهم شي هم اللي قالو وماحطيت في بالي ممكن كل هالكلام مايطلع صحيح وانهار كل شي ..رغم ماجبرناهم وطلبنا الصراحه من اول يوم لو جايين بصراحه بالعكس كان واثقنا فيهم ورضينا باللي عنده على اساس امانته واخلاقه بس خلونا بخوف وبشك
ورغم هذا كله صليت استخاره مره ثانيه وتنازلت على اساس انه طموح
امي من خوفها علي لانها ماضمنت منهم شي يأمن لي حياتي
طلبت منهم طلبات وقالت لو هم شارين بينفذون
والكل يقول ذي اساسيات مو طلبات
انه يحط لي شقه ويأثثها بأثاث زين ويجب عقدها عشان تتطمن لانها بصراحه من بعد كل ذا ماصارت تثق فيهم اخته زعلت من لان امي طلبت هالطلب واعتبرتها تخوين
والزواج يكون على حسابهم لان المهر قليل ومايساعد بشي يادوب يكفيني وعلينا حفلة الملكه
ويسفرني شهر عسل
اتصلو ثاني يوم وقالو مافي نصيب
الشروط ماجازت لهم
طيب احكمو انتو مين اللي غلط
مرات احس بتأنيب ضمير وبندم اقول لو اني مكلمته شخصيا وتفاهمت معه ماكان افضل وممكن يحل شي !! ماكنت ابغى اكلمه الا بعد الملكه
بس اقول لو كلمته تفاهمت بمصيرنا واخذت منه الكلام مو من اخته هل كان ممكن يحل شي
مادري صراحه عقلي يودي ويجيب
بس اللحين بعد ماانتهى كل شي كرامتي ماتسمح لي ندمت من اول هل انا غلطانه ولاهم
وش رايكم ؟
واللحين احس ماني قادره انسى الولد وشكله بعد ماقتنعت فيه وماتوقعته يخذلني .. وش كان المفروض اسوي ؟؟ مر على السالفه شهر ونص تقريبا وانا كل يوم افكر فيها ولو سوينا كذا ماكان صار كذا ولو ولو لو ..شورو علي عقلي بينفجر وهو مايروح من بالي

حسبي الله وكفى
الله يفرج همي
دعواتكم لي بظهر الغيب ان الله يعوضني ويجبر كسر قلبي

>>>>> ردود الأعضـــــــــــــــــــاء على الموضوع <<<<<
==================================

اول شئ يا قلبي ما اشوف تصرف اهلك به غلط
و لا احبذ التنازل خصوصا من البدايه
انتي كل ما تذكرين هالموضوع قولي
انا لله وانا اليه راجعون اللهم اجرني في مصيبتي و
اخلفني بخير منها ثلاث مرات
و قولي قدر الله و ما شاء فعل
لا تفتحين على نفسك باب لو
لأن لو تفتح عمل الشيطان
و انتي استخرتي و هذه خيرة ان شاءالله
القادم بإذن الله تعالى اجمل و افضل
اجعلي ثقتك بالله هي الاساس بان الله راح يعوضك بالافضل
لا تندمين عليه
بالعكس هو ما تمسك فيك فلا تزعلين نفسك عشانه

موفقة حبييتي

__________________________________________________ __________

المشاركة الأصلية كتبت بواسطة خواطر صامته اول شئ يا قلبي ما اشوف تصرف اهلك به غلط و لا احبذ التنازل خصوصا من البدايه انتي كل ما تذكرين هالموضوع قولي انا لله وانا اليه راجعون اللهم اجرني في مصيبتي و اخلفني بخير منها ثلاث مرات و قولي قدر الله و ما شاء فعل لا تفتحين على نفسك باب لو لأن لو تفتح عمل الشيطان و انتي استخرتي و هذه خيرة ان شاءالله القادم بإذن الله تعالى اجمل و افضل اجعلي ثقتك بالله هي الاساس بان الله راح يعوضك بالافضل لا تندمين عليه بالعكس هو ما تمسك فيك فلا تزعلين نفسك عشانه موفقة حبييتي

__________________________________________________ __________

اولا اعتقد اخته متحمسه اكثر منه لانو زواجك من اخوها يصب في مصلحتها ،
ثانيا مدام من البدايه صار فيه كلام باهت معناته الزواج كله مبني ع اساس خبط لزق
ماكان فيه اي ترتيب غير انو يزوجونه وتطلعون مع اخته للبعثه
قرار اهلك كان قرار ذكي مبني ع جس النبض وبالفعل بان لهم الحق
انا انصحك انك لاتندمين ب العكس انتي صليتي الاستخاره وقد يكون هذا سبب لصرفه عنك
بوسي يدك وجه وقفي واسجدي لله سجدت شكر
احنا في زمن قل فيه الرجال
اكثري الاستغفار وادعي الله يرزقك رجل حقيقي وليس ذكر فالفرق واضح
بين الرجال والذكور
تقبلي مروري ودعواتي لك ب التوفيق

__________________________________________________ __________

انتي كنتي تصلين صلاه استخاره لو فيه خير كان تم كل شي بس الله بعده عنك زواج قسمه ونصيب مو منصيبككككككككك ماجاء نصيبك للحين

__________________________________________________ __________

السلام عليكم
صاحبة المشكلة
أنتي و أهلك و بالأخص أمك
ما غلطتوا بأي شي و هم اللي
غلطوا لأنهم من البداية ما قالوا
كل شي بوضوح فعشان كذا كل
واحد باعك بيعيه و اشتري راحة
بالك مو تفكرين فيه و أعيد و أكرر
هو الغلطان مو أنتي و لو هو شاريك
كان سوى المستحيل عشان يجيب
طلبات أمك و أمك ما طلبت شي
كبير كلها شقة و أثاث و يكون العقد
عندك عشان تضمنين مستقبلك .
و إن شاء الله أكون أفدتك .