عنوان الموضوع : ابوي ياناااااااااااس مليت -لصحتك
مقدم من طرف منتديات نساء الجزائر

ابوي ياناااااااااااس مليت



السلام عليكم


انا عندي مشكله واحسس بغص بحلقي


كله من ابوي الله لايوفقه ولايسعده


جعلي احضر عزاه اليوم قبل بكره لاني انغثيت انا وامي واخواني كلهم


انا بقولكم قصه ابوي والله الشاهد علي ماكذبت عليكم بحرف


انا ابوووي غني معه فلووووس


لكن الفلوس تروح لغيرنا

عياله ماصرف عليهم ..معيشنا عيشه جهنميه


ابوي اناني مايحب الا نفسسسه بس


بقولكم وش مسوي فينا


تخيلو انا اطره من اشهر افصلي نظاره وعدسات يقولي مالي دخل فيك

مو مسؤل عنك

ويجي اخوه يطلب منه تسديد ديونه يقوم طيران يروح يصرف

يسدد ديونه

..

اخوي الضعيف ابوي رافض يعطيه فلوس للعيد قال بروح احجز

لي ولااخواني ملابس للعيد وانت روح ادفع سكت

تدرون راح المحل رجع كل اللي حجزوه

اخوي الصغير عمره خمس سنوات فرحان يبغى جزمته

يوم شاف ابوي قال مالك شي

كسر بخاطره وربي جالس طول الليل يبكي

.. ويطلع تدرون وين راح , راح عند ابوه قالت مرت جدي مافيني حيل

اطبخ للعيديه قال ابشري اخذي هالفلوس قيمه الطبخ برا البيت

وهو قبل ساعه كاسر خاطر اخوي

..

وابشركم قبل لايطلع البيت فاضي قلنا له ترا مافي اكل

وانت راجع جب معاك سندوتش للبيت كله


تدرون وش دخل معه جاب سندوتش حقه ودخل المجلس يأكل وقفل عليه


بالله ليه الانانيه اللي فيه .. مو عشانا انا مابي شي

اخواني الصغار جواعا والبيت فاضي

...


وكاسر خاطري دايما احس اني مو بنت ويلبي كل طلباتها

تخيلوا عمتي جايتنا اقوله ابي فلوس يقول روحي ما معي شي

وتجي بنت عمتي تقول خالي ابي فلوس يقول ابشري ويعطيها قدام

عيوني

بالله عليكم ذا ابوا


..

واقولكم مع انا ابوي غني لو تشوفون بيتنا وربي خرابه قسم بالله خرابه


يعني تخيلوا كم شخص بالبيت يستخدمون حمام واحد وبالدور

نقوله صلح باقي الحمامات مامعي فلوس


وين مامعه اقسم بالله معه واكثر ..ونسمع انه مزين بيت فلان وعلان

واذا ناقشناه قال فلوسي واناحر

يالله يارب انك تسلب منه هالنعمه لاني تعودت على عيشه الفقر واكثر


واخبركم زياده المجلس اللي نجلس فيه الزوليه


اختفى لونه كل شي منكب مو راضي يغيرها اقول بنشيله وبنرميه

قام يصارخ علي ويهدد قسم بالله يابنات انا ريحتها عفنه

وامي ياحسرتي عليها كل ماجاء احد من خوالي قالوا لها رجلك

تأجر وانتي جالسه على هالحال

تسكت وش تقول وجه فقر

..

انا يابنات علي ديون اشرح الوضع انا بنتك سدد لي يقول مالي دخل

واسمع انه سدد ديون عمتي يقول فلوسي


تقولون ذا ابوا لاحشى وربي اتمنى موته اليوم قبل بكره

صبرنا كم سنه الوضع ماينطاق ابدااا


تخيلوا وش يقول لو مت وصيتي نص فلوسي لخواتي والجمعيات

هو انت موت ومانبي شي لانا ملينا
...
واذا مرضنا مافيكم الا العافيه

بس اذا هو مرض راح الدكتور

ولا احد من العايلته الموقره راح يتصل يتطمن لو محتاج شي عطاه

بالله وش اقول وش اخلي تعبت تعبت تعبت

تخيلوا حريم عماني كل وحده تتباهي بالذهب اللي عندها وشرالي

زوجي وانا ابوي ماعمره بحياته مد امي بذهب

تخيلوا يتوسط لخلق الله ويوظفهم ويقول لااختي المتخرجه

دبري عمرك

وغير كذا مايعترف فينا الا بريال خبز

والله يبنات انا هالعيد مالي عيد ماعطاني فلوس اشتري لي ملابس

مع ذالك يقول انطقي

تخيلوا بالجامعه وش اسوي مصروف مايصرف علي

ومكافأتي ماتكفي كل شي يقول عندك فلوس

اي فلوس هي اول ماتنزل المكافأه اشتري اللي بخاطر امي

واحاول اواسي اخواني بااقل شي وانا ولاشي حتى

وربي انحرج من البنات يقولون وراك ماتأكلين

وش فيك متضايقه

اقول بالعكس انا سعيده بس فيني نوم


بنات انا ماابي منكم شي غير دعاويكم


تكفووووووووووووون وربي طول امس منهاره

انا طابت نفسي من شي اسمه ابو طابت نفسي من شي اسمه حياه

طابت نفسي شي اسمه اهل اوقرايب

>>>>> ردود الأعضـــــــــــــــــــاء على الموضوع <<<<<
==================================


لا حول ولا قوه الا بالله

الحمد لله بابا احسن من كدا بس مشكلتو انو عماتي يقلهم سمعا وطاعه

حبيبتي امكن لا سمح اللع احد مسويلو مس لا سمح الله

حبيبتي شغلي سورت البقره كل يوم باعلى صوت وما يهمك

ويوم الجمعه شغلي الكهف وخلي كول البيت يقراها

بس حبيبتي لا تدعين على ابوكي والله مالك بالدنيا غيرو

تحياتي

سندوسه


__________________________________________________ __________

ربي يفرج همك وغمك ويقضي حاجتك


__________________________________________________ __________

الله يفرج همك ويصلح والدك
قادر على كل شيء
امين

تحياتييييييييييييييييي


__________________________________________________ __________

يارب يفرج هم يارب ويسسخر ابوكم لكم ويحنن قلبه لكم يارب


__________________________________________________ __________

الله يفك كربك
ويحنن قلبه عليكم