عنوان الموضوع : زوجي الى متى -تم الاجابة
مقدم من طرف منتديات نساء الجزائر

زوجي الى متى



السلام عليكم ورحمة الله وبركاته

بدااية اسال الله أن تكونوا بخير وعافيه

اخواني وخواتي انا مانزلت المشكله الا ابي الحل الشافي وابي الصراحه المتناهيه
مابي احد يجاملني في موضوعي والله ان مشكلتي مأرقتني وعجزت القي لها حل

وللعلم أنا طرحت المشكله سابقا بس للاسف اغلب الاعضاء ركز ع نقطه معينه في المشكله
وترك الباقي ارجوووكم ركزو في جميع نواحي المشكله ولاتهملون جانب..

مشكلتي..متزوجه من اربع سنوات وعندي ولد الله يحفظه من تزوجة ياعالم وانا في مشاكل
مع زوجي متفاوته مابين القويه والبسيطه اللي تنحل ..

زوجي من النوع اللي يحب المرأه المطيعه دائما وابدا في الصح والخطأ مايبي اي اعتراض ولا نقاش
ولا حوار حتي لو كان سلمي وهادي مثلا لو قال لا مافي روحه للمكان العلاني انا واجب علي
في هاللحضه اسكت حتي كبمة ( ليه) مرفوضه ولو قلتها معناته انا في نظره عاصيه له ..

يحب التدخل في كل شي في المطبخ في التنظيف في الملابس في التسوق في كل شي
وتدخلاته لها مبرارت يراها انها سبب كافي في تدخله يعني مثلا اظف غرفة النوم واغير ديكورها
احط التحف في مكان اشوفه مناسب يجي يغير كل شي ليه؟؟ يقول مكانها مو مناسب
مايعطيني الحريه بتاتا في بيتي كل شي يمشي ع هواه ومزاجه

عصبي.. جدااااا جداااا يعصب من شي ومن لا شي يعني ممكن اجي بهدوء ورومنسيه ( حبيبي اروح
للمكان الفلان ؟؟) يجاوب بصراخ ولا يتحمل شي من عصبيته يتلفظ بابشع الالفاظ توصل الفاظه لجرح المشاعر
طبعا عصبيته مو بس علي حتى مع امه وابوه واخواته يعني هذا طبع فيه


يشوف ان المرأه مسيره وليست مخيره ويرأ انه تكرما منه يشاورها والا الاصل مالها شور

في كل مشكله تافهه او قويه يقول ماعجبك روحي بيت اهلك يعني يطردني
من عصبيته واذا هدا يتاسف ويقول من العصبيه اقول هالكلام

خلال سنوات زواجي الاربع سنوات حصلت اربع مشاكل كبيره تدخل فيها الاهل
وكلها تافهه وتكبر بسبب عصبيته وتفاهة تفكيره

المره الأولى اختلفنا اختلاف بسيط وقال ماعجبك روحي بيت اهلك ماسكت له خصوصا اني دايم اعديها
له بس في المره هذي قلت لك طلبك بروح بيت اهلي هنا صحصح وحس ان الموضوع جد كان متوقع اسكت
زي كل مره المهم قلت ودي لاهلي قال قولي لابوك وفعلا اتصلت وهنا كانت صدمه له ماتوقع اني اكون جاده
واتصل ع ابوي خصوصا انه يحترم ابوي جا ابوي وجلس مع زوجي والله ياناس ان زوجي منزل راسه من الفشيله
وطلع ابوي بعد ما اصلح الامور وجا زوجي وتاسف لي ووعدني مايكررها وانه من العصبيه يقول هالكلام.

المره الثانيه كنت حامل في السابع وكانت المشكله ان زوجي تضايق من كثر ما اقوله ودني المستشفى لاني كنت مجهضه
قبل حملي هذا فجاني زي الفوبيا فيوم حملت بولدي صرت لو ينغزني شي قلت ودني المستشفى وكان يوديني
ولا الومه يوم عصب بس ياجماعه هل هذا مبرر له انه يسوي اللي سواه باقولكم وش سوا واحنا راجعين من
المستشفى جلس يتلفظ علي الفاظ شينه وانا ساكته مابي اشب النار زياده وبعدها قلت له انا وسوستي من اجهاظي لا تلومني
وتزيد علي قال ( اسكتي ولا عطيتك كف ) طبعا مو اول مره يقول هالجمله قلت له مو انت اللي تعطيني كف ابوي وهو ابوي
ماقد مد يده علينا قام وضربني مع راسي انا هنااا قلت خلاص ودني لاهلي قال بوديك بس احلمي ارجعك
الا اذا انتي اتصلتي قلت ما مني متصله والطلاق خيره اجل تضرب وحده حامل المهم رحت بيت اهلي وجلست تقريبا 11يوم ماكلمته
ولا قلت ولا شي وبعدها اتصل هو يبي يحل الموضوع معي قلت الحل مو معي اتصل لابوي وحله معي لو حلي معك بينفع
كان نفع من زمان الحين الكلمه بين الرجال وفعلا جا وكلم ابوي ورجعت مع زوجي بشروظي وقعدنا فتره مرتاحين بدون مشاكل


المره الثالثه : بعد فتره من الاستقرار اللي حسيت ان روحي رجعت قررت انا وزوجي نحج وقبل الحج بشهر وزوجي متغير
يدخل البيت مو رايق مكشر احس انه فيه شي رغم ان ماعاد صار بينا مشاكل وامورنا تمام وانا مستغربه من تغيره
تخيلو شهر كامل مالمسني وغريبه منه وكل مره اساله يقول مافيني شي يتهيا لك المهم جا وقت الحج وحجينا ورجعنا
بعد رجوعنا بيومين اختلفت انا وياه اختلاف جدا تافهه وهذي المره الاولى اللي نختلف بعد المشكله الكبيره الثانيه وكان اختلافنا
كنت مغسله قدر ودخلته ولا مسحته زين بالفوطه يعني مررره تافه المهم رحت العزيمه وانا في العزيمه ارسل لي شوفي
انا مليت منك واذا جا بكره تعالي خذي عفشك , جاني زي الانهياار قهرني بكل بساطه يلعب بالطلاق بكل بساطه يكون سطحي
جلست اصيح وكلمته وانا ادعي عليه وهو تخيلو يصيح في التلفون ويهدي فيني ويقول الطلاق يمكن يكون حل قهرني زياده المهم
جلست عند اهلي مابيني وبينه اي تواصل وبعدها تراجع وجا يراضيني ويبي يرجعني

المره الرابعه :: كانت في رمضان اللي راح نفس المره الثالثه تغير فجاه شهر كامل وانا اساسا من تغير وانا عارفه ان بتحصل مشكله
من وراه في هالمره كنت حامل واجهضت وجاني نزيف ودخلوني المستشفي وسوو لي عمليه يعني نفسيتي في
الحضيض وهو مادري وش فيه ماو قف معي وقفه صح , طبعا حملي كان باصرار منه يبيني احمل بعد ماطلعت من المستشفى باسبوع
كنا معزومين عند اهلي فطور نزلنا بنركب السياره الا السياره واقفه عندها قطوه وانا اخاف من القطاوه ورفظت اركب لين يبعدها عني
ويجلس يصارخ انا اكرهك تدرين ليه اكرهك لانك كذا قلت عشاني اخاف من قطوه تكرهني طول الطريق وهو بطلقك وبتزوج وحده
غيرك جاني زي الحاله الهستيريه تعبت تعبت ضغوووط حامل واجهضت وشفت الموت في النزيف ثم يزيد علي هو قعدت اصرخ
واصيح هو قعدت يهدي فيني ولدي يصيح معي من الخوف مايدري وش فيني ورجعنا البيت مارحنا العزيمه وهو يهدي فيني ويعيد الكلام
المهم رحت بيت اهلي وجلست عندها 10 ايام وكلمني وقال انا كلمت استشاري اسري واني دريت اني غلطان وانا ابيك واحبك واوعدك
ما اغلط عليك ولا اتكلم ولا اهددك بالطلاق وانك كل شي في حياتي ووش شروطك عشان ترجعين واعطيته اللي ابي ورجعت..

والحين مر شهرين من بعد المشكله ولا حصل مشاكل بينا .. بس من رجعت ياعالم وانا مكسورره تعبانه احس فيني جرح عيا يبرا
فيني ارق ما انوم من التفكير فيني اخوف احس هالاستقرار مارح يدوم احلاااام وكوابيس تجيني يا ثعابين يا حيات يا كاني ااصارخ واتطاق مع زوجي تعبتني هالاحلام
تعبت قسم بالله ابي اعيش حياة هاديه ابي اعيش مع انسان
عاقل وحكيم التفكير ذبحني احيانا اقول يمكن هو مايبيني يمكن مايحبني عشان كذا يفتعل المشاكل وياخذها حجه للطلاق

علمووني قولو الصدق هو يحبني تحسون انه يبيني هو دايم اذا صار معصب يقول انا مابيك ما احبك بس بعدين يتاسف ويحلف
باعز ما يملك انه قال هالكلام من عصبيه وانه يبيني ويحبني

هو اذا كان راضي ومافي مشاكل بينا يكون عسل معي ويجلس في البيت مايتركني ولو اقوله مشتهيه الشي الفلان
فجأه يجيبه لي مفاجأه يتضايق اذا شافني مريضه ماينام الا وانا معه اشياء كثيره تدل ع حبه بس اذا حصلت بينا مشاكل يقول شي
ماينقال

>>>>> ردود الأعضـــــــــــــــــــاء على الموضوع <<<<<
==================================


حبيبتي ارقي حالك وارقي زوجك والله اعلم انها عين وحسد
اهم شي الرقية الشرعية زوجك وهو نايم حطي ايدك على راسه واقرأي الاذكار
ان شاء الله رح تنحل مشاكلك


__________________________________________________ __________

الله يعينك ويهدي زوجك حاله يدل انه يحبك بس يمكن مايعرف يضبط اعصابه وعصبي بزياده..شغلي سورة البقره باستمرار في البيت وان شالله ربي يهديه وتعيشو بسعاده وبدون مشاكل


__________________________________________________ __________

تطمني هو يحبك 100 من 100 كل انسان عند عصبية لا يدرك ما يقوله انتي كمان لا تكونين حساسة زيادة عن لازوم


__________________________________________________ __________

حبيبتي الظاهر انو هو طبعي هيك يعني صعب تغيري طبع الواحد اللي تقدري تعمليه هو انك تتجنبي الامور اللي تزعله و طنشيه لما يقول كلام جارح ساعتها راح يدور عليكي عشان يراضيكي


__________________________________________________ __________

؟?؟?؟?؟?؟?؟?؟