عنوان الموضوع : تقدم لي ولد عمي و محتاره مجابة
مقدم من طرف منتديات نساء الجزائر

تقدم لي ولد عمي و محتاره



بسم الله

أول شي حابه اقول يعطيكم الف عافيه على هذا القسم الرائع و على اجاباتكم و حلولكم

مشكلتي انه ولد عمي تقدم لي الاسبوع اللي فات و ابوي بدا يضغط علي عشان انه ولد اخوه

بس قالي انه الراي الاخير رايي

المهم بدات اسال عن الرجال و احترت اكثر

اخته مابيني وبينها علاقه قويه بس حسيتها صريحه وهي تجاوبني

تقول انه اخوها يصلي ويصوم بس مو مره متدين !!

وهذي حطيت عليها الف نقطه ليه تقول عنه كذا وهو اخوها

طبعا وغير كذا هو ضخم مره (طويل وشويه وزنه زائد) وانا قصيره ونحيفه لكني اشوفه مقبول شكليا

وقبل ست سنين اذكر انه انسجن اسبوع عشان تفحيط او شي كذا بس ابوي يقول كان بزر ومراهق

وغير كذا انه يدخن

انا الحين قلت كل السلبيات اللي فيه لكن هذا ما يعني انه ما له ايجابيات

اللي سمعت عنه من ايجابيات انه كريم وحبوب و طيب وحالته الماديه ممتازه

عمره 25 و انا 18 بس الكل يقول لي انه فرق السن عادي جدا

تقدموا لي 3 قبله وابوي رفضهم بدون يشاورني بس هالمره يلح علي و ليل نهار يمدح في الرجال

كذا انا احترت من كلمه اخته وانه يدخن و ماضيه يوم كان مراهق

و كنت برفض في البدايه بس ابوي حسسني ان هذا افضل واحد ممكن يتقدم لي و غير كذا امه مرره طيبه واشوفها تعامل زوجه اخوه كأنها بنتها

تكفون ابي آراءكم و شنؤ تعني كلمه يصلي ويصوم بس انه مو متدين!

طبعا داريه انه مافي حد كامل والكامل الله حتى انا لي سلبياتي

و اخواني صغار اكبر واحد عمره 13 يعني اكيد معرفته فيه سطحيه

لا تبخلون علي بشوركم وآسفه ع الإطاله والموضوع الملخبط

>>>>> ردود الأعضـــــــــــــــــــاء على الموضوع <<<<<
==================================


اولا آنسي كلآم آبوك تجآهليهه كليآ بعض الاهل نكبوا عيآلهم بالزواج عشآن آلقرآبه !! ويعني انهم يتفشلون من اقاربهم !! الزواج قسمه ونصيب آسمععي يآآختي آستخيري كثيير آذآ م آرتحتي ف انا اقول آحسن لك لآتقبلين لآنهه لو هذآ قبل الزواج وضاغط ابوك عليك كيف لو تزوجتوآ؟؟ يمكن تصير مشآكل مآلهـآ نهآيه ولايسمحلك تطلقين عشآن لاتتشتت آلعآيلهه !! آنتبههي آنـآ بديت آخآف من ابوك اكثر من خطيبك والله هههههههه آلمهمم استخخيري وادعي كثير قولي يارب اكتب لي اللي فيه الخير وان كان شر علي ف ابعده عني وان كان خير ف قربه

الله يوفقك يارب


__________________________________________________ __________

صلي الاستخارة
وأغلب الشباب الهم ماضي وهم مرااااااهقين وقصه الدخان ممكن يتركها بعد الزواج
واهم شي الاستخاااااارة


__________________________________________________ __________

وينك والدعاء :
اكثري من الاية الكريمة ( اللهم آتنا في الدنيا حسنة وفي الاخرة حسنة وقنا عذاب النار )
سوف تنقلب حياتك الى الاحسن .
مجّربة


__________________________________________________ __________

استخيري حبيبتي وربي يقدم اللي فيه الخير لك وله


__________________________________________________ __________