عنوان الموضوع : احب والي احبه خطب ''''( الطبيب يجيب
مقدم من طرف منتديات نساء الجزائر

احب والي احبه خطب ''''(



احنا عائلتنا متفرقه والكل بعيد عن الثاني هو عمرع الحين 23 وانا اخره مره شفته فيها يمكن قبل 6 او 7 سنين بس اشوفه صصور صصور وكلام في الفيس متدين خلوق ومثقف وسيم لابعد حد ظريف كل المواصفات الي احلم فيها لقيتها فيه وظليت اتابع منشوراتها ومتى يشبك بس احنا مره عائله محافظه مستحيل اتجرا واكلمه "( وظليت سنه على هالحاله لين اهو كلم اختي ع الواتس وسئلها عن فلانه بنت فلان الي معاها بالمدرسه لانه امه تبغى تخطب له وهو مايبيها هو يدرس بامريكا وبعد ماسئلها عن البنت قال لها : شخبار اختك كم صار عمرها وقالت له وخلاني اتعلق فيه زياده وصرت كله افكر افكر فيه مايغيب عن بالي وقلت لصديقاتي عنه واي عاشقه ولد خالي لابعد حد وبعد فتره قبل سنه تقريبا من كثر ماعشقته جد اخدت رقمه من عند اختي وصار عندي بالواتس وصرت اراقب صوره وحالاتهه واهيم اكثر واكثر لين في صباح كتبت له : هلا فلان منور وبس ورد عليي بكل ادب وصار بينا كلام خفيف كله باحترام وادب مثلا اني احط صورة كتاب هو يجي يقول هذا كتاب مفيد وكان عندي واذا حبيتي باجهز لك كتبي وعمتي تاخدهم اذا زارتنا لانه في امريكا انا بعد كلامه الدنيا مو شايلتني على اقل شي يسويه كلامنا مره قليل ومحترم ججدأ وهو عمل قروب عشان يقرب العايله وماكنت اتكلم فيه وكان يسئل عني وين فلانه وكان قلبي يذوب ومرت في حدود السبعه اشهر وكنت طايره معنه لا نتكلم ولا شي ولا يدري اني اعشقه هالكثر في شهر رجب الي طاف قالت امي اتفضلو على حفلة ولد خالكم وانا كنت بطلع من الباب بغى يغمي علي ورحت المجمع واتصلت بصاحبتي ومت صياح فعلا يمكن حتى الناس انصرعت واكتئبت يمكن اسبوعين كذا وصرت كله اصيح وما اكل ونزل وزني حوالي 4 كيلو صار وزني 45 وبعدها كرهت كل شي يتعلق فيه ومسحت كلللل شي في جوالي صوره كلامه كل شي يذكرني فيه وبعد يمكن بس اسبوع واحد حن قلبي اله ورجعت اموت فيهه مثل الاول وللمعلومه هو كان بيخطبني بس بعدني ادرس فا مابقدر اسافر معاها وخطب وله بنت ثانيه وما احد قال لي ان خطبك على طول امي رفضت عشاني صغيره في ثاني ثنوي ويوم عرفت الخبر كل يوم لين هالساعه وانا اصيح اذا تذكرت وخالتي تبغى تخطبني لولدها وانا مره كارهه الكل من بعد وعندي امل فيه وفي ربي بس لا تسئلوني كيف سسساعدوني الكل يقول تقدرين تنسينه هو مايستاهلك وش تبين فيه وانا ما اقدر صرت مهووسه فيه وتعذبت طول سنين وهو مايدري وكان حلم حياتي اني القاه واشوفه حتى لو من بعيد ولا زال حلم مستمر اني اشوفه ونلتقي بعد هالسنين انا مستحيل اخرب بينهم شي او احد يدري بموضوعي وتخترب خطوبته بس مره تعبانه ساعدوني ي الاداره ونزلو موضوعي ابي ححل تكفو هذي ثاني مره انزلهه وما القاه

>>>>> ردود الأعضـــــــــــــــــــاء على الموضوع <<<<<
==================================


الله يفرج همك حبيبتي والله العظيم حاسه بايلي انتي فيه بس اقولك شي الحل مو عند البشر الحل عند رب البشر والله يفرج لك همك عاجل غير اجل ويرزقك. الرضا والقناعه بما هو مقسوم لك وان كان نصيبك بتاخذيه وأن ماهو نصيبك ربي يعوضك بالاحسن ان شاء الله


__________________________________________________ __________

ليش كل هذا حبيبتي انتي عطيتي لقلبج مجال
انه يخوض تجربة انتي نفسج مو متأكدة من نجاحها
اولا توج صغيره وتدرسين ليش وهقتي نفسج ورحتي تبحثين عن الحب
انتو حسبالكم الموضوع ممتع واحساس حلو هذا كله بالبدايه بس
وكل مازاد هالشعور الحلو فينا كل ماراح تكون صدمتنا اقوى وجرحنا أعمق
ياريت كل بنت تتقي الله في نفسها وتحفظ قلبها
حاولي تتقربين اكثر من الله
جربي تصلين قيام الليل
اقرأي القران بخشوع
اكثري من الأستغفار
فكري بمستقبلج حبي نفسج واهتمي فيها مو تعذبينهااا
موووفقه


__________________________________________________ __________

حبوبة بعدك صغيره على هالسوآلف

أنتِ ثاني ثانوي باااااااااااااااااااااااااااااااقي صغيره و الحيآة قدامك

والله كل هالمشاعر اللي تحسين فيها مشاعر وهمية ما لها أي مكان

و أمك معاها حق ترفض تتزوجينه و تسافرين !!

طيب و دراستك و مستقبلك !!

حبيبتي الحب لوحده ما يوكل عيش ولا يبني بيت أقسم بالله بعد الزواج تكتشفين أمور

تفوق مستوى تفكيرك أمور يبي لها نضج و وعي ، ثاني ثانوي بعمر اختي يعني عمرك 16 أو 17 سنة

ليه تبين تهدمين مستقبلك !!

الزواج قسمه و نصيب و اللي انتِ فية هذا كلة بيدك أنتِ اللي حاطه روحك و مقفلة عليها

داخل سجن الحب !!

الحب انك تعيشين حياتك بالطول و العرض ادرسي انجحي عيشي عمرك و سنك فقط لا أكثر

والله يرزقك باللي يسعدك مدى الحياة


__________________________________________________ __________

قلتيها بنفسك ماتقدرين ويانبك ضميرك لو حاولتي تفرقين بينهم او سويتي شيء وبتبدين له ك انسانه مخربه بيوت وانانيه

وامك رفضت طبعا لمصلحتك ومصلحه دراستك يااما بنات حبوا رجال ولما تزوجوهم وروهم نجوم الليل بعز الظهر وانقلب

الحب لكره مو طبيعي وتمنوا لو كملوا دراستهم وامنوا مستقبلهم وشالوا انفسهم شوفي يااختي الانسان ماايحس بقوه

الشيء الا اذا جربهه يمكن تقولين محافظ وكلام كذآ تذكري امك مارفضت ولا تزوجتوا الا لخيره قبل كل شيء

تذكري ان بالموضوع خيره وانتي لازم تكلمين دراسسه وتوصلين للي تبينهه انا اقولك ركزي بدراستك وبمستقبلك

صدقيني مااحبيتيه الا لجماله حبك لهه نسبه الاعجااب فيهه 90 بالميه وعشره بالميه ل اجل صفآته المهم هو خطب الحين

وشاف حيياته وانتي مستحيل تخربين عليهم بتقعدين بالالم والهم والحزن عشان واحد ماسوا شيء عشانك ؟؟

شكلك بمرحلة مراهقة وتحكمين ع الرجال من ناحية اشكالهم وتحبينهم وتتعلقين وتعيشين قصه غرام بمخك عشان شكل بس؟؟

اقول ركزي واصحي للي ترا كله وهم بوهم انا اعرف الحب تبادل احترام يفهمون الطرفين بعض

يكلمون بعض دايماا بينهم اشياء مشتركه انتي لاتكلمينه ولايكلمك كلها شفتيه وسال عنك مرا بالقروب وقال كتاب وماكتاب

وش كل هالحب اللي بقلبك .؟ اسمعي يااختي ذي فتره مراهقه ومنهاا الاعجآب واقري عنه الاعجااب يخلي الشخص

يشك بنفسه انه طاح بحب الشخص اللي معجب فيه لكن ذي كلها خرافات وانا احلف يمين بالله لو ان هالرجال انحرق

وجهه ماابيبقى له بقلبك حب ابداا ولا بتقبلين فيهه انتي كل اللي تعيشينه شيء طبيعي وبمرحله مراهقه وهو اعجاب

بكرا بتضحكين ع نفسك وع هالاشياء اللي تسوينها روحي استغفري والجي لربك وملي وقت فراغك اصلا كل اللي صاير فيك

من وقت الفراغ اهتمي بدراستك وجيبي نسبه عاليه وصدقيني بكرا اذا طلعتي للجامعه وحسيتي بالمسوولية

وحسيت ان لازم تنجزين شيء وتغير روتين حياتك وامتلت بالدراسة والعلم وربي بتنسينه وكانه شيء لم يكن

ظلمتي بختك وانا اختك اسمعي مني تبغين تتزوجين وانتي باقي تدرسين وتبغين تجيبين عيال وتحملين نفسك مسووليه

ترا قرار امك الصح وهي فاهمه بالدنيا اكثر منك لاتخلين هالاوهاام تسيطر عليك معليش لو قلنا كان بينكم علاقه سابقا !!


يحق لك تحبينه وتتعلقين فيه بس مابينكم شيء !! طيب اعجبتي فيه وتمنيتيه لك وماصار من نصيبك تدمرين نفسك ؟؟؟

الخيره في ما اختاره الله اما تدمرين وينزل وزنك ولاتاكلين ولا تشربين وتكرهين حياتك ترا كل اللي تعيشينه وهم بوهم

وكل الصدمه اللي صارت فيك لانك عشتي بالوهم وصدقتيهه وهذي اول غلطه ارتكبتيهاا وعلقتي نفسك ع اساس اوهامك تتحقق

وتصير واقع لكن صدمك الواقع لما صحيتي من كل هالوهم وبالاخير كل الحاله اللي تمرين فيهاا مجرد حاله وبتمر

وهي الاعجاب واقري عنه وبتعرفين كلامي صح بس نصيحتي لك ملي وقتك بالاشياء اللي تفيدك وتاسس مستقبلك

وفكري بنفسك فوق كل الناس لاتفكرين بالناس ولاتضحين لنااس مااسووا لك شيء فكري كيف بتصيرين بالمستقبل

وش بتتوظفين وحققي طموحاتك واحلامك وعيشي حياتك لاتعيشين شيء اكبر منك واذا خلصتي من كل ذا فكري بعدها بالزوااج

ولاتنسين تقربي من ربك واستغفري كثير املي قلبك بحب الله ولا تخلين اي مخلوق يسكنهه والله يوفقك ويبعد عنك هالاوهاام

ولاتقنعين نفسك انك عايشه الحب ترا هالشيء بياثر ع عقلك الباطني اقتنعي انه اعجاب لانه كذاا فعلا

واخر شيء انتي مسكينه تشوفين النااس بظواهرهم حلو يعني داخله حلو ؟ يمكن كان بينكد عليك حياتك

ويخليك تكرهينه وتكرهيين ليله ولدتي فيها خليك واثقه بخالقك اللي خلقك وخلق كل هالبشر وهو شايف مستقبلك!!

وعارف وش بتكون حياتك مع هالرجال وهو اختار لك هالطريق ماعندك ثقه باللي اختاره الله ؟؟ انا متاكده

كل شيء صار لك خيره والله يوفقك ويسعدك ويوريك ايام السعاده بحياتك وينجحك بدراستك ويبعد عنك كل هالاشياء


__________________________________________________ __________

المشاركة الأصلية كتبت بواسطة رووح متفائلة
ليش كل هذا حبيبتي انتي عطيتي لقلبج مجال
انه يخوض تجربة انتي نفسج مو متأكدة من نجاحها
اولا توج صغيره وتدرسين ليش وهقتي نفسج ورحتي تبحثين عن الحب
انتو حسبالكم الموضوع ممتع واحساس حلو هذا كله بالبدايه بس
وكل مازاد هالشعور الحلو فينا كل ماراح تكون صدمتنا اقوى وجرحنا أعمق
ياريت كل بنت تتقي الله في نفسها وتحفظ قلبها
حاولي تتقربين اكثر من الله
جربي تصلين قيام الليل
اقرأي القران بخشوع
اكثري من الأستغفار
فكري بمستقبلج حبي نفسج واهتمي فيها مو تعذبينهااا
موووفقه



الله يصلح حالك