عنوان الموضوع : حديثه زواج لكن كرهت الزواج! الطبيب يجيب
مقدم من طرف منتديات نساء الجزائر

حديثه زواج لكن كرهت الزواج!



السلام عليكم**
بكتب مشكلتي لكم لكن الي بيرد ردود مالها داعي او خارج الموضوع
الله يعافيه لايرد، انا ابي نصيحه وحلول تناسب الموضوع!!
المهم،**
انا متزوجهه من فتره 3 شهور حياتي للاسف غير مستقرة ماابرء نفسي قبل الزواج**
عايشه **عند اهلي حياة مرفهه الي ابيه يصير وعايشه في حريه**
ربي كتب وتزوجت وكنت حاطه في بالي ان حياتي بتختلف عن الحياة عند اهلي**
زوجي للامانه حبيب وطيب لكن المشكله الكبيره الاختلاف في التفكير بينا للاسف
مو قادرين نفهم بعض ومشاكلنا صاير كثيره احيانا نتمشكلل على حاجات سخيفه
مع اني ضحيت وتنازلت عن حاجات بس عشاانه بالرغم اني مو مرتاحهه على امل**
اتاقلم وانسجم مع زوجي لكن صارت مشكله وطفح الكيل كل واحد يبي يمشي**
الي يبغاه.. صار التفاهم معه صعب جداا وبعد المشكله اتاكدت اننا ماراح نفهم بعض**
المهم قالي هو انه صابر علي وتحمل قلت حتى انا ليش نستمر فحياة تتعبنا
حاول معي قالي لازم تتغيرين قلت المشكله مو فالتغيير المشكله فالتفكير**
قالي حاولي تتغيرين عشان نقدر نستمر قلت ماراح اتغير المهم بعدها قررنا ننهي العلاقه

قالي قبل انزل بيت اهلي فكري واستخيري وردي لي!!

المهم ابغى اعرف رايكم في حياتنا! من ترون انه غلطان! وهل تستمر الحياة بين الزوجين وهم موقادين يتفاهمون
في ششي. ابي اقوله مهم هذا الي خلاني اصر على عدم الاستمرار
هو اذا [صارت مشكله بينا يقول بدخل اهلك فالموضوع بحجه انه مافيه حلول واكثر من مره انبهه من هالشي**
اهلي اذا دخلو بينا بيخرب الموضوع ماابي اهلي يعرفون اي شي عن حياتي دايم مبينة لهم اني سعيده ومبسوطه) هذا الشي خلاني مااوثق فيه ،**
المهم ابي رايكم وااتقبل النصيحهه والحلول!!
ماعدا كذا من تجريح ولوم انا مو ناقصه رجاءاا
مع الشكر الجزيل..

>>>>> ردود الأعضـــــــــــــــــــاء على الموضوع <<<<<
==================================


مدري شقولكك .. لكن ع قولته استخيري أكثر من مرا ؤالله يكتبلك اللي فيه خير


__________________________________________________ __________

حبيبتي الاستخارة راح تريحك كثيرررر كثيرررر
أن كان فيه خير ربي أن شاء راح يثلج صدرك ويطمن بالك ويبعد النرفزة والعناد منك
الحاجه الثانيه لاإااااازم تعرفي أن بداية الزواج كذا لإيروح بالك أنكم مو متافهمين لا أبداااااا
لكن كل واحد يبي يفرض رأيه في البدايه عشان يفرض وجوده لأن بداية الزواج باقي مافي تضحيه مهما كان تحسيه ولد الناس وانتي كرامتك فوق كل شيء وماتحبيه يأمرك واشئاء كثيرة
تمام عليك انك حطيتي مشكلتك هنا ويارب انك واعيه وتفهمين النصيحه أكثر حالات الطلاق كانت ببدائه الزواج ويوم يتدخلون الأهل مايعروفن السبب غير انهم يوقفون مع بنتهم أو يجبروها على الرجوع والصبر وتكبر ألمشكلة
روحتك لأهلك حل تمام لكن لاتخبرون اهلك بشي استخيري وشوفي الحياة من غيره هل هي حلوة وتناسبك وألا بداخلك شوق له
وتفهمي وضعك زين وانه رجال واحمدي ربك مايطقك أو يشتمك يابنت الناس الله يهديك ويوفق بينكم يااااارب


__________________________________________________ __________

الله يفرج همك ويختارلك الخير


__________________________________________________ __________

لاتسالينا منو الغلطان لانك مو كاتبة شنو المشكلة حتى نحكم انتي صح او هو بس انا اكلك من واقع تجربة شخصية الزواج بالبداية كله مشاكل وعدم اتفاق واهل يتدخلون فالمفروض تحطين ايدج بايد زوجج وتبلشون خطوة خطوة وواحد ياخذ راءي الثاني وواحد يطبق راءي الثاني الى ان تسود الثقة والراءي الاصح يمشي ومرة تجين ع نفسج ومرة يجي هو ع نفسه ومرة تصير برضاتج ومرة تصير برضاته وكذة راح تشوفون نفسكم واحد اخذ ع طبع الثاني وهذه الحياة الزوجية تنازلات بتنازلات انا مثلك قبل الزواج بنت دلوعة ومدللة وماعرف شي اسمه مسؤولية او طلبات بيتية الى ان تزوجت اكيد اخذت وقتي لما تاقلمت وصارتلي مشاكل بس الحمدلله عدت ع خير والله نصيحتي الصبر ثم الصبر وتوكلي عالله ولو تطلقتي راح تعيشين نفس الحالة صدقيني واللي تعرفيه احسن من اللي ماتعرفيه


__________________________________________________ __________

حبيبتي الحياة الزوجيه تختلف عن حياة الشخص وهو عزابي فالمفروض انه بعد الزواج يصير تنازل من المراة ومن الرجل واعلمي الرجل مستحيل ان يبدا بالتنازل قبل المراة لانه يعتبرها ضعف بالشخصيه ... فعليكي حبيبتي ان لم تستطيعو حل مشاكلم لوحدكم لا باس بها ان تدخل احد من اهلك او اهله للاصلاح بينكم قبل ان تنهو علاقتكم بالانفصال لان مشكلتكي اهون من غيرك اقراي مشاكل اخواتك بالمنتدى وستجدين ان مشكلتك نقطة في البحر فعليكم بالجلوس جلسة هادئة وجميله اعملي فيها اجواء رائعة وناقشيه وقولي له انك سوف تتغيرين مقابل ان يتغير هو ايضا وحاولي لانك في بداية حياتك... واتمنى لك التوفيق