عنوان الموضوع : هي امي ؟ الطبيب يجيب
مقدم من طرف منتديات نساء الجزائر

هي امي ؟



السلام عليكم ورحمه الله وبركاته

انا بقولك القصه من اولها

انا عمري 30 سنه ماتزوجت عايشه طبعا عند اهلي
تخرجت وقاعده ادور وظيفه طبعا هذي ماهي مشكلتي

مشكلتي امي

القصه من البدايه انا من يوم انولدت بالدنيا وانا اعاني معاها
هي تكرهني بشكل خيالي لحد يقول لي الام ماتركه
انا وانا رضيعه حاولت تقلتني بشكل غير مباشر
طبعا هذا كله انا مادري عنه هذا عرفته من اقربائي
لما كبرت شوي شفت في جسمي اثار عمليات ولما اسال ابوي يقول
لا ماقد سوينا لك عمليه وانتي صغيره
كبرت مع الطق والتعذيب الجسدي والنفسي عمرها ماحنت علي لحد يقول معقوله لذي الدرجه قاسيه
تدرون اني امر عليها وهي تصلي واسمعها تدعي علي
والله لو اقولك اني طول عمرها اسمعها تدعي علي بالموت
في ناس يقولون لي احسني المعامله وهي تحبك
تدرون مابقى شي في حياتي حاولت اسوي معاها وكان جزاء المعروف 10 كفوف منها
حتى بدراستي تدعي علي طق وعذاب وتسوي المستحيل عشان الناس يكرهوني
حتى صاحبتي تسبني قدامهم عشان يكرهوني تبين لهم اني انسانه سيئه ومتخلفه
كرهت الناس كلهم فيني اهلي اقربائي كلهم يكرهوني
والله انا ماسويت لها شي
والله ماتصدقون كيف تناظرني لما اطالعها اشوف نظرات الكره والاستحقار في عيونها عمرها ماضمتني
وتبون الادهي والامر ؟؟ دايم تقول انتي شينه محد بياخذك حتى ثقتي في نفسي كسرتها
وتتكلم عندي عن الناس لو احد سالها عني عشان خطبه تقعد تقول اخلاقي وحرام ياخذوني لولدهم وتسبني عندهم
كان عندي انسانه اعرفها كبيره في العمر هي ترحمني وتعاملني وتحاول تساعدني تدرون كرهتنها فيني
والانسانه ذي قطعت علاقتها معي بعد ماكنت اعتبرها امي
تدرون اني عمرها ماخلتني افرح في العيد والله اني لين مشيت جنبها
في البيت او اي مكان احس قلبي بيوقف من الخوف
صح الواحد المفروض مايخاف الا من الله بس انا اخاف من الي يجيني منها
قالوا لي ناس ادعي لها وادعي ربي انه يحببها فيك كل يوم ادعي
ابقولك الشي الي ماتعرفونه
تحسبون انا بنتها الوحيده
لا لالا
عندها غير 4 بنات و4 اولاد تعشقهم تموت عليهم ماترضى عليهم بكلمه
حنونه معاهم وتخاف عليهم من النسمه ولا تطقهم وحاطتهم في عيونها
دور ابوي سلبي لانه مايحب المشاكل والقلق
انا تعبت معاها ولا ادري وش اسوي ؟ هل هي امي ؟
احيانا افكر ودي اروح اسوي تحليل النسب ابي اعرف هي صدق امي ولا لا
ابي ارتاح عقدتني في حياتي بسببها عمري ماحسيت بالسعاده

>>>>> ردود الأعضـــــــــــــــــــاء على الموضوع <<<<<
==================================


حيــــــــــــــــــــــــاتي وربي حاسه فيك
يآآآآآآرب يفرج همك مالك الا الصبر والدعاء


__________________________________________________ __________

والله انا صابره وادعي في اليوم مليون مره وثقتي بربي كبيره
والله ياخواتي انا عمري مادعيت عليها ولا تحسبت عليها والله اني مااتمنى لها الا الخير


__________________________________________________ __________

الله يفرج همك ويعينك بجد انا استغرب من بعض الامهات ليه القسوه كذا

انتي ماعليك الا الصبر والدعاء لها بالهدايه وإن يحنن قلبها عليك

خليك راضيه مرضية الوالدين لان الله إن احب عبد بتلاه لايختبر قدرته على الصبر

وعليك اختي بهذا الدعاء :

اللهم ملكني قلب والدتي اللهم ياجامع الناس في يوم لاريب فيه اجمع الحنية في قلب امي علي

اسال الله إن يكون بعونك ويفرج همك



__________________________________________________ __________

المشاركة الأصلية كتبت بواسطة مشكلتي
والله انا صابره وادعي في اليوم مليون مره وثقتي بربي كبيره
والله ياخواتي انا عمري مادعيت عليها ولا تحسبت عليها والله اني مااتمنى لها الا الخير

شوفي حبيبتي كان الله في عونك , تذكري أن الله علام الغيوب ومدبر الأمور عارف نيتك وشايف برك بها وظلمها لك فمن الي راح ينقذك من معاناتك الا هو إذن لاتجزعين ولاتيأسين من رحمة الله وأحسني الظن بالله, وقللي احتكاك بها بما أن هذا يريحها وأدعي الله بالزوج الصالح .

أستحضري هذي الآية ( أن الله لايضيع أجر من أحسن عملا )
والله يعوضك بالزوج الصالح والحنون .

وسبحان الله ممكن أمك هذي تدور الأيام ولا أحد يبر فيها الا أنتي .

لكن كيف علاقتك بااخواتك وأخوانك ؟؟


__________________________________________________ __________

علاقتي فيهم ؟ الكبار يضربوني ويضدهودني
الصغار ذره احترام ماشوف حتى لما اجي ابي اضم احد فيهم من الصغار يدفوني ونظام وخري وش تبين انتي ؟
اشتري لهم هدايا واحاول اكسبهم بس بالاخير كني ماسويت شي لهم