عنوان الموضوع : خطيبي الغريب او انا الغريبه ؟! -لصحتك
مقدم من طرف منتديات نساء الجزائر

خطيبي الغريب او انا الغريبه ؟!



سلام عليكم

اول شيء انا انعقد قراني قبل 8 شهور وعلى طول زوجي سافر يكمل دراسته
يعني ماشفته بعد العقد بس بينا مكالمات ورسائل ومو كثيره وكان يطلب صورتي
احيانا بس ارفض ارسلها له عن طريق الانترنت لاني اخاف تتسرب بأي شكل

المهم اهو رجع الاسبوع هذا للبلاد وبيجي يزورني بس انا كرهت جيته من الحين
انا ليلحين ماتعودت عليه ولا على الجلسه وياه حتى شكله اعرفه بالصور بس
نسيت شكله على الطبيعه وحتى مكالماتنا مو ذاك الكثر
وكان في بالي زيارته هذي بتكون عشان نتعود على بعض وبس
بس اهو كل شوي يرسل انا لما اجي بسوي لج جذي وجذي وجذي وابيج تسويلي جذي
انا احس انه اسمحولي اقولها يفكر بالجنس وبس يعني حتى مايهمه انا منو
مايعرفني عن قرب ماقط جلس وياي مو معقول على طول تفكيره يروح لبعيد
يعني معقوله كل الرياييل جذي ؟! ولا بس زوجي انا جذي ؟
يعني صح متملكين من فتره بس تواصلنا ماكان كافي عشان نحب بعض
اصلا الحب مايجي من مكالمات ورسائل بس
وانا اعتقد الحب يجي اول بعدين الباقي يتبعه بدون تعليمات (( بسوي لج وسوي لي))
ومو على طول وفي فترة الملكه واول شوفه يقول بسوي وبسوي
والله ماادري منو الصح بس انا مابي ارد عليه رد يفهمني غلط
وفي نفس الوقت انا ماارضى يصير بينا اي شيء حتى القُبل
قبل كل شيء احتراما لاهلي وانا ليلحين في بيتهم ثانيا
الواحد مايضمن شنو يصير بعدين ماله داعي يستعجل

وارجع اقول ليييش جذي انا كنت ابيه يحبني انا لشخصي وينجذب لي اول
وانا ابادله نفس الشيء
مو بس جاي يبغى يفرغ وقاعد يخطط شنو يسوي وياي وهو مايعرفني زين ولا قط جلس وياي

علموني تفكيري صح وشنو اقوله ولا اللي يسويه اهو هو الصح ولا شنوووو
والله صرت افكر اتعذر له كل يوم شيء عشان مايزورني لاني خاااايفه منه
ساعدووني

>>>>> ردود الأعضـــــــــــــــــــاء على الموضوع <<<<<
==================================


شوفي اختي الشباب مو كلهم بس غالبيتهم رغبتهم الأولى من الزواج الجنس مو نفسنا حنا البنات نبي نكون اسره وكذا يمكن هو مال لك وبدا يحبك وخصوصا انك زوجته ف انتي عادي قابليه ببيتكم وخلي أخوك او اختك الصغيرة معكم بالغرفة وباب الغرفة مفتوح واذا طلب هالطلبات قولي له انك لسا في بيت اهلك وانه احترام لأهلك مثل ماقلتي وانا معك في هالكلام مااحب هالحركات قبل الزواج بيمل منك بعد شهرين من الزواج صدقيني قريبي كان كذا مابقى شي ماسواه معها ويوم تزوجها قالت زوجته ملينا من بعض كل شي سويناه قبل الزواج .. كذا راح تكبرين بعينه مع انه راح ينقهر بس صدقيني راح يتلهف عليك وينتظر يتزوجك علشان تصيرين له


__________________________________________________ __________

انتي تبغي حب قبل الزواج ومو عارفه كيف تقوليها
بس يمكن هو حبك لأنه إنسان خالي من أفكار المسلسلات والافلام اللي طبعا انتي متأثرة فيها
ممممممممم
بصراحه ماتصلحي للزواج حاليا أبداااااااا يا أختي راح تتفاجائ في الزواج انه مو كله حب ومثل اللي في بالك اخاف تكون الصدمه كبيرة عليك
الحياة الزوجيه كلها استمتاع وانجاب مع بعض الحب والرومنية بس مو دائما اوك مو دائما
أهم شيء العشرة الطيبه والاحترام
ومدتكم كافيه بأنه يبي يحس انه معه زوجه بالحلال ويجرب معاها الجنس على خفيف قبل الزواج مافيها شيء لكن عدم تقبلك لهذا الأمر هو من عدم تقبلك للشخص نفسه


__________________________________________________ __________

انتي متاثره بالدراما

اول شي نحب بعض و بعدين نتزوج

هذا بالدراما

لكن انتي الدراما حقتنا يخطبك بدون قصه حب ثم يتزوجك

ماعندنا دراما كوريه ولا امريكيه

فبمجرد ملكتك او كتب كتابك هذا الجزء الاول

الجزء الثاني الزواج

فطبيعي يكلمك كذا

اعتبري فتره ال8 شهور فترة حب هم بالدراما ما يقابلون بعض و يبوسون ويحضنون ؟

خلاص اللي بيصير زيها وايش الفرق ؟

عيشي الوضع مو تتخيلين غيره لان مافي غيره


__________________________________________________ __________

بصراحه اشوفه هو الغريب مو عشان الحب ولا الي تقول عايشه دراما
اش ذا لسه ماشاف البنت من 8 شهور ولايكلمها كثير وعلى طول يقولها هالكلام
اقررررررف من الناس الي زي كذا صح هيا زوجته بس لسه ماصار الزواج والإعلان زي ماوصانا الرسول
مفروض يراعي شعورك بصراحه لو انا مكانك بعطيه على بلاطه بقوله كل الي احس فيه
واقوله ينتظر لين ع الاقل اعرفه زين ..


__________________________________________________ __________

اختي العزيزة
انا من رأي ان خطيبك عن تصرفه جدا طبيعي معك
الشباب بالوقت هذا الله يعينهم علي بشوفوا من لبس البنات وتصرفاتهم فلا تلوميه هو طلب منك لانك حلاله
بعدين يا بطة لو خطيبك ما بحبك ما بحكيلك وبطلب الي طلبه منك قرأنا عن مشاكل بنات بالمنتدى بانه ازواجهم ما برغبوهم سألتي حالك ليش ما برغبوهم وانتي خطيبك راغب فيكي ؟ هذا دليل على
شو ؟
بعدين يا اختي عندنا حب الرجل الشرقي مش بكلام الغزل والحب لا لانه ما بعبروا عنه
لما زوجك بجيب طلباتك بكون بحبك لما تمرضي ويركض عليكي للدكتور بحبك احنا عنا الحب هيك


فأنت شو بتختاري خطيبك يزهقك بكلام الحب والغزل وما بقوم بواجباتك
ولا بحبك بس ما بضهر وقايم بواجبتك
الله يوفقك حبيبتي وتتهمني بحياتك