عنوان الموضوع : خايفه من ربي يعاقبني بسبب..... الطبيب يجيب
مقدم من طرف منتديات نساء الجزائر

خايفه من ربي يعاقبني بسبب.....



السلام عليكم ورحمة الله وبركاته

انا بصراحه مشكلتي اني اصغر وحده من خواني...
كانت امي تاخذ موانع حمل بالنهايه عشان ماتبي تجيب عيال بس قدرة رب العالمين اقوى من كل شي
امي تعبت من العيال والتربيه وخلاص اكتفت هي وابوي من مشاكل العيال وتربيتهم
واحس كلش مش مرغوب فيني ودايما احس احقد على امي وابوي انهم جابوني على الدنيا بالنهايه وبعد ماهم كبروا وماعندهم القدره على فهمي والحرص علي بشكل سليم وكافي
اخاوني الي اكبر مني اهتمو فيهم فسحوهم وسفروهم على ايام كانو شباب وصغار عندهم القدره والقوه انهم يسفروهم ويطلعوهم ويربوهم ويلعبو معهم

بس انا جيت بالنهايه..وكلما كبرت اكثر واحتجت حرص وتربيه سلبيه واسلوب افضل من اهلي هم يكبرو اكثر وتتلاشى قوتهم ويضعف فهمهم عن استياعبي واستيعاب متطلباتي الجديده


وخاصه كلما كبرت ويزيد اتطلاعي وثقافتي اكتشف مدى الفراغ الي بيني وبينهم..لاهم قادرين يفهموني ولاني قادره افهمهم

امي اثرت علي بشكل سلبي...ربتني بطريقتها الي هي تبيها...لما احد يضربني وانا صغيره دايما تقولي استاهل واني استحق اي احد يأذيني ويضربني
ماتوقف معي ولاتدافع عني
حسستني بالدونيه والحقاره...والاحساس بالعجز والضعف...خلتني اواجه امور لوحدي انا ماعندي القدره لمواجهتها

ولو تصير مشكله بيني وبين شخص وماكمله..تهجرني وتزعل مني وماترضى تكلمني الا لما اروح اعتذر له واحب راسه وانزل نفسي له وانكسر له حتى لو ماقبل اعتذاري احاول مره مرتين عسى يحن ويسامحني

ربتني على الانسحابيه والهروب ...ماعرف اواجه ماعرف ادافع عن نفسي
صرت دموعي هي الحل لكل شي..كلما كبرت زدت

ابوي ماعمري حسيت انه ابوي...ماعمره حتى ناداني باسمي...طول عمره يهيني حتى بالشارع يناديني بشكل سيء ويحرجني ماعمره قالي يابنتي
ماعمره حظني او مسح علي

انا مابي حظن او حنان بس ع الاقل احترام
اذكر مره جاي من الدوام ورحت ببوسه على راسه وهو كان تعبان بعدني بيده بقوه وقال انتي شتبين انا ماني فاضي لك

مره انحرجت دموعي شوي وتطيح قدام كل اخواني


لما كبرت الان لازلت امي تبي تمشيني على كيفها ..يحق لها تمشيني على كيفها لانها امي...بس في امور مايحق لها..كونها شخصيه بحته
مثل الاعتذار تجبرني اعتذر للناس تجبرني انكسر لهم
واذا ماطعتها وكابرت وقلت لا مستحيل اعتذر تقعد تحن فوق راسي وتهجرني
وتتسوي روحها مريضه وكأني انا السبب بمرضها وتقولي وتردد لي انتي الي راح تموتيني
او تقول مثلا انا لو اموت افضل من هالعيشه
تجبرني غصب اروح اسوي الي هي تبيه
كم مره انكسرنت وهنت كرامتي على شانها....والمشكله مايبين في عينها
لو ارفض لها طلب صغير اطلع العاقه الي مانفع
تعبت منها ومن ابوي...

ابوي الي حتى الدراسه مايوديني ولا حتى لو مرضت يوديني مستشفى
رامي كل المسئوليه وماعليه من احد...يمكن يكون بحكم انه كبر وماعنده قدره بس مهما كان انا لازلت بنته
محتاجه سند محتاجه احد يتحمل مسئوليتي
صارت الناس تستغلني وتتطاول علي لأنها عارفه ان ماوراي احد
لأنهم عارفين ان امي بتخليني اعتذر وانكسر لهم
صرت اضحوكه للكل
عمري 23 سنه ولازلت ولاشي

الان انا وصلت لمرحله صرت اسبهم في داخلي واتمنى لهم الموت
اقول وجودهم وعدمهم ماله فايده....بس مزيدين تعاستي لو اني بدون ام وابو افضل

وصرت اسبهم..الان انا ندمانه واحس ربي غاضب علي
هل من الممكن ربي يغفر لي السب الي سبيتهم..طبعا انا ماسبهم قدامهم اسبهم من داخلي وبقلبي بس حاسه بالذنب رغم كل شي عملوه فيني

خايفه من ربي..اخاف اموت وهو غاضب علي بسببهم...

ارشدوني كيف هل من الممكن ربي يغفر لي انا خايفه وحاسه بالذنب وضميري مو مرتاح احس ربي مايطالعني وغاضب علي ويلعني بسبب اني سبيتهم وتمنيت لهم الموت

ريحوني الله يريح قلوبكم

>>>>> ردود الأعضـــــــــــــــــــاء على الموضوع <<<<<
==================================


اكثري من قول اللهم اغفر لي ولوالداي

اللهم اعني علي برهم

اللهم لين قلب امي علي

اللهم حببني الي ابي
وهم يقينا يجبونك ولكن لكبر سنهم يكون لهم تفكير خاص لكن انت حاولي تكوني متفاهمة لموقفهم ودائما حاولي ارضائهم
ولا تتمني موتهم فهم مهما كانوا كنز لا يعلم قيمته الا من يقتقده


__________________________________________________ __________

شوفي ياحبيبتيَ
ان الله غفور رحيم '
والله سبحانه قريب من عباده المتقين ف انتي ي اختي ،
ادعي ربي دايم ب سجودك ان الله يقوي شخصيتكَ
ويحنن قلب امك وابوك عليك :"
ادعي دايم ادعي وثقي ب الله سبحانه ،
لانه مجيب الدعواتَ ولا تيأسي من رحمه الله '
وصلي كثير وتقربي ل ربكَ وابد ربي يبي يغنييك عن كل شيَ '
وان شاء الله تتزوجين وتعيشين اجمل عيشه عند زوجكَ :" )
وانتي ساعدي نفسك بنفسكَ ()
زيني اخلاقك اذا هاوشتك امك إلتزمي الصمت !
وحاولي م تغلطين عشان محد يهينكَ .
دوري اقرب اخوانك وفضفضي لهَ تكلمي معه قولي كل الي بقلبكَ
بس تاكدي انه مايطلع الكلام الي تقولينه له '
وكوني مع الله يكن معك ،
تاكدي ان الله معك بكل صغيره وكبيره ،
والدعاء والاستغفار يفرج الهموم ب اذن الله "
لاتستهينين ب هذا الشيء ابد "
وياارب يفرج كربك ويبعد همك ويرزقك الزوج الصالح والذريه الصالحه :" )


__________________________________________________ __________

الله يعوضج بزوج صالح يعوضج عن كل الرعايه والحب الي فقدتيهم
حبيبتي والله حسيت فيج , بس حمدي الله انهم قدامج وعلي الاقل بتلاقينهم وبشوفينهم
بعينج !
صدقيني وربــــــــــــــــــي العظيم
في ناس امهم وابوهم لاهين عنهم , يعني لا عارفين بناتهم وين يروحون ولا وين ينامون كله وااااااااااااااااحد عندهم , ماشاءالله انتي في نعمه وحمدي ربج وربي انتي في نعمه الله يحفظها لج بس مبحاسه !!!!!!!!!!!
واستغفري الله كثير
ولا تنسي ان الله هو
[الغفور الرحمن الرحيم size="6"]
والله يحنن قلب امج وابوج عليج ويحنن قلبج عليهم ان شاءالله
آآآميـــــــــــــــــــــــن يآآآآآآآآآآآآآآآآآآآرب . [/SIZE]


__________________________________________________ __________

اللهم اغفر لي ولوالداي


__________________________________________________ __________

تحمليهم يااختي وربي يغفرلك يارب ويرزقك الزوج الصالح يارب انا وانتي واخواتي المسلمات دعواتك ان الله يهديهم لكوتقبلي مروري في صفحتك