عنوان الموضوع : هدوئي جنوني [] ساعدووني -لصحتك
مقدم من طرف منتديات نساء الجزائر

هدوئي جنوني [] ساعدووني



عندما انظر الى البنات اللاتتي من جيلي اشعر برغبة في البكاء
انظر اليهن وهن يتكلمن ويتناقشن ويعلقن وانا صامتة كالجدران
هدوئي سبب لي الانطوائية الزايدة وعند التكلم الارتباك وعند النظر الى الناس التوتر
لا استطيع ان اتي بسوالف او تعليقات او اناقشهن لاني عندما اريد ان اتكلم احس ان كلامي
مامنه فايدة واذا كنت عند الناس طول الوقت نظري في الارض
وصديقات ماعندي اللي افضفض لهن واذا قلتولي شوفي مجموعة بنات جالسين روحي اتكلمي معاهم اذا رحت نفس المجموعة تسكت يعني لست مرغوبة عندهن
واذا جلست لحالي اتخيلهم واسولف واسوي حماس وفلة واتخيل نفسي جريئة معاهم واذا شفتهم بالحقيقة اقععد ساكتة يعني اححس براحة اذا سكت وهذا الشي مرة مضايقني ومني عارفة انا مععيونه او محسودة مادري وبدأت اختار الطريق الخطأ ومابغا امشي فيه
بس الله يخليكم ساعدووني انا طبعي كتومه وماقول لاحد اللي فخاطري
واذا حصلي موقف على طول انسى مااتذكر وإذا سألوني اقول نسيت
ابغى اتخلص من ذا الشي المدرسة جاية وانا خايفة من البنات والمعلمات واهلي مهم مطاوعيني اني اترك المدرسة الا اذا اتزوجت
انا عمري17 رايحة لثالث ثانوي واسمي يدل على الفرح وانا الله المستعان شخصيتي رايحة فيها
الله يوفقكم ويستر عليكم انا فأمس الحاجة اليكم

>>>>> ردود الأعضـــــــــــــــــــاء على الموضوع <<<<<
==================================


الله كريم


__________________________________________________ __________

اكيد مالقيتي مع البنات شي يشدك تتكلمين فيه

فليش تغصبين نفسك على شي مو عاجبك

خليها بالتساهيل وقت ماتشوفين انك مرتاحه لوحده اتكلمي معاها

مو لازم تصيرين زي غيرك

عاد من زينهم البنات الان الا مره اوفر في كل شي حتى مزحهم سامج


__________________________________________________ __________

الوكاد بيضيق صدرك العزله شينه
أنصحك تقرين سورة البقره الافضل اخر الليل يوميا مدة اربعين يوم بنية الشفاء واذ زدتي فهي بركه لك
و بتدعين لي ان شاء الله ^.^

بعد اقري عن مهارات التواصل
وبالنسبه للسوالف وكذا ان شاء الله البنات يفيدونك
<<


__________________________________________________ __________

... شوفي يابنتي ...

انتي بيدك تغييرين كل شي بحياتك
والف ميل تبدا بخطوه
لاتضنين ان البنات الي شفتيهم علطول طلعو من بطن امهم جالسين يضحكون ويسولفون كذا علطول
لا الامر خطوه بخطوه والتربيه لها دور

شوفي يابنتي..
1- اقري كتب عن تثقيف بالنفس
2-ابدي بالاقربين منك امك اختك سولفي واضحكي حتى لو تجلسين مع امك او اختك لحالك دربي نفسك طلعي سالفه حتى لو تقولك وخري او كذا لا عادي قولي هذه حجره طاحت قدامي احطها تحت رجلي واطلع فوق فوق كل ماشفتي شي يضايقك تخيليها تحت رجلك واطلعي فوق فوق
3- جمعاتكم ادخلي معهم سولفي اضحكي لو تسوين صينيه حلا وتحطينها لهم ويبدون يمدحونها عادي ويبغون طريقتها قولي لهم
4-تعودي وانتي تتكلمين تناظرين بالعيون من اهلك
5-ابدي من الجالسين جنبك بالفصل شفتي وحده لحالها روحي سولفي دربي نفسك شوي شوي
6-لاتجلسين في البيت انتي تحلين مشكلتك بمشكله اكبر منها يااختي خلي طموحك اعلى بكثير ادخلي الجامعه وكوني صداقه من جديد لان بيجون بنات لحالهم ادخلي مع وحده او ثنتين وكذا وبتشوفين نفسك تمشين
7-اكثري من ذكر الله واقري القران فهوه يطلق اللسان ويشرح القلب
8-اكثري من الاستغفار والدعاء
9-كوني صاحبه اخلاق عاليه وفتاه متدينه ((من احبه الله احبه الناس))
10-خلي شغلك الشاغل في الحياه رضى الله ثم رضى والدينك ثم منصبك وطموحك ووظيفتك وعايلتك القادمه باذن الله

توكلي على الله

ذكرتيني ببنت اعرفها خليني اقولك والا والله لم اذكرها الا لاشجعكك وشجع غيرك
بالجامعه دائم تقلق وتخاف ان الدكتوره تخليها تقرا تخاف تغلط وكذا
قالت الى متى هذا الشي لمتى احبس نفسي صارت ترمي نفسها بالوسط
مثلا .. دكتوره تقول من يلقى كلمه تقول انا وتشوفين الحوسه وتغلط وتتوترت
لكن ماستسلمت ماشاء الله عليها كذا مره لما الان تضحك على نفسها تقول اثر المشكله بسيطه بس يبي لها قوه وعزيمه والان هي ستصبح معلمه ماشاء الله

بالتعويد ستصبحي فتاه مشرقه باذن الله^^

موفقه حبيبتي


__________________________________________________ __________

حبيبتي انتي اللي تعاني منه مرض إسمه الرهاب الإجتماعي وعلاجه بإذن لله كالتالي:

200غ خزامى – 100غ حشيشة الدينار – 100 مريمية (قصعين)
تخلط هذه الأعشاب بشكل جيد وتصنع مثل الشاي
كوب قبل كل وجبة لمدة شهر ومن ثم كوب قبل الإفطار وآخر قبل النوم بساعة لمدة شهر آخر
وبعد ذلك كوب على الريق فقط ولمدة غير محددة
واستخدام خميرة البيرة من الصيدلية وهي حبوب طبيعية لا ضرر من استخدامها