عنوان الموضوع : ابغا ادعس علي اخوان ابوي .. الطبيب يجيب
مقدم من طرف منتديات نساء الجزائر

ابغا ادعس علي اخوان ابوي ..



السلام عليكم ورحمة الله وبركاته
انا بنت عمري 17 انا بالصف الحادي عشر السنه الجايه انشاء الله ثنويه عامه ، مشكلتي تكمن في الغرور الزائد ... يعني اتمني يحطون صورتي بالجريده من اوائل الثانويه العامه بالدوله السنه الجايه ،، اعرف انها امنيه حلوه وطموح عاليه لكن انا دوافعي ماهي حلوه يعني بس يوم ابدء افكر بهالفكره تجيني حاله غرور ان لازم كل حد يعرف اني احسن عنهم و حتي لو حطوني بالجريده كيف بيعرفون اهل ابوي وامي اني طالعه الاولي !
بس همي الوحيد هو اني ابين للناس اني احسن عنهم ! ابغا بنت عمي(مع العلم انا مابيني وبينها شي لكن اكره ابوها ) الي معاي بالمدرسه تحس اني افضل عنها ابغا بس اقهر اهل ابوي الي يكرهون ابوي و متعاونين عليه لانهم دايما يقولون لابوي ان نحن عيله فاشله ويحطمون فيه و حتي لما يكون احيانا محتاج ماعمرهم مدو يد العون يفضلون الغريب علي ابوي (مع العلم لا انا ولاابو نعرف سبب كرهم لنا بهذي الدرجه الفضيعه ! لدرجه انهم يفضلون يسلفون الغريب ملاين وابوي لما يكون محتاج لسواق يوصل عياله المدرسه لمجرد اسبوع يضحكون و يقولون نعطيك خبر بعدين ! ) جدي لعب دور كبير في انه يحرضهم علي بعض .. جدي الي كل يوم عالمسجد يقوم الفجر وهو عالمسجد ظلم ابوي ظلم .. حتي الحين لما كبر يعامله كانه ولا شي ماعطي حلاله كله لعياله الباقين ومن هالفلوس استثمروها و صارو اصحاب عقارات و شركات و ابوي الي كون نفسه بنفسه ووصل لاعلي شي صار منصبه اقل عنهم ! مع ان والله العظيم ابوي معاه شهاده دكتوراء اخذها في اصعب الظروف والاوقات ومع هاذا محد بارك له من زود القهر الي فيهم .. اخواني لله الحمد نسبهم بالتسعين واخوي متخرج بنسبه 96 لكن انا اريدهم يشوفون بالجريده اسمي عشان ينقهرون و افرح لما احسهم يعرفون اننا افضل عنهم ! كل همي اني بس ادعس علي غرورهم ! من زود تفكيري بهاذا الشي صرت احس نفسي صابني هاذا الغرور الي تملكهم !

>>>>> ردود الأعضـــــــــــــــــــاء على الموضوع <<<<<
==================================


أستغفرالله..ربي يهديك


__________________________________________________ __________

لا يا حبيبتي حتى لو كان هذا هدفك فيسمى طموح لانك ما عرفتي تعبري عن رغبتك وفهمتيها وفسرتيها على اساس غلط او بالاحرى الشيطان وسوسلك ان هذا غرور عشان يبعدك عن حلمك وهدفك ولكن بحقيقة الامر والدافع ان انتي تريدي تردي الاعتبار لابوكي ولعيلتكم اللي يسخرون منها ويقولون فاشلة وهذا شي مشروع ومشكورة على تفكيرك انك تردي لابوك اعتباره


__________________________________________________ __________

الله يوفقك ويصلح بين ابوك واعمامك


__________________________________________________ __________

لا حبيبتي ترى هذا اللي تحسي فيه مو غرور ولكن نتيجة اللي واجهتية من الناس

خلاكي ودك تكوني ذات مركز مرموق لتكوني اعلى منهم وهذا من حقك ولكن باخلاقك السامية

عشان لاقالوا فلانه بنت فلان دكتورة او اي شي .... يقولو والنعم بيض الله وجه من رباه << الناس على

طول بيذكرون امك وابوك اللي ربوك وتعبوا عليك وانتي رديتي جميلهم هذا بنجاحك .

ثقي بان الله لايضيع عملك واذا انتي مقهورة عشان ابوك فأخلاقة تشهد له ..


__________________________________________________ __________

تعوذي من ابليس واستغفري ربج وشيلهم من بالج لانج بتتعبين من التفكير وهم مادروا عنج