عنوان الموضوع : حبيته ونساني همومي الطبيب يجيب
مقدم من طرف منتديات نساء الجزائر

حبيته ونساني همومي



السلام عليكم ورحمة الله وبركاته

اليوم جيت افضفض لكم بعد الله ابيكم تساعدوني ماعندي شقيقه اشكي لها همي

انا عمري 22 سنه خلصت جامعة من سنة وشهر انا من يوم فتحت عيني في هالدنيا مشاكل ومصايب وابتلاء من ابوي الظالم
ابوي انسان مااراح تتخيلون حجم قساوتة وظلمه وتسلطه
يعني جاب لنا الامراض هو متعافي تخيلو ان جاء بيدل البيت بدل مايطق الجرس او يفتحه الباب معاه مفتاح
يكسر الباب بيديه يسمع الجيران ومرت اخوي فوق

فضحنا عند الله وخلقه وغير كذا بخيل ومتسلط تخيلو قريبتنا ولدها بيتزوج وعزمتنا يوم قرب لاموعد قال ماتروحين انا وامي !
وكنا متجهزين وكل شيء وغيرها كثييييييييير

بنت جيراننا تزوجت قبل 10 سنوات وكنا متجهزين عند الباب رجعنا بدون سبب
والله لو اشكي لكم من الآن لبكره ماراح تصدقون

وغير انه مسبب لنا هم وبلاء وعذاب بالدنيا , طبعا بخيل لدرجة مااشوف ريال منه ولاب توبي هذا والنت مايدري عنه شريته بأيام مكافأة الجامعه
ونسدد ونقط انا واخواني



المشكله الي جايه عشانها اني كنت العب بلعبة شهيره وفيه شات ! وانا والله ماكنت لااحب الشات ولااكلم ولد وكنت متشدده من هالموضوع

المهم انا احب الوناسه والسوالف فرق عن واقعي المليء بالاحزان

يعني بالقروبات واتس او شي افلها وانسى همي


وكنا بالشات نفس اللعبه ونسولف واستهبل وكان فيه ولد يرد علي بأستهبال وضحك يعني كنا مبسوطين !!

المهم ولا حطيت ببالي انه راح يكون تفكيري كله فيه , ورجعنا نسولف وقالي منطقته وقلت له منطقتي وقال متى تجين هنا

شكله يبي يشوفني انا استهبلت وضحكت مستحيل وقالي ابي بنك وانا قلت مستحيل اعطي بني شاب وانا اصلن ماعندي لابلاك ولاشيء

وقلت له كم بنت مشبك اكيد 4 قال لا انا مو اي وحده تدخل مزاجي !! وبعدين من بكره طلعت السوق عشان اشغل نفسي وماافكر
واول مادخلت اللعبه يقول فقدتك وينك اليوم ووو و

حسيت انه صادق لأن اسلوبه متلهف

وقال كان يكلم بس الحين لا ويغار علي غيره شديده ان شافني تأخرت بالرد او اتصال جاني

وكان يقول اكيد عندك تجارب مع الشباب وكنت احلف اني مو من هالنوع


المهم مع الايام صرت افقده تخيلوا اول مااصحى من النوم ادخل البرنامج اشوفه متصل او لا واغلب وقتي افكر فيه وتخيلو لنا اسبوع الحين
ياارسله بتويتر او اللعبه ويقولي اشتقت لك ياخبله هههههه وانا اضحك عليه ونستهبل

بس مال قلبي له انا اتمنى يصير علاقتنا مو عاطفيه ودي يكون اخوه وزماله
وصديقاتي اغلبهم تزوجوا واشغلوا عاطفتهم بس انا للحين عندي عاطفه ورومانسيه
ولااحب اوديها لحرام ومستحيل اوافق اكلم رجال غريب الله يثبتني

لااحد يقول ذئب بشري ووو ترا انا كبيره وتعديت هالمرحله من زمان وعارفه كل شيء
وش اسوي بحبي وعاطفتي وفراغي ؟ وشهوتي بعد

انا مليت من مشاكل ابوي ابي اشغل نفسي عن مصايب ابوي طلع الشيب براسي بس افكر وابكي ان قهرنا او سبنا او شتمنا
او خرب علينا شيء نتمناه


تخيلو مايخلينا نشوف الاوادم والناس وهو ماعنده وجه يعزم احد ولا يحب الا نفسه وفلوسه

انا تعرفت ع الولد وبدأ يقول ابي اشوف شكلك والحمدالله ماارسلت له ولا شيء قلت له انا استهبل صح
بس حكايات صورتك او خرابيط ماتمشي معي يقول ليه قلت انا اكون منافقه اغطي وجهي بالشارع وارسلك صورتي كيف؟

المهم قال ياليت البنات كلهم مثلك وانتي صادقه ونرجع نستهبل وعرف طريقتي بالسوالف اني مااحب اي كلام وصخ
وان قال بوس او شيء مااخليها له

ومره دخل قال وش تسوين قلت له بتويتر قال هاتي حسابك وسوا لي فولو
ودخلت وشفت صورته ماشاءلله جميل وعجبني ماتوقعته كذا وكل شوي اشوف صورته واتطمن ارسل شي او لا

انا الحمدلله شبه متدينه وكنت احفظ القران بالبيت ولااقدر اروح لتحفيظ ابوي مايخليني نطلع وادعي عليه كل يوم ولاجاه شيء
لااحد يقولي ابوك وابوك والله لو تعيشون معه يوم واحد تكرهون عمركم

اقاربنا عايشين بسعاده ماشاءالله وابوهم ع الكيف ويحب السفريات والدلع ومغنيهم بالفلوس

وتخيلو حنا مانبي منه شيء بس نبي يفكنا من شره والله والله عدووو مو ابو

الله هو العالم

ساعدوني بخصوص الشاب كيف اشيله من قلبي واعامله مثل اخ ومع الايام امكن يقول بخطبك واتزوجه وافتك من ابوي
انا مايشوفوني الناس ولاكان انخطبت من زمان وافتكيت مانعنا ابوي من كل المناسبات

اقول سبحان الله امكن اتزوجه ولاتقولون يلعب عليك انا مااخليه يلعب ولا اعطيه اي رقم لي او صوره

لأن فكرت لو سويت كذا وخسرت شرفي ماراح استفيد الا العار يعني من هالناحيه متطمنه بس ياليته يتزوجني وارتاح بالدنيا لو يوم واحد اول مادرا عن منطقتي قالي نبي القرب منكم
يقولون بناتهم حلوات وبعدين غيرالموضوع

هذا الولد يشتغل ويعمل وان فضى ارسل اخر الليل يقول بنام وانا الغبيه وقتي كله تفكير فيه ومتى يدخل ومتى يطلع وان دخل قال بنام يعني مليان وقته وانا فاضيه حدي
كيف اشيله من رأسي برأيكم لو احذف البرنامج ارتاح ؟ وتويتر اختصر الكلام معاه ؟
ولاتقولون لي اقطعي العلاقه والله انا ادعي بثلث الليل الحمدالله واحب ربي بس ولو فيه فراغ بحياتي كبير وابوي انسان شري ولايخلينا نزور اقاربنا او نستانس بشيء
كأنه مخلوق لنا اذى ووعثرة بالحياه انا كملت 3 سنوات مااكلمه ان دخل البيت صرخ يناديني حطي الاكل وان طلع يسب وانا صم بكم
تعبت من مشاكله ولو هو فرحان يجي ينكد علينا انسان صعب وصفه ومستحيل اسامحه عند الله ويارب يموت ونعيش حياتنا ونتزوج

مع العلم عندي اختين من ابوي وعنسهم بس وحده وافق يزوجها بعد وقوف الرجال بوجهه وتهديده بالمحكمه

نزلووووا مشكلتي يااداره الله يخليكم محتاجه كلمة طيبه والي بيقول سب او شتم اقوله الله يذوقك الي ذقناه انا وامي واخوني من تسلط واستعباد وظلم اقرب الناس لكم
وابتلاء ارتقو بالرد ولاتضيقوني اكثر

آسفه ع الاطاله
ادعوا لي ان ربي يفرجها علي ويرزقني الزوج الصالح الي يعوضني عن الي شفته بالدنيا
الحمدلله على كل حال

>>>>> ردود الأعضـــــــــــــــــــاء على الموضوع <<<<<
==================================


حبيبتي هي جملة وااحده لا أكثر خليها قدام عيونك صبح مساء (( من ترك شيئا لله عوضه الله خيرا منه )) ... اصبري واحتسبي ماتدرين لاقدر الله لو كملتي معاه اش ممكن ح يحصل يمكن ابوك يزوجك شخص سيء جدا وبدل ماتشتكين من أب تشتكين من أب وزوج عموما لو متضايقه حااولي ترسلي لي ع الخاااااااص وتلقين بإذن الله اللي يطيب خاطرك .... وبالتوفيق


__________________________________________________ __________

اختي الغاليه ...
احسست من كلماتك بطيب اصلك ومعدنك ... فلا تكفري نعمة الله عليك بعصيانه
ليس في الحياة وفي الشرع ان نجعل من رجل اجنبي مجرد صديق وإلا لتخذت كل
واحده منا رجل غريبا اخا لها تهاتفه وتمازحه ... فماهو العذر امام الله لو سألك غدا !!!!
حياة الجحيم التي تقولين عليها ليست مبررا لفعل المعاصي والوقوع في الآثام
من منا لم تتعرض للاذى من أقرب أقربائها مع اختلاف درجة الأذيه ...
ان صبرتي على ظلم والدك فلك الجنه بإذن الله ... ولكن ان سلكت الطريق الخاطئ
بسبب الحياة التي تعيشينها فما هو المصير يا ترى !!!!
أُخالك فتاة عاقله وتستطيعين ان تحددي المصير لنفسك فلا تغلب عليك العاطفه ...
وكوني على يقين بأن ثالثكما هو الشيطان ولن يقف بك الى حد الأخوه والزماله كما تقولين
هو عدو البشريه اجمع فلا يزال خلفك الى ان تسقطي في الحضيض
وأنت تستطيعين أن تدركي هذه الخطوات من أول العلاقه الى الآن كيف كانت من عدم مبالاة
الى أن وصلتي الى حد التفكير فيه بهوس !!!! فماهي ياترى خطوة الشيطان التاليه
ان كنت تبحثين عن صداقه ليس إلا لتشغلي وقتك أفلا يصلح ان تكون أنثى مثلك
ولماذا الجنس الآخر !!!!!
الفراغ أكبر مدهور للإنسان وهو أداة الشيطان ... اشغلي نفسك بما يقربك من رب البريه
انشغلي بهواياتك أو بأعمال مفيده ... اقرئي كتابا أو اشتركي في منتدى نسائي تفيدي
وتستفيدي ... تهدرين وقتك وهو عمرك ... وكلما ذهب يوم ذهب عمرك وستسالين يوما
عن عمرك فيما افنيتيه !!!
تذكري بأن عين الله تراك .. ومازال يمهلك لعلك تتوبين إليه !!! ومازال يستر عليك فلا تغتري
بستر الله وحلمه عليك فإن أخذه أليم شديد ...
لا تثقي بنفسك وبإيمانك كثيرا وأنت تمشين على الوحل فالمعصيه تقلل من الإيمان في قلبك
وتذهب خشيته شيئا فشيئا حتى يصبح الحرام حلالا في نظرك ...
وان اول المطر قطره وبداية الأحجار حصى فلا تستهوني بكونها لعبه وتسليه !!!
عودي الى ربك واسأليه العفاف والزوج الحلال ... لا تضعي لنفسك المبررات لفعلتك
فإن لا قدر الله وقعت في الحرام يوما فماذا سيفعل بك أباك يومها ...
وأين ستهربين من الخزي والعار حينها ... فكري في العواقب قبل أن تفكري في حاضرك
واسعاد نفسك والبعد عن واقعك ...
كل الاتي وقعن في الشهوات وآلوا الى ما آلوا إليه بعد ستر الله عليهم كانوا يثنون على انفسهن
بأنهن عفيفات ودينات ولن يجرفهن التيار يوما الى حصلت الكارثه ...
تسألين كيف تتخلصين منه وأنت مازلت متمسكه بالنار وتفكرين به وتبحثين عنه
اقطعي كل طريق يوصلك إليه وادحري الشيطان وهو مسألة وقت وستنسينه اطلاقا
اسأل الله في هذه الساعه المباركه ساعة نزول الرب جل سبحانه ان يردك الى الحق
وان يكره الى قلبك العصيان ويبعدك عن الشر وأهله


__________________________________________________ __________

كل الكلام اللي بخاطري البنات قآآلوه ربي يسعدهم ..



بس ممكن تستخدمين النقاشششش والحوار الهادي ..
والدعاءءءءءءءءءءءءءءءء ..
والاستغفار ..

آدعي ربي يسخر قلبه وييسر آآمورك ويهديه ويفتح قلبه ..


__________________________________________________ __________

لا تعصي ربك عشان الله يعوضك من ترك شيئا لله عوضه الله خيرا منه


__________________________________________________ __________

اتركيه
و ربي راح يعوضك ان شاء الله